Morgunblaðið - 14.03.2020, Blaðsíða 18

18 FRÉTTIRInnlent
MORGUNBLAÐIÐ LAUGARDAGUR 14. MARS 2020
Hótelrúmföt
Höfðabakka 9, 110 Reykjavík | sími 525 8210
eddaehf@eddaehf.is | www.eddaehf.is
Starfsmannafatnaður
fyrir hótel og veitingahús
Eigum allt fyrir:
• Þjóninn
• Kokkinn
• Gestamóttökuna
• Þernuna
• Vikapiltinn
• Hótelstjórnandann
Sérhæfum okkur í sölu á rúm-
fatnaði og öðru líni fyrir hótel
Sigurður Bogi Sævarsson
sbs@mbl.is
Hefðbundnum landbúnaði verður
tryggt nægt landrými og svigrúm
skv. nýjum vinnureglum sveitar-
stjórnar Dalabyggðar um flokkun
landbúnaðar-
lands. Sú vinna
er hluti af endur-
skoðun aðal-
skipulags sveitar-
félagsins sem nú
er unnið að í sam-
starfi við Verkís.
Í aðdraganda
þeirrar vinnu var
afgreiðslu á
framkvæmda-
leyfum fyrir ný-
skógrækt frestað við misjafnar und-
irtektir þeirra sem hlut áttu að máli,
segir Eyjólfur Ingvi Bjarnason,
bóndi í Ásgarði og oddviti Dala-
byggðar. Nú eru til dæmis sett ýmis
skilyrði varðandi landnotkun og á
túnum og ökrum verður óheimilt að
fara í skógrækt, aðra en á skjólbelt-
um.
„Sauðfjárbúskapur er og verður
mikilvæg undirstaða byggðar hér í
Dölunum. Stundum hafa komið upp
álitamál þar sem er kannski búið að
girða af svæði og loka leiðum vegna
skógræktar. Við þurfum líka að
horfa til þess að land er í eðli sínu
mikil verðmæti sem við þurfum að
hlúa vel að og nauðsynlegt að land-
eigendur í ólíkum búgreinum eigi
samtal um hvernig það verði gert
öllum búgreinum til eflingar og
styrkingar,“ segir Eyjólfur.
Lúpína og kerfill
þekkt vandamál
Vinnureglurnar eru aðgengilegar
á vef Dalabyggðar og þar kemur
fram að forðast skuli að setja niður í
landbúnaðarlandi ágengar plöntur
sem vísindamenn kalla svo. „Nú
þegar eru þekkt vandamál með
alaskalúpínu og skógarkerfil,
plöntur sem mörgum þykja vera
frekar á sitt, en víða um land hefur
mikil vinna verið lögð í að halda
þeim í skefjum. Fleiri plöntur geti
fallið í þann flokk með bættum vaxt-
arskilyrðum við hækkandi hitastig,“
segir oddvitinn.
Skógrækt fellur undir reglur um
framkvæmdaleyfi en skv. nýjum
vinnureglum um flokkun landbún-
aðarlands í Dalabyggð verður skóg-
rækt undir 10 ha. á hverju lögbýli
tilkynningarskyld til skipulagsyfir-
valda. Skilyrðin þar eru því ekki
jafn ströng og þegar ræktunar-
starfið er orðið umfangsmikið.
„Við þurfum að tryggja að ólíkar
atvinnugreinar og fjölbreytni geti
haldist hér um slóðir. Þessar nýju
vinnureglur eru hluti af endurskoð-
un aðalskipulags Dalabyggðar sem
er í vinnslu,“ segir Eyjólfur. „Skóg-
rækt verður mikilvæg búgrein í
sveitum landsins á komandi árum en
það má ýmislegt bæta í umgjörð
hennar. Þar sem nýskógrækt er
leyfisskyld þarf að fara fram forn-
leifaskráning á framkvæmdasvæði.
Sú skráning er ætíð á kostnað fram-
kvæmdaaðila. Skráning getur kost-
að nokkur hundruð þúsund og nógu
dýrt er að hefja skógrækt, sem skil-
ar litlum tekjum fyrr en að nokkrum
áratugum liðnum. Ég þekki dæmi
hér í Dalabyggð um að hætt var við
nýskógrækt vegna kvaða um forn-
leifaskráningu á svæði þar sem eng-
ar vísbendingar voru um minjar frá
fyrri tíð. Stjórnvöld gætu líka veitt
stuðning við fornleifaskráningu því
skógrækt mun gegna mikilvægu
hlutverki varðandi aðgerðir í lofts-
lagsmálum á komandi árum.“
Víða eru skógar í Dölum
Nokkur skógræktarsvæði eru í
Dölunum, svo sem á Skógarströnd, í
Hörðudal og á Fellsströnd. Stærsti
hluti skóglendis í Dalabyggð er þó
náttúrulegir skógar eða 2,5% af
heildarflatarmáli sveitarfélagsins.
