Fréttabréf Öryrkjabandalags Íslands - 01.03.1995, Blaðsíða 32
Ur fórum Guðmundar
Magnússonar
Fræðslustjórinn á Austurlandi, Guðmundur
Magnússon á Reyðarfirði hefur sent rit-
stjóra syrpu góða til frjálsra afnota fyrir
Fréttabréfið og færðar eru honum þakkir beztu
fyrir það.
Guðmundur hefur haft mikil og góð afskipti
af málefnum fatlaðra á Austurlandi og m.a. setið
í svæðisstjórn og svæðisráði nú. Hér verða birt
nokkur sýnishorn úr syrpunni, en blað kemur
eftir þetta blað og þá mun fleira á fjörur lesenda
reka af góðmálmi Guðmundar.
En þó vorið sé enn allfjarri birtast hér
fyrst vorstökur sem Guðmundur nefnir:
Vor í Munaðarnesi.
Frjálst um loftið fljúga
fuglar smáir, kvaka.
Blóm á grundu gróa
gaman er að vaka.
Lifna blómin, laufgast björk
lífsins hljómar gjalla.
Vorsins ómar vítt um mörk
vinarrómi kalla.
Guðmundur sendir okkur líka skrýtlur góðar og munu
þær birtast í Hierað í homum, en þessar munu allar
úr bókinni Meira skólaskop.
Aðeins sem sýnishorn:
Kennari nokkur kom eitt sinn með stærðfræðipróf inn
í bekk sinn og sagði alvarlegur á svip: “Að minnsta kosti
60% af bekknum falla á þessu prófi”. Þá heyrðist einn
nemandinn hlæja ógurlega, en síðan kom: “Það eru nú
ekki einu sinni svo margir í bekknum”.
En Guðmundur yrkir af ýmsu tilefni og af því áramót
eru ekki svo löngu að baki þá fer vel á því að byrja á stöku
Guðmundar:
I nýársfagnaði.
Stakan gjörða styrkir móð
stendur vörð um land og þjóð.
Drengir klárir, kjamafljóð
kveðja ár og syngja ljóð.
Þá er vísa ort til vinar:
Þú lézt oft í stuðlastaf
stöku falla að nýju.
Og tíðast söngst og ortir af
innri þörf og hlýju.
Til skólabróður sem nefndi ljóðabók sína: 75% Astarljóð.
Oft hefur þér fagurt fljóð
funa kveikt í hjarta.
Öll þín beztu ástarljóð
yndi og fegurð skarta.
Guðmundur sendir einnig lítið ljóð sem ort var
til barna í kór kirkjuskólans (áður
sunnudagaskóians), en Ijóðið er undir laginu:
Kvöldið er fagurt:
Liðið er sumar, floginn fugl
og fölnuð blóm um völl.
Við skulum syngja sólskinsljóð
og saman vera öll.
Við þráum frelsi, fagurt líf
og frið um alla jörð.
Blessa Guð, faðir börnin þín
og byggð við Reyðarfjörð.
Fallegt er það og hugsunin að baki hlý og umvefjandi.
Svona mætti áfram halda, en ekki mun eiga illa við að
enda þennan pistil úr fórum Guðmundar vinar míns á
vísum nokkrum ortum til lottóvélar á Reyðarfirði í þeirri
von auðvitað að áhrif mættu hafa:
l.júlí'89:
Eg ætla að stofna stóran sjóð
og styrki veita hæsta.
Veldu nú fyrir mig vélin góð
vinninginn þann stærsta!
8.júlí'89:
Eg ákalla þig í annað sinn
yngismærin rjóða!
Vænstan gefðu mér vinninginn
vélin undurgóða.
15.júlí'89:
Þá er ég kominn í þriðja sinn
þig skal ég ætíð mæra!
Ef velur þú stærsta vinninginn
vélin sómakæra.
Ef allt um þrýtur!!!
29.júlí'89:
Ég þoli ekki lengur þessa pín,
það er mál að linni.
Skilaðu nú skömmin þín
skuldinni stærstu þinni!!
og sem eftirmáli:
Það er ekki umtalsvert
að yrkja ljóð og þjóra!
Þetta er allt til gamans gert,
en gott væri að fá þann stóra!
Um leið og Guðmundi er vel þakkað þetta hans ljómandi
framlag, sem mörgum mun yndi vekja skal vonað að hann
verði einhvem tímann bænheyrður að marki.
H.S.
Guðmundur
Magnússon
32