Fréttabréf Öryrkjabandalags Íslands - 01.03.1995, Blaðsíða 21

Stjórnarmenn busla í Bláa lóninu.
um og sölustarfsemi ýmiss konar, og
landsbyggðadeildir fá að auki styrk
frá viðkomandi sveitarfélagi. I árslok
1994 voru félagsmenn 22.000 - allir
virkir þátttakendur í starfseminni, því
Svíar hafa þann hátt á að afskrá í lok
hvers árs þá sem ekki hafa greitt
félagsgjaldið fyrir árið, en gefa þeim
jafnframt tækifæri til að endurheimta
félagsskírteinið með því að greiða
skuldina á fyrstu mánuðum næsta árs.
Litli bróðir.
Sem félagi í NordPso bandalaginu
hafa íslensku samtökin greiðan að-
gang að öllu fræðsluefni sænsku sam-
takanna sem og félaganna á hinum
Norðurlöndunum. Það er ómetanleg
stoð fyrir févana líknarfélag eins og
SPOEX með rúmlega 1.500 félags-
menn að fá í hendur - ókeypis - úrvals
fræðsluefni í formi bæklinga og
vídeomynda. Og ekki má gleyma
veglegu telagsriti Svíanna og stór-
fróðlegum og læsilegum greinum pró-
fessorsins frá Gautaborg. Höfuðverk-
ur okkar er ekki annar en að koma
efninu á þekkilegt íslenskt mál - og
svo auðvitað að standa undir prent-
kostnaði og öðru í sambandi við
útgáfu félagsblaðs SPOEX. Þýðing-
arnar eru þó ekki eins mikill höfuð-
verkur og ætla mætti því norrænu
tungumar 4 eru ótrúlega líkar og oft
er auðvelt að ráða í merkingu orðanna
þó þekking á viðkomandi tungu sé
engin eða takmörkuð. Þetta á þó eink-
um við um hið ritaða mál því taktar
og tónar talmálsins lúta öðrum lög-
málum en við þekkjum. Og svo er
finnskan náttúrulega allt annað - og
óskylt - mál og engin leið að ráða í
þær rúnir hjálparlaust. Hver gæti t.d.
látið sér detta í hug að “kiitos viimei-
setá” útleggst “takk fyrir síðast”?
En áhrif Finnanna em engu niinni
þótt móðurmál þeirra sé okkur lítt
skiljanlegt. Og vissulega er það vösk
sveit rúmlega 50.000 félagsmanna
sem skipa NordPso bandalagið í dag
- og rödd þeirra er sterk og berst víða.
Helga Ingólfsdóttir.
KYNNING
Nú kynnum við Björn Her-
mannsson, nýjan framkvæmda-
stjóra Félags heyrnarlausra.
Björn var beðinn að rekja
náms- og starfsferil og segja
fáein orð um væntingar sínar
í starfi.
*
Eg er fæddur í Reykjavík
26. ágúst 1958 og hóf
störf sem framkvæmdastjóri hjá
Félagi heyrnarlausra í nóvember sl..
Eftir nám í Verslunarskóla Islands hóf
ég störf hjá Brunabótafélagi Islands
árið 1979. Þar starfaði ég sem forritari
í tölvudeild og sem markaðsstjóri í
söludeild. Árið 1989 starfaði ég að
fræðslu- og starfsmannamálum hjá
Vátryggingafélagi Islands eftir
sameiningu Samvinnutrygginga og
B.í. Haustið 1991 hóf ég nám í
Samvinnuskólanum á Bifröst og lauk
þar rekstrarfræðiprófi vorið 1993.
Síðastliðinn vetur var ég síðan
gestanemi í upplýsingafræði við
Árósa-háskóla í Danmörku. Ég hef
starfað í Flugbjörgunar-
sveitinni í Reykjavík frá 1977
auk þess að vera félagi í
ýmsum félagasamtökum sem
vinna að málefnum er snerta
áhugasvið mín.
Þegar ég byrjaði, höfðu afskipti
mín afmálefnum fatlaðra, hvað
þá heyrnarlausra verið lítil sem engin.
Þekking mín á stöðu þeirra í íslensku
samfélagi var mér alveg hulin. Ég var
t.d. engin undantekning þeirra sem
hélt að táknmálið væri alþjóðlegt.
Eins og flestir íslendingar varð ég
helst var við samfélag þeirra þegar ég
sá táknmálsfréttir í sjónvarpi.
Mörg brýn verkefni bíða úrlausnar
og er verið að vinna að mörgum
mikilvægum málum í dag. Fyrst má
nefna rétt heyrnarlausra til túlkunar
en stór áfangi náðist á dögunum þegar
félagsmálaráðherra skipaði nefnd til
að gera tillögur um skipulag
túlkaþjónustu fyrir heyrnarlausa.
Atvinnuleysi er mikið meðal
heymarlausra og er nú sérstakt átak í
gangi í samvinnu við Svæðisskrif-
stofu Reykjavíkur og Vinnumiðlun
Reykjavíkur til að útvega heyrnar-
lausum vinnu og bind ég miklar vonir
við það starf á næstu misserum. Að
lokum má nefna að heilbrigðisráð-
herra hefur ákveðið að endurnýja
skuli textasíma heyrnarlausra með
kaupum á tölvubúnaði með módemi.
Óhætt er að fullyrða að með þessum
búnaði opnast nýr heimur fyrir
heyrnarlausa í Iandinu.
Auk áðurnefndra verkefna bíða
niörg önnur úrlausnar á málefnum
heyrnarlausra. Auk þess að sjá um
rekstur skrifstofu félagsins mun ég
einnig starfa að hagsmunamálum
heyrnarlausra og vænti ég góðs sam-
starfs við alla þá aðila sem vinna á
þeim vettvangi.
FRÉTTABRÉF ÖRYRKJABANDALAGSINS
21