Íþróttablaðið - 01.02.1991, Blaðsíða 11

og tekið þau upp að nýju síðar þegar
við höfum hugleitt allar hliðar."
Hann segir að þeir hafi ætíð verið
hvetjandi hvor við annan í íþróttun-
um, „en auðvitað reyndi ég að vera
betri en Þröstur þegar við lentum
saman í keppni," segir hann og glottir
framan í blaðamann. „Það kom fyrir
að ég vann hann en yfirleitt var það á
hinn veginn því Þröstur er betri sund-
maður en ég. Hann er hörku keppnis-
maður."
Eineggja tvíburar vekja nokkra for-
vitni hjá flestum og blaðamaður er
engin undantekning hvað það varð-
ar. Eru Svanur og Þröstur jafn líkir í
hugsun og þeir eru í útliti? Svanur
staðfestir það og segir að um margt
hugsi þeir mjög líkt og nálgist hin
ýmsu viðfangsefni á svipaðan hátt.
Óhjákvæmilega þurfti Svanur að
endurskoða líf sitt og áætlanir þegar
hann slasaðist og tekst nú á við
vandamál ólíköllu þvísem hann hef-
ur tekist á við áður.
„Ég hef notið mikillar hjálpar og
hvatningar," segir Svanur, „en að
öðrum ólöstuðum þá er mér ofarlega
í huga hvernig Þröstur bróðir minn
brást við. Á meðan ég var á spítalan-
um og á Grensásdeildinni kom hann
daglegatil mín og sat hjá mér löngum
stundum. Oft var það þannig að við
töluðum ekki saman heldur vorum
saman í þögn. Það var eins og orð
væru óþörf. Við skildum hvor annan
án þess að þurfa að segja nokkuð."
HELDUR ÁFRAM KEPPNI
Blaðamanni er kunnugt um að
Svanur hafi ekki látið deigan síga
þrátt fyrir breyttar aðstæður og að
hann haldi áfram að keppa í sundi.
Ekki vill hann gera mikið úr því en
staðfestir að í júlí sl., aðeins tíu mán-
uðum eftir slysið, hafi hann tekið þátt
í alþjóðlegu íþróttamóti fatlaðra í
Bretlandi. „Þetta var stórt og mikið
mót og keppt var í flestum íþrótta-
greinum." Svanur keppti í bringu- og
skriðsundsgreinum og hlaut þriðju
verðlaun í 100 m bringusundi. „Mér
varð það fljótlega Ijóst eftir slysið að
ég yrði að halda áfram að æfa sund
og það kom einhvern veginn af sjálfu
sér að ég héldi áfram keppni," segir
hann og bætir við: „Einu sinni
íþróttamaður, alltaf íþróttamaður." I
febrúar keppir Svanur á alþjóðlegu
„Þröstur, bróðir minn, kom daglega
til mín á spítalann og sat hjá mér
löngum stundum," segir Svanur.
íþróttamóti fatlaðra í Malmö í Sví-
þjóð og kveðst æfa af kappi fyri r þetta
mót. Ekki segist hann gera sér mjög
miklar væntingar um árangur á þessu
móti, „að minnsta kosti ekki svona
opinberlega. Ég get hins vegar sagt
þér svona í trúnaði að auðvitað vil ég
vinna í mfnum greinum. Þú segir það
samt engum", segir hann glettnis-
lega.
Degi er tekið að halla þegar viðtal-
inu við Svan lýkur. Rafmagnslýsingin
við útidyrnar á heimili hans kristall-
ast í nýföllnum snjónum sem nú hyl-
ur plankana tvo á tröppunum. „Þú
ekur varlega í bæinn," segir Svanur
um leið hann kveður blaðamann
með glaðlegu brosi. Um leið og bíll-
inn rennur úr hlaði lítur blaðamaður
um öxl og sér að að góðra gestgjafa
sið er Svanur enn í útidyrunum og
veifar í kveðjuskyni. Ljósið í forstof-
unni varpar birtu yfir íþróttamann
sem geislar af lífsorku og krafti,
íþróttamann í hjólastól!
SKIPAGATA 4 - 600 AKUREYRI - ISLAND - SÍMI: (96) 26110
Erum í hjarta bæjarins,
bjóðum uppá ódýra og
góða gistingu í 1 — 3
manna herbergjum.
Verið velkominn.
11