Morgunblaðið - 14.03.2020, Blaðsíða 49

SVÍÞJÓÐ
Jóhann Ingi Hafþórsson
johanningi@mbl.is
Landsliðsmaðurinn Elvar Már Frið-
riksson og liðsfélagar hans hjá
sænska körfuknattleiksliðinu Borås
voru á fimmtudagskvöld óvænt
krýndir Svíþjóðarmeistarar, þrátt
fyrir að þremur umferðum væri
ólokið í efstu deild. Vegna útbreiðslu
kórónuveirunnar var hætt við þrjár
síðustu umferðirnar, sem og úrslita-
keppnina. Borås var því krýnt meist-
ari í fyrsta skipti.
„Ég var að koma af æfingu. Við
vorum að undirbúa okkur fyrir leik
sem átti að vera í dag (í gær) en svo
kom formaðurinn inn og tilkynnti að
tímabilið væri búið og við værum
krýndir meistarar. Stemningin var
svolítið skrítin, þar sem okkur var
tilkynnt þetta svona upp úr þurru,“
sagði Elvar í samtali við Morgun-
blaðið.
Vel að þessu komnir
„Við spiluðum 33 leiki og unnum
28 og töpuðum fimm. Við vorum vel
að þessu komnir þó svo að þetta hefði
endað svona,“ sagði Elvar sem segir
að hópurinn hafi ekki fagnað þegar
fréttirnar bárust. „Það var eiginlega
meira svekkelsi með að tímabilið
væri búið, þó svo að þetta væri það
skynsamlegasta í stöðunni.“
Borås tapaði fyrir Luleå í síðustu
umferð en liðið vann tólf leiki í röð
þar á undan og 19 af síðustu 20. Elv-
ar var því orðinn spenntur fyrir úr-
slitakeppninni.
„Við erum búnir að vera heilt yfir
besta liðið í vetur. Það var komin
mikil spenna fyrir úrslitakeppninni.
Það er klárlega svekkjandi að geta
ekki farið alla leið með þetta. Þetta
var eiginlega fullkomið lið hjá okkur
og það var allt að smella. Það er leið-
inlegt að eitthvað svona komi upp á.“
Fyrirliði á fyrsta ári
Elvar, sem er uppalinn Njarðvík-
ingur, var fyrirliði síðari hluta tíma-
bilsins. Henrik Svensson, þjálfari
liðsins, kallaði á Elvar eftir að Fred-
rik Andersson meiddist illa. Elvar
segir það mikla viðurkenningu.
„Það var sænskur leikmaður sem
var fyrirliði og hann sleit krossband.
Í kjölfarið var ég gerður af fyrirliða
af þjálfaranum. Ég tók glaður við því
hlutverki. Ég var búinn að vera í
leiðtogahlutverki á vellinum, svo
hann setti þetta í hendurnar á mér.
Ég tók því sem miklum heiðri að
vera gerður að fyrirliða sem utan-
aðkomandi á fyrsta ári með liðinu.
Það hlýtur að þýða að maður sé að
gera eitthvað gott.“
Fimmtán stoðsendingar
Elvar spilaði vel á tímabilinu og
skoraði 16,7 stig, gaf 7,7 stoðsend-
ingar og tók 2,9 fráköst að meðaltali í
leik. Þá gaf hann 15 stoðsendingar í
leik gegn Jämtland í desember, en
enginn leikmaður deildarinnar gaf
jafnmargar stoðsendingar í einum
leik. Mest skoraði hann 27 stig í leik
gegn Djurgården í nóvember.
„Ég held ég hafi gert mjög vel í
vetur. Árangurinn hjá liðinu er sá
besti í deildarkeppni í sögu félagsins.
Við getum gengið sáttir frá þessu þó
svo að þetta hafi endað svona. Ég er
stoltur af minni eigin frammistöðu
líka,“ sagði Elvar. Borås er í Suður-
Svíþjóð, um 60 kílómetra austan
Gautaborgar. Tæplega 70.000 manns
búa í borginni. Elvar segir lítið um
að vera í borginni núna, þar sem sex
kórónuveirusmit voru tilkynnt á ein-
um degi.
„Það er voðalega rólegt hérna. Það
eru allar búðir og annað opið en ég
held að fólk sé ekkert að fara út
nema það þurfi þess. Fólk er að
passa sig og vera innandyra. Það
voru sex ný tilvik bara í þessum bæ í
gær (á fimmtudag). Fólk er farið að
vera vart um sig.“
Tökum það rólega næstu vikur
Elvar eignaðist sitt fyrsta barn í
október á síðasta ári og er hann því
lítið spenntur fyrir ferðalögum á
næstunni. Ferð heim til Íslands er
ekki á dagatalinu. „Ég er með lítið
barn hérna og ég er ekki spenntur
fyrir því að ferðast núna. Við ætlum
að taka það rólega hérna næstu vik-
urnar og sjá hvernig þetta þróast.
Við bíðum og sjáum hvað verður
næst.“
Luleå, sigursælasta lið Svíþjóðar
frá upphafi, var eina liðið sem gat
náð Elvari og félögum í deildinni.
Líkurnar á því voru hins vegar litlar
og var ákvörðuninni mætt með skiln-
ingi.
„Ég held að þeir hafi alveg gert
sér grein fyrir þessari stöðu. Við átt-
um eftir einn leik á móti liðinu í
neðsta sæti sem við hefðum að öllum
líkindum unnið. Miðað við gengið í
vetur þá vorum við nánast búnir að
vinna þetta þó svo að þrír leikir væru
eftir. Formaðurinn þeirra, sem er
virtur maður í körfuboltaheiminum
hérna, var þeirrar skoðunar að það
hefði verið rétt ákvörðun að hætta
tímabilinu. Ég efast um að þeir hafi
haft mikið út á þessa ákvörðun að
setja.“
Opinn fyrir sterkari deild
Elvar gerði eins árs samning við
Borås fyrir tímabilið og er hann op-
inn fyrir því að spila í sterkari deild,
þótt hann sé á sama tíma ánægður
hjá sænska félaginu. „Mér líður klár-
lega vel hérna en maður stefnir alltaf
hærra. Maður verður að bíða og sjá
hvað gerist í framhaldinu. Ég hef
ekki talað við Borås um framhaldið,
svo það verður að skýrast. Ég mun
ræða við umboðsmanninn minn og
sjá hver næstu skref verða. Maður
stefnir alltaf hærra og vonandi
kemst maður eitthvað,“ sagði Njarð-
víkingurinn.
Tilkynnt um titil í klefanum
 Elvar Már Friðriksson sænskur meistari þegar tímabilinu var skyndilega hætt
 Formaðurinn færði leikmönnum Borås tíðindin eftir æfingu í fyrrakvöld
Morgunblaðið/Kristinn Magnússon
Meistari Elvar Már Friðriksson hefur átt mjög gott tímabil með Borås.
ÍÞRÓTTIR 49
MORGUNBLAÐIÐ LAUGARDAGUR 14. MARS 2020
Í gær ákvað Svandís Svavars-
dóttir heilbrigðisráðherra að
setja á samkomubann vegna kór-
ónuveirunnar sem nú herjar á
heimsbyggðina. Þegar þetta er
skrifað hafa 128 manns smitast
af veirunni hérlendis en sam-
komubannið nær yfir allar sam-
komur þar sem hundrað manns
eða fleiri koma saman.
Undanfarnar vikur hefur
maður fylgst náið með því hvern-
ig stjórnvöld og íþróttahreyf-
ingar hafa brugðist við áhrifum
veirunnar og stundum hrist
hausinn. Það hlaut hins vegar að
koma að því að íþróttahreyfingin
hér á landi myndi finna fyrir veir-
unni og nú er það að gerast.
Það má alveg taka það fram að
yfirvöld hér á landi hafa staðið
sig mjög vel í öllum aðgerðum
sínum sem eiga að sporna við
dreifingu veirunnar. Samkomu-
bannið mun standa yfir í fjórar
vikur að lágmarki og setur þetta
úrslitakeppnina í handboltanum
og körfuboltanum í uppnám.
Vissulega væri hægt að
spila þessa leiki en þá án áhorf-
enda. Væri einhverjum greiði
gerður með því að spila leikina
þannig?
Eftir að hafa upplifað stemn-
inguna í kringum úrslitakeppn-
irnar leyfi ég mér að fullyrða að
þessir leikir eru ekkert án stuðn-
ingsmanna þótt leikirnir séu
vissulega alltaf í aðalhlutverki.
Það er vissulega pirrandi að
hugsa til þess að þessi blessaða
veira, sem nú er að setja allt á
hliðina, kom að einhverjum hluta
upp vegna þess að einhverjum
Kínverja fannst það góð hug-
mynd að elda leðurblökuna sína
hálfhráa. Íþróttahreyfingin hefur
hins vegar sýnt á sér nýjar hliðar
samkenndar í baráttunni við
veiruna og því ber að fagna.
BAKVÖRÐUR
Bjarni Helgason
bjarnih@mbl.is
Valdís Þóra Jónsdóttir er í baráttu
um efstu sætin á South African Wo-
men’s Open golfmótinu í Höfðaborg
eftir tvo hringi. Í gær fylgdi hún
eftir fínni byrjun þar sem hún hafði
leikið á 72 höggum og spilaði annan
hringinn á 70 höggum, tveimur
undir pari vallarins.
Fyrir vikið er Valdís í 7.-8. sæti á
mótinu á tveimur höggum undir
pari, samtals 142, og er aðeins
tveimur höggum frá öðru sætinu.
Hún er hinsvegar fimm höggum á
eftir Oliviu Gowan frá Þýskalandi
sem hefur leikið langbest allra og
er á sjö höggum undir pari. Valdís
hefur leik á þriðja hring klukkan
átta að morgni í Suður-Afríku í
dag, að íslenskum tíma.
Guðrún Brá Björgvinsdóttir virt-
ist vera í vonlausri stöðu eftir
fyrsta hringinn í fyrradag sem hún
lék á 80 höggum, átta yfir pari. Í
gær lék Guðrún hinsvegar á 71
höggi, einu undir pari, og þegar
upp var staðið var hún aðeins einu
höggi frá því að komast í gegnum
niðurskurðinn en hann miðaðist við
sex undir pari. Guðrún hafnaði í
72.-79. sæti. vs@mbl.is
Valdís er í toppbaráttu
Ljósmynd/LET
Höfðaborg Valdís Þóra Jónsdóttir á tvo góða hringi að baki á Westlake.
Mikel Arteta,
knattspyrnustjóri
Arsenal, er allur
að koma til eftir
að hafa greinst
með kórónuveir-
una. Spánverjinn
er sem stendur í
einangrun á með-
an hann jafnar
sig á veikind-
unum. Félagið
lokaði æfingasvæðinu í kjölfar þess
að Arteta smitaðist og allt starfsfólk
sem hafði bein samskipti við Arteta
er komið í sóttkví. Arteta greindi frá
því á Twitter að hann væri á bata-
vegi og að við gætum komist í gegn-
um þessa erfiðu tíma saman.
Arteta allur
að koma til
Mikel
Arteta
ENGLAND
Víðir Sigurðsson
vs@mbl.is
Ekkert verður leikið í ensku úrvals-
deildinni í knattspyrnu fyrr en í
fyrsta lagi laugardaginn 4. apríl.
Með því er þó aðeins tveimur um-
ferðum frestað að svo stöddu en eftir
leikina um aðra helgi á að taka við
landsleikjahlé vegna umspilsleikj-
anna fyrir EM.
Englendingar ætluðu að halda
sínu striki og leika um þessa helgi en
eftir að fregnir bárust af því í fyrra-
kvöld að Mikel Arteta, knatt-
spyrnustjóri Arsenal, væri kominn
með kórónuveiruna fór allt á flug.
Boðað var til neyðarfundar í gær-
morgun og að honum loknum var til-
kynnt sú ákvörðun að fresta öllum
leikjum í ensku atvinnudeildunum
næstu þrjár vikurnar.
En flestir virðast þó gera sér
grein fyrir því að afar ólíklegt sé að
leikið verði á Englandi 4. apríl. Mun
lengri tími muni líða þar til eðlilegt
ástand skapast á ný. Talað er um tvo
til þrjá mánuði og m.a. horft til Kína
í þeim efnum.
Á neyðarfundi UEFA næsta
þriðjudag verður eflaust tekin sú
ákvörðun að fresta lokakeppni EM.
Þar með fá vetrardeildirnar í Evr-
ópu svigrúm til að ljúka þeim átta til
tólf umferðum sem eftir eru, áður en
næsta keppnistímabil hefst.
Englendingar hafa tvo kosti.
Leika tímabilið til enda þegar það
verður hægt, eða ákveða á ein-
hverjum tímapunkti að keppninni
ljúki eins og staðan var þegar kór-
ónuveiran stöðvaði hana – sem sagt
föstudaginn 13. mars.
Að ógilda tímabilið í heild og byrja
upp á nýtt næsta haust er valkostur
sem væntanlega verður ekki tekinn
alvarlega ef á reynir, en hefur aðal-
lega verið hafður í flimtingum til að
hrella stuðningsmenn Liverpool og
Leeds. Það hefði verið hægur vandi
ef 5-10 umferðir hefðu verið búnar,
eða þrjár eins og þegar hætt var
haustið 1939 vegna síðari heims-
styrjaldarinnar, en er ólíkleg niður-
staða núna þegar 29 umferðum er
lokið af 38.
Ef deildakeppnin fer aftur af stað
4. apríl gæti Liverpool tryggt sér
meistaratitilinn daginn eftir. Þá
heimsækir liðið Manchester City og
yrði meistari með sigri í þeim leik.
En líklegra er að næstu leikir í deild-
inni verði leiknir í maí eða júní, eins
og staðan er núna.
Lýkur enska keppnistímabilinu síðsumars?