Morgunblaðið - 24.01.2020, Síða 6

6 FRÉTTIRInnlent
MORGUNBLAÐIÐ FÖSTUDAGUR 24. JANÚAR 2020
BAKSVIÐ
Þóroddur Bjarnason
tobj@mbl.is
Örnólfur Jónsson, formaður Félags
íslenskra atvinnuflugmanna, FÍA,
segir að alþjóðleg kyrrsetning Boeing
737 MAX-flugvélanna, sem m.a. hefur
valdið Icelandair miklu tjóni, sé álits-
hnekkir fyrir Bo-
eing. „Þetta er
álitshnekkir fyrir
Boeing, það er
engin spurning.
Það virðist alltaf
vera að teygjast á
þessu. Nú bíða
menn bara og sjá
hvort þetta stóra
fyrirtæki nái
vopnum sínum,“
segir Örnólfur í samtali við Morgun-
blaðið.
MAX-vélarnar voru kyrrsettar í
kjölfar tveggja mannskæðra flug-
slysa með fimm mánaða millibili, þeg-
ar 346 manns létust í Indónesíu og í
Eþíópíu. Vél Lion Air hrapaði til jarð-
ar 29. október 2018, en vél Ethiopian
Airlines fórst 10. mars á síðasta ári.
Traust í sögulegri lægð
Í nýlegri frétt í breska dagblaðinu
Financial Times kemur fram að félög
flugmanna segi að traust félags-
manna þeirra á öryggismenningu inn-
an Boeing sé nú í sögulegri lægð
vegna atburðanna.
Vandræði Boeing jukust enn þegar
félagið tilkynnti á þriðjudaginn síð-
asta að 737 Max-vélarnar yrðu kyrr-
settar fram á mitt þetta ár, en unnið
er að því í samvinnu við alþjóðleg
flugmálayfirvöld að tryggja öryggi
vélanna og koma þeim aftur í rekstur.
Þá segir í fréttinni að það muni
skipta höfuðmáli að fá flugstjóra í lið
með sér, þegar kemur að því að end-
urheimta traust almennings á vélun-
um.
Í tilkynningu sem Icelandair sendi
frá sér í kjölfar tilkynningar Boeing
segir að félagið geri ekki ráð fyrir að
Boeing 737 MAX-flugvélar fljúgi í
leiðakerfi félagsins á háönn næsta
sumars.
Spurður að því hvort traust til vél-
anna, og málið í heild sinni, hafi verið
rætt innan FÍA, segir Örnólfur að
engin formleg afstaða hafi verið tekin.
Menn séu fyrst og fremst undrandi á
því hvað þetta virðist vera djúpstæð-
ur vandi, sem ekki hafi verið leystur
ennþá. „Þó að þetta sé álitshnekkir
fyrir Boeing, og það líti út fyrir að
þarna hafi tekist illa til, þá þýðir það
samt ekki að menn missi almennt trú
á flugvélum Boeing.“
Örnólfur segir að málið sé augljós-
lega að valda Icelandair miklum
vandamálum. „Það er óumdeilt. Ice-
landair verður í sumar með 100 færri
flugmenn en gert var ráð fyrir í áætl-
unum árið 2019. Það sýnir svo ekki
verður um villst að Icelandair hefur
þurft að draga saman seglin. Þetta
hefur ekki gerst hjá okkur í 10 ár að
það séu ekki allir flugmenn Icelandair
í vinnu yfir sumartímann. Þetta sýnir
hve vandamálið er stórt í tengslum
við þessa kyrrsetningu.“
Icelandair hefur leigt þrjár eldri
gerðir af Boeing 737-vélum næsta
sumar til að leysa af MAX-vélarnar.
„Icelandair verður með 41 vél í
rekstri í sumar í stað 46 sem voru
áætlaðar í notkun árið 2019. Það mun-
ar talsverðu.“
Reiðubúnir að fljúga MAX
Hafa þessir 100 menn fengið vinnu
annars staðar?
„Það er allur gangur á því. Ein-
hverjir hafa fengið vinnu erlendis, en
aðrir ekki. Þetta eru okkar yngstu
flugmenn, enda ræður starfsaldur í
ráðningum hjá Icelandair.“
800 starfandi félagar eru í FÍA.
Eru flugmenn í FÍA reiðubúnir að
fljúga MAX-þotunum þegar flug-
málayfirvöld í Bandaríkjunum og
Evrópu gefa grænt ljóst?
„Já, þá treysta menn því að þessar
vélar séu góðar og traustar. Við höf-
um engar aðrar forsendur til að fara
eftir. Við berum fullt traust til þess-
ara yfirvalda. Þegar grænt ljós kem-
ur, þá þýðir það að búið er að komast
yfir þau vandamál sem komið hafa
upp varðandi þoturnar.“
Örnólfur segir að MAX-vandræðin
og fall WOW air sé bakslag í hinn
mikla uppgang í ferðaþjónustu sem
varð hér á landi á árunum 2011-2018.
„Þessi ár voru einn mesti uppgangs-
tími í flugi sem við höfum nokkurn
tímann séð á Íslandi.“
Örnólfur vonast til að þó þetta sé
eitt skref aftur á bak, þá verði brátt
tekin tvö skref áfram í staðinn.
