Morgunblaðið - 19.03.2020, Blaðsíða 32
32
MORGUNBLAÐIÐ FIMMTUDAGUR 19. MARS 2020
refsa heldur biðja fólk að sýna ábyrgð
sameiginlegan þegnskap. Til að kom-
ast út úr kreppunni. Við viljum ekki
sekta, en gerist þess þörf verður svo.“
Castaner sagði að fólk gæti áfram
verið úti við, til dæmis farið út með
hunda vegna þarfa þeirra. Bannað
væri þó að fara saman í hópi. „Fólk
getur fengið sér frískt loft með stuttri
gönguferð í nágrenni heimilisins en
ekki spilað fótbolta. Og ekki komið
saman í hópum í hverfisgarðinum.“
Veirufaraldurinn færist enn í
aukana í Frakklandi. Í gærmorgun
höfðu 148 látist og 7.652 smitast frá
24. janúar. Á sjúkrahúsum liggja um
3.000.
Breiðgötur og stræti Parísar voru
eyðileg eftir hádegi í fyrradag er
heimasetuskyldan tók gildi. Frá þeim
tíma var fólki skylt að dveljast innan-
dyra og aðeins fara út af lífsnauðsyn-
legum ástæðum, svo sem til að kaupa
matvæli. Lögregla var á ferðinni til
að hafa afskipti af þeim sem óhlýðn-
ast höfðu banninu.
Ekki hefur verið gripið til alls-
herjar útgöngubanns eins og kvisast
hafi en Macron forseti varaði þjóðina
við og sagði stöðu mála síbreytilega
og það gæti átt eftir að leiða til nýrra
ráðstafana.
Bjargað frá falli
Fyrirtækjum hefur verið gert að
búa svo um hnúta að starfsmenn
þeirra geti sinnt starfi sínu með fjar-
vinnu af heimilinu, sé möguleiki á því.
Þeir sem ekki geta skilað nauðsyn-
legu verki sínu með fjarvinnu mega
fara á vinnustað sinn. Framleiðslu-
starfsemi hefur lamast að hluta vegna
innilokunarinnar og segir fjár-
málaráðherrann Bruno Le Maire að
búast mætti við 1% samdrætti hag-
kerfisins. Verkfæri hafa verið lögð til
hliðar til bráðabirgða í flugvélaverk-
smiðjum Airbus. Hið sama hefur
gerst í bílsmiðjum Peugeot, Citroën
og Renault, svo dæmi séu nefnd.
Stjórnvöld hafa sagst munu bjarga
atvinnulífinu. Le Maire segir ríkið
tilbúið að þjóðnýta fyrirtæki til að
bjarga þeim frá hruni. Boðaði hann
aðgerðir í þágu atvinnulífsins sem
metnar eru á 45 milljarða evra, nærri
7.000 milljarða króna. Vegna ráðstaf-
ana stjórnarinnar þurfa smáfyrirtæki
ekki að borga rafmagn né önnur not-
endagjöld og skattgreiðslur meðan
þau vinna sig út úr kreppunni. Öll
svið atvinnu- og efnahagslífs hafa
orðið fyrir barðinu á kórónuveirunni,
ef svo mætti orða það. Harðast hefur
ástandið þó bitnað á flugsamgöngum
og ferðaþjónustu og tengdri starf-
semi. Blasir jafnvel gjaldþrot við
flugrekendum.
Flýja París eins og í stríði
Búist var við að samgöngur myndu
meira og minna lamast. Í fyrradag
höfðu lestarsamgöngur til að mynda
skroppið saman og sýnt þykir að enn
eigi eftir að draga úr lestarferðum og
ferðum strætisvagna.
Sá orðrómur komst á kreik að sett
yrðu herlög og landherinn tæki sér
stöðu á götum úti til að halda uppi röð
og reglu. Það mun hafa verið orðum
aukið og bendir allt til að herinn lið-
sinni einungis við að flytja veika á
sjúkrahús í Elsass, en þar mæðir
meira á spítölum vegna veirunnar en
annars staðar.
Engin takmörk eru á því hvar fólk
getur setið innivistina af sér. Par-
ísarbúar gripu margir til þess ráðs
um helgina og fram á þriðjudag að
flýja borgina áður en innilokunin, hin
formlega tilraun til að hægja á út-
breiðslu kórónuveirunnar, tæki gildi.
Fylltust lestarstöðvar af þessu fólki
og straumur bíla liðaðist á hrað-
brautum út frá París. Þetta þótti
dreifbýlisfólki skelfilegt. Jók þetta
ótta þeirra um að með aðkomumönn-
um bærist kórónuveirusmit og út-
breiðsla veirunnar myndi taka kipp
upp á við. Fylgdust þeir með fullir
tortryggni gagnvart aðstreymi borg-
arbúa.
„Parísarbúar eru að flýja borgina
og munu smita sveitirnar. Þetta inn-
streymi sem maður gat ekki gert sér í
hugarlund er sjálfselska og tifandi
tímasprengja,“ sagði óhress Frakki á
Twitter-síðu.
Í lestarstöðinni Gare du Nord
störðu farþegar, margir með andlits-
grímu, upp eftir brottfarartöflunni og
biðu þess að komast burt. „Heldur
vildum við vera í stærra og opnara
rými, stærra húsi með garði, en í
þröngri íbúð í París,“ sagði blaðamað-
urinn Camille, sem var á leið til móð-
ur sinnar í Norður-Frakklandi ásamt
förunaut. Bæði ætluðu að sinna fjar-
vinnu þaðan.
Ferðalangurinn Stephane Le-
grand, sem beið eftir lest í Gare du
Nord var á öndverðum meiði. Sagði
veiruna nú þegar hafa borist um
heimsbyggðina alla. „Hún er orðin
hnattræn,“ sagði hann og kvaðst ekk-
ert óttast. „Ég er alla jafna við góða
heilsu. Verð aldrei veikur og vona því
að allt fari vel.“
Lífeyrisþegi sem hlóð bíl sinn af
pinklum rétt hjá höfuðstöðvum
UNESCO í París sagðist ætla að
koma sér úr borginni og flýja í sveita-
setur sitt 100 km vestur af borginni.
„Þar er betra að vera en í þrengsl-
unum hér,“ sagði hann og gaf aðeins
upp fornafn sitt, Jean-Yves.
Heilbrigðisráðherrann Olivier Ver-
an sagði ríkisstjórnina engin áform
hafa um að koma í veg fyrir ferðalög
fólks til síns annars heimilis. Niður til
stranda og upp til sveita. Hinar
ströngu takmarkanir sem í borg-
unum giltu ættu líka við í dