Íþróttablaðið - 01.02.1991, Blaðsíða 36

knattspyrnu, „Er (Ásgeir) Sigurvins-
son ekki frá íslandi?" spyr Schillaci
og svovirðist sem honum létti aðgeta
sagt frá einhverjum íslendingi sem
hann þekkir. Allir sem fylgdust með
HM í sumar hljóta að muna eftir
Schillaci og mörkunum hans, og
margir hafa haft á orði hin skemmti-
legu svipbrigði á andlitinu þegar
hann skoraði. Fjölmiðlar töluðu um
„Manninn með fiskaugun" því eftir
að hann skoraði var eins og augun
væru á leið út úr höfðinu á honum.
„Mér fannst alveg ofboðslega fyndið
að sjá sjálfan mig á myndbandi eftir
keppnina," segir hann. „Ég hafði
heyrt fólk tala um augun f mér en
gerði mér ekki grein fyrir hvað það
meinti. Cossiga forseti Ítalíu hafði
meira að segja orð á þessu við mig en
ég sagði honum bara að hafa engar
áhyggjur, augun færu aftur á sinn
stað áður en langt um liði."
ÉG STAL
BÍLDEKKJUM
Schillaci er sérkennilegur maður.
Hann virðist feiminn og óframfærinn
þegar maður talar við hann, en inn á
milli er hann meinfyndinn. Hann er
oft stríðnislegur á svipinn og stund-
um alltað því kaldhæðinn. Égspurði
hann við hvað hann hefði unnið áður
en hann gerðist atvinnumaður í
knattspyrnu. „Ég stal bíldekkjum!"
svaraði hann með stríðnisglampa í
augunum. Ástæðan fyrir þessu svari
er sú, að fyrir ári gómaði lögreglan
bróður hans suður í Sikiley eftir að
hann hafði stolið dekkjum undan bíl.
Síðan hefur Schillaci oft mátt þola
áheyrendakóra á leikjum kalla
„Schillaci stelur dekkjum, Schillaci
stelur dekkjum!" Hann hefur sagt í
viðtölum við ítölsk blöð að í fyrstu
hafi honum sárnað mikið að þurfa að
líða fyrir þessi mistök bróður síns, en
síðan hafi hann ákveðið að líta á
þessi hróp eins og ögrun. „Það eina,
36