Kyrrsetning 737 Max-véla
álitshnekkir fyrir Boeing
 FÍA segir það sögulegt að ekki vinni allir flugmenn Icelandair í sumar
Morgunblaðið/Hari
Flug Boeing 737 MAX-vél Icelandair flogið utan til geymslu. Vélunum verður ekki flogið á háönn í sumar.
Örnólfur
Jónsson
SMÁRALIND – KRINGLAN – DÚKA.IS
Skóbakkar og mottur
Sigurður Bogi Sævarsson
sbs@mbl.is
Þingvallanefnd hefur svarað
UNESCO vegna tveggja atriða sem
hafa verið í deiglunni og lúta að
skráningu þjóðgarðsins á heims-
minjaskrá. Annað þeirra snýst um
breikkun Gjábakkavegar sem tek-
inn var endurbættur í notkun síð-
asta haust. Landvernd kærði þá
framkvæmd til þar til bærra stofn-
ana sem úrskurðuðu að ekkert væri
að framkvæmdinni.
UNESCO spurðist fyrir um ýms-
ar hliðar málsins. Svar Þingvalla-
nefndar er að endurbætur á veg-
inum hafi verið í sátt við umhverfið
jafnt sem inntak starfs í þjóðgarð-
inum. Þess hafi verið gætt að veg-
urinn félli sem best inn í landið og
gróður þar, hraði á veginum sé tak-
markaður, engir þungaflutningar
leyfðir og hljóðvistar gætt. Fram-
kvæmdin hafi sömuleiðis verið
nauðsynleg því fyrri vegur á þess-
um stað sem var lagður árið 1974
hafi ekki lengur borið umferðina.
Þá sé veginum um svonefnt Vatns-
vik, sem liggur niðri við Þingvalla-
vatn, breytt í botnlanga, sem dragi
úr umferð þar sem og hættu á
mengunarslysi.
Hitt bréfið er
svar við kvörtun
Jónasar Haralds-
sonar lögmanns
til UNESCO
vegna köfunar í
Silfru. Að sögn
Ara Trausta
Guðmundssonar,
formanns Þing-
vallanefndar, ber
gjáin það álag
sem fylgir núverandi snorkli og köf-
un. Sérfræðingar telja þolmörkin 70
þúsund manns á ári og gestafjöldi
nú sé undir þeim viðmiðum og er
fylgst vel með þolmörkum. Að
heimila köfun falli einnig að þeirri
stefnu að á Þingvöllum geti fólk
bæði stundað afþreyingu og fræðst
um náttúruna.
Stenst vísa um sjálfbærni
„Við teljum starfsemina í Silfru
standast vísa um sjálfbærni og
leggjum ríka áherslu á að svo sé,“
segir Ari, sem telur UNESCO nú
vel upplýst um stöðu mála. Spurn-
ingarnar séu fram settar í fullum
rétti og svörin ítarlega unnin í sam-
vinnu nokkurra aðila, enda horft til
margra þátta þegar heimsminja-
skráning er undir.
Vegur og köfun í
sátt við umhverfið
 Þingvallanefnd hefur svarað UNESCO
Ari Trausti
Guðmundsson
Neikvæð áhrif af aflagðri starfsemi
og eignum til sölu á afkomu Arion
banka á fjórða ársfjórðungi 2019
munu nema um 8 milljörðum króna,
að teknu tilliti til skatta. Þetta kem-
ur fram í tilkynningu bankans sem
send var Kauphöllinni í gærkvöldi.
Hagnaður Aron banka á síðasta
ári verður um einn milljarður króna,
en árið 2018 var gert upp í 7,8 millj-
arða kr. plús og 2017 var hagnaður-
inn 14,4 milljarðar kr.
Helsta ástæða þessarar útkomu
tengist félögunum Valitor og
Stakksbergi, en hið síðarnefnda á
kísilverksmiðjuna í Helguvík í
Reykjanesbæ. Neikvæð áhrif frá
þessum félögum setja 12,4 milljarða
kr. mínus í afkomuna hjá Arion.
Á fyrstu níu mánuðum síðasta árs
voru neikvæð áhrif af aflagðri starf-
semi og eignum til sölu alls 4,97
milljarðar kr. Þar voru fyrrgreind
fyrirtæki helstu áhrifavaldar. Einn-
ig kemur inn í myndina félagið Sól-
bjarg, sem tengist gjaldþroti Pri-
mera og heldur á eignum TravelCo,
sem olli neikvæðum áhrifum upp á
616 milljónir kr.
Í afkomutilkynningu Arion segir
að nýlega hafi verið ákveðið að end-
urskipuleggja rekstur Valitor til að
snúa við taprekstri. Því var ný við-
skiptaáætlun gerð. Hún var sam-
þykkt gær og þarf nú að færa óefn-
islegar eignir Valitor niður um 4
milljarða kr. í kjölfarið.
Morgunblaðið/Kristinn Magnússon
Arion Afkoma bankans eftir síðasta
ár er bakslag eftir góða tíma.
Miklar af-
skriftir
hjá Arion
 Hagnaðurinn
dregst saman