Víða eru lundir og skógarreitir við
ýmsar jarðir og sveitarstjórn Dala-
byggðar samþykkti nýverið að af-
marka reit við Búðardalsþorp hvar
verður í fyllingu tímans yndisskógur
íbúa.
„Í ljósi umræðu um loftslagsmál
ættu sveitarfélög og byggðarkjarn-
ar sem ekki hafa slíka útvistarskóga
í dag að íhuga slíkar framkvæmdir
sé land tiltækt. Ákvarðanir sem
þessar þykja kannski ekki merki-
legar í dag en sagan mun sennilega
minnast þeirra sem fyrirhyggju í lok
21. aldar,“ segir Eyjólfur.
Landbúnaðurinn
hafi áfram rými
 Skógrækt settar skorður í Dölum
Morgunblaðið/Sigurður Bogi
Dalaskógar Birkikjarr á Fellsströndinni og Ytrafellsmúli er í baksýn.
Eyjólfur Ingvi
Bjarnason
Sigtryggur Sigtryggsson
sisi@mbl.is
Bandalag íslenskra skáta hefur
fengið vilyrði fyrir lóð undir nýjar
höfuðstöðvar við Hádegismóa,
norðan Rauðavatns. Hefur banda-
lagið tekið saman deiliskipulagslýs-
ingu sem send verður til kynningar.
Hún miðar að því að uppfylla þarfir
og þróun skátahreyfingarinnar
næstu áratugi.
Svæðið er við bakka Rauðavatns
og jaðar Hólmsheiðar. Þetta eru tal-
in mikilvæg svæði til útivistar og
yfirlýst stefna borgarinnar að þróa
þau áfram á þann hátt.
Þrengir að í Hraunbænum
„Bandalag íslenskra skáta hefur í
samráði við borgina skoðað þetta
svæði en til stendur að þétta byggð
þar sem höfuðstöðvar skáta eru við
Hraunbæ í dag. Þessi þétting
þrengir töluvert að starfsemi skát-
anna, sem er nú þegar aðþrengd, og
því hafa skátarnir í samstarfi við
Reykjavíkurborg skilgreint umrætt
svæði við Hádegismóa sem heppi-
legt fyrir þeirra starfsemi,“ segir í
deiliskipulagslýsingunni.
Verkefnið hefur verið kynnt inn-
an stjórnsýslu borgarinnar og heim-
ild fengin til að vinna deiliskipulag á
svæðinu.
Það var í október 2018 að skát-
arnir sendu erindi til Reykjavíkur-
borgar þar sem þess var farið var á
leit við borgina að þeir fengju til af-
nota svæði sem liggur milli göt-
unnar Hádegismóa og Rauðavatns.
Þarna stendur til að reisa skrif-
stofur fyrir Bandalag íslenskra
skáta ásamt fundaraðstöðu, verslun
og kaffihúsi. Einnig er gert ráð fyr-
ir litlu hosteli með matsal sem
myndi rýma um 50 manns. Úti-
svæðið yrði skipulagt þannig að
hægt verði að stunda þar fjöl-
breytta leiki og setja upp tjaldbúðir.
Einnig verði reist þar skemma fyrir
hoppukastala, tjöld og önnur tæki
og muni sem tilheyri skátastarfinu
og útivist tengdri því.
Svæðið er um 25.000 fermetrar að
stærð og afmarkast við Hádegismóa
í norður og fyrirliggjandi vegi og
slóða í austur, vestur og suður.
Mörk svæðisins geta breyst í deili-
skipulagsferlinu og vel kemur til
greina að lóðin stækki til austurs.
Svæðið er í brekku á milli höfuð-
stöðva Morgunblaðsins í Hádegis-
móum og Rauðavatns.
Trjágróður á svæðinu
Svæðið tengist vel útivistarsvæð-
inu á Hólmsheiði, sem hefur átt
auknum vinsældum að fagna. Í
brekkunni hafa staðið sumarhús og
gróðurinn myndar því ferköntuð
form sem fylgja fyrrverandi lóða-
mörkum. Talsverður trjágróður er á
svæðinu, m.a. hávaxin barrtré.
Útivist, íþróttir og leikir eru
þungamiðja skátastarfsins og því
fellur sú starfsemi vel að mark-
miðum aðalskipulags á þessu svæði.
Hádegismóar hafa verið að
byggjast upp á undanförnum árum.
Morgunblaðið reið á vaðið með
prentsmiðju og síðar ritstjórnar-
skrifstofur. Síðan hafa m.a. Garri og
Brimborg reist þar stórhýsi.
Skátar flytja höfuðstöðvar í Hádegismóa
 Fjölbreytt leik-
svæði og setja má
upp tjaldbúðir
Ljósmynd/Urban Beat
Nýtt svæði skátanna Lóðin sem um ræðir er sunnan við prentsmiðju og ritstjórnarskrifstofur Morgunblaðsins í
Hádegismóum. Lóðin liggur að Rauðavatni og er að hluta til gróin. Hún er talin henta skátastarfinu afar vel.