Íþróttablaðið - 01.02.1991, Blaðsíða 62
„MYNDUM EINFALDLEGA SEMJA VIÐ AÐRA EF
KÓPAVOGUR RIFTIR SAMNINGUM,"
- SEGIR SVAVAR GESTSSON MENNTAMÁLARÁÐHERRA
eftir Ellen Ingvadóttur
Mikil umræða hefur átt sér stað
síðan Kópavogsbær ákvað, í sam-
vinnu við ríkið, að byggja fjölnota
íþróttahöll vegna Heimsmeistara-
mótsins í handknattleik sem halda á
hér á landi árið 1995.
Ekki voru allir á eitt sáttir um stað-
setningu íþróttahússins og mikil um-
ræða spannst síðastliðið sumar og
haust um drög að teikningum af því.
Hið nýjasta í máli þessu er orðrómur
um að nýi meirihlutinn í bæjarstjórn
Kópavogs íhugi nú að falla t'rá áætl-
unum bæjarins um þátttöku í bygg-
ingu mannvirkisins vegna hins mikla
kostnaðar.
íþróttablaðið spurði Svavar Gests-
son menntamálaráðherra hvað ríkið
hygðist taka til bragðs ef Kópavogs-
bær dragi sig í hlé?
„Það er á hreinu að við myndum
einfaldlega semja við einhvern ann-
an," segir hann. „Ég samdi við bæjar-
stjórnina í Kópavogi um að þeir upp-
fylltu þau skilyrði sem Alþjóðahand-
knattleikssambandið setur varðandi
íþróttahús sem þessi. Ef Kópavogs-
bær ákveður að rifta samningi við
ríkið um greiðslur í þetta mannvirki
munum viðsemjaviðaðra aðila. Það
fer ekkert á milli mála."
„KOPAVOGUR STENDUR VIÐ GERÐA SAMNINGA"
Sigurður Geirdal, bæjarstjóri í Kópavogi.
eftir Ellen Ingvadóttur
„Undirbúningur að byggingu
fjölnota íþróttahúss í Kópavogi er á
fullu," segir bæjarstjóri Kópavogs,
SigurðurGeirdal, þegar fþróttablað-
ið innir hann eftir því hvort eitthvað
sé hæft í þeim orðrómi að bæjarfé-
lagið hyggist ekki standa við sam-
komulagvið ríkið um byggingu slíks
húss fyrir Heimsmeistarmótið í
handknattleik, sem halda á á íslandi
árið 1995.
„Það er á hreinu að húsið verður
tilbúið í tæka tíð eins og gert er ráð
fyrir. Þær teikningar, sem fram voru
lagðar í upphafi, voru í reynd aðeins
frumdrög og eðlilega voru kostnað-
aráætlanir þá í samræmi við það,"
segir Sigurður. Aðspurður um hvar
mál þetta sé nú á vegi statt bætir
hann því við að verið sé að leita
allra leiða til að halda byggingar-
kostnaði niðri jafnframt því að
tryggja fjölnýtingu hins nýja húss, til
dæmis fyrir vörusýningar, tónleika-
hald o.fl. „Leitað hefur verið t'anga
víða varðandi hugmyndir sem best
myndu gagnast í þessu tilfelli og er
það starf langt á veg komið."
— Er fótur fyrir þeim orðrómi að
Kópavogsbær muni hætta við bygg-
ingu þessa íþróttamannvirkis?
„Því fer fjarri," segir Sigurður.
„Kópavogsbær mun að sjálfsögðu
standa við þá samninga sem gerðir
hafa verið. Mér þykir ekki ólíklegt
að orðrómurinn, sé hann íyrir
hendi, sé óskhyggja, annars vegar
þeirra sem vilja fá húsið í sitt bæjar-
félag, eða hins vegar þeirra sem eru
ekki reiðubúnir að leggja fé í þetta
mikla verkefni."
62