Fréttabréf Öryrkjabandalags Íslands - 01.03.1995, Blaðsíða 23

Annað sem þau lærðu var hversu
auðvelt það er að vera á ferðalagi í
útlöndum. Við “stúderuðum” strætis-
vagnaferðir í Southampton og neðan-
jarðarlestina í London og nú geta allir
farið allra sinna ferða án vandræða.
Það er bara að kunna litina og fylgja
þeim og náttúrulega vita hvert maður
er að fara. Þau kynntust einnig vel
Heathrow flugvelli. Við biðum þar í
nokkra tíma því Gunnar Már fór í
loftið þrem tímum á undan okkur
hinum.
Ómetanleg reynsla
Reynsla þessara ungmenna er
þeim ómetanleg því þau sáu og lærðu
að þau eru hluti af miklu stærri heild
og eiga sér samferðamenn um allan
heim. Hér fengu þau tækifæri til að
hitta unglinga á sama reki í sömu
aðstöðu og eiga þau nú vini hér og
þar í Evrópu. Þau sáu einnig muninn
á að tala táknmál og á þeim sem höfðu
æft varalestur. Táknmálstalandi hóp-
urinn var fljótur að grípa það sem sagt
var og snöggur að ná nýjum táknum
en varalestrarkrakkarnir áttu í stórum
vandræðum með að skilja og gera sig
skiljanlega á útlenska tungu.
Næsta fjölskylduhátíð
Næsti aðalfundur FEPEDA verður
íPrag 1995 og verðurfjölskylduhátíð
í tenglsum við hann og öll vilja þau
fara þangað til að hitta aftur sína nýju
vini, fá fleiri kunningja og sjá meira
af heiminum.
Að lokum vilja þau færa fram
sínar allra bestu þakkir til allra þeirra
sem gerðu þessa ferð mögulega.
Ragnheiður Kristiansen
HLERAÐ I
HORNUM
Opinberum embættismanni sem hafði
hrökklast úr starfi var komið fyrir í
einu ráðuneytanna. Hann var æði
verklaus þar, las mest Moggann fyrir
hádegi og DV eftirhádegi. Fyrirjólin
var svo verið að ræða um hvort menn
ættu nú ekki að vinna af sér dagana
milli jóla og nýárs. Þá spurði sá
verklausi: “Nú, sitjið þið þá bara
dálítið lengur?”
Gátuvísur Magnúsar
Jónssonar
Lesendur hafa haft óblandna ánægju af hinum glöggu gátuvísum sem
birzt hafa í tveim síðustu blöðum og margir haft á því orð, að ágætt væri
að fá þar framhald sem bezt. Nú hefur Magnús ritað mér bréfkorn og
boðizt til þess að leyfa lesendum að spreyta sig út allt þetta ár - tíu vísna
skammtar í hvert skipti og munu margir hýrgast við Og þá er fyrsti
skammtur ársins af skemmtilega gerðum þrautum sem mikill fjöldi
lesenda metur vel.
1. Festur hliðgrind er ég í, svo allvel dygði.
“Betri en kelda,” seggur sagði.
Svo er ég á móti bragði.
2. Fleirtölu þú árla í þau öll munt fara,
olíu mun ílát vera,
allskyns fæðu líka bera.
3. Jarðar þar um svörð má sjá,
söngvarar því flíka,
klaufinn hefur ekki á,
er í krossvið líka.
4. Lagður húsgrind lárétt í af lagnum brögnum,
rýnt á mig af réttarveggnum,
rennur vélindað í gegnum.
5. Bein er þetta blómaröð sem bezt má hæla,
afmarkaður er í skóla,
einnig gildi margra stóla.
6. Undir bolla lágt mig legg,
lóðréttur með sænum,
gagnstætt mér er örþunn egg,
oft sem nafn á bænum.
7. Að því keppir ungdómur sem er að læra,
við knattspymu þá hróp má heyra,
hnífi brugðið lambs á eyra.
8. Verkaseinn og víst er á mér værðarbragur,
óvandaður er ég vegur
og um tún mig hestur dregur.
9. Fyrst á vorin fær mig hrafn
fjallsins kantur þunni,
birzt ég get sem bæjarnafn,
brýnd, svo skera kunni.
10. Malarsigti skellt á ská af skörpum höndum,
vorsins tíð þá húmi hrindum,
hljóðfæri á englamyndum.
Svo mörg voru þau orð og aðeins að vona að lesendur megi rétt geta sér
til um góðar lausnir. Magnúsi færam við miklar þakkir og munum glöð
við meiru taka. Svör við gátuvísum eru svo á bls. 29.
FRÉTTABRÉF ÖRYRKJABANDALAGSINS
23