Fréttabréf Öryrkjabandalags Íslands - 01.03.1997, Síða 16

Jólakaffið á könnunni, kræsingarnar á bak við.
Guðbjörg Jóna iengst til vinstri.
Innlitið
í boði Blindravinafélagsins
Innlitið síðla nóvembermán-
aðar var hjá Blindravina-
félagi íslands. Það mun vera
árlegur siður þessa ágæta aðildar-
félags okkar að bjóða starfsfólki og
velunnurum til veizlu nokkurrar í
nóvember og að þessu sinni var
þetta góða boð haldið 29. nóv. og
þangað lá leið okkar Ásgerðar
framkvæmdastjóra þann dag, en
Ólöf formaður í útlöndum, fjarri
góðu gamni og veglegri veizlu.
Guðbjörg Jóna, sem sæti á í stjórn
Öryrkjabandalagsins og er gjald-
keri og starfsmaður félagsins tók
ásamt öðrum mætum starfskonum
á móti okkur og við fengum nokk-
urri fróðleiksfýsn svalað, þó margt
hafi okkur mætakunnugt verið. En
aldrei er hin góða vísa of oft kveð-
in. Við hurfum á vit fortíðar og
fengum svo að vita stöðuna í dag.
Það var rækilega minnt á hinn ein-
staklega góða hlut frumkvöðulsins
og brautryðjandans Þórsteins
Bjarnasonar, sem var lífið og sálin
í félaginu um áratugaskeið, helgaði
félaginu og blindu fólki og sjón-
skertu krafta sína af fórnfýsi og
hugmyndaauðgi með dáðríkan dug
í farteskinu. Minnir okkur um leið
á hver þörf er í raun á hverjum tíma
á hugdjörfum hugsjónamönnum,
sem bæði fara í fylking fremst og
eftir fylgir svo framkvæmd góð.
Blindravinafélag Islands er
annars elzt aðildarfélaga
Öryrkjabandalagsins og um leið
elzt slíkra félaga. Stofnað árið
1932. Svo aðeins sé að því helzta
vikið þá má segja að félagið hafi á
fót komið fyrsta verndaða vinnu-
staðnum og það rak lengi Blindra-
skóla af miklum myndarskap. 1
þessu sem öðru var Þórsteinn sá
sem bæði hugsaði upp hlutina og
kom þeim svo til farsællar fram-
kvæmdar. Allir viðmælendur okk-
ar sögðu minningu þessa merka
manns ofarlega í huga, enda órjúf-
anlega tengd öllu meginstarfi fé-
lagsins fyrr á tíð. Blindravina-
félagið á sögu mikilla umsvifa hér
áður fyrr, einkum hvað varðar
atvinnu- og menntunarmál. Þegar
bezt lét á vinnustaðnum voru 3 vef-
stólar í gangi auk alls annars. Upp
var rifjað þegar daglega var farið
inn í þvottalaugar til að lita efni í
dreglana og má nærri geta að ærið
kaldsamt hafi verið á stundum.
arna var ýmiss konar fram-
leiðsla auk körfugerðar: kók-
osdreglarnir alkunnu, handklæði,
gólfklútar, mottur, burstar svo eitt-
hvað sé nefnt. Þessi vinnahjálpaði
hinum blindu í atvinnulegu, efna-
legu og félagslegu tilliti og var
þeim þannig afar dýrmæt. Blindra-
vinafélagið á húsið að Ingólfstræti
16 þar sem eru bækistöðvar þess
og auk þess á það tvær íbúðir aðrar.
I Ingólfsstæti 16 eru fjórar íbúðir
sem félagið leigir út sjáandi fólki
sér til fjáröflunar. Félagið er með
körfugerð sína í kjallara hússins en
mikið er um ýmiss konar viðgerðir,
körfurnar selur félagið svo sjálft,
en því ekki að neita að körfusalan
er treg, þó ekki hafi síðasta ár verið
það versta í því efni. Þarna eru 7 á
launaskrá, 3 í daglegu starfi.
Blindravinafélagið lagði á sínum
tíma fé sem svaraði tveim vistrým-
um til Hrafnistu í Reykjavík og
hefur þar af leiðandi ákveðin
umráð yfir vistun í þeim rýmum.
Það hefur stutt fjölmörg ágæt
verkefni, veitt námsstyrki, styrkt
útgáfu um hvíta stafinn og ekki má
gleyma því að félagið er ásamt
Blindrafélaginu aðili að sjálfseign-
arstofnuninni Eir.
✓
Afélagaskrá munu nú um 100
manns. í stjórn eru nú: Helga
Eysteinsdóttir form., Hannes
Helgason ritari, Guðbjörg Jóna
Sigurðardóttir gjaldkeri og aðrir í
stjórn: Elín Pálsdóttir, Sigurður
Guðjónsson og Karlotta Helga-
dóttir. Til vara er Gyða Guðjóns-
dóttir. Við sátum þarna drjúga
dagsstund við dýrðlegt veizluborð.
Blindravinafélagi íslands er
þakkað fyrir veglegan viðurgern-
ing og um leið og við Ásgerður
þökkum fyrir okkur, árnum við
Blindravinafélaginu alls hins bezta
í framtíðinni um leið og áranna
ágæt iðja er þökkuð.
H.S.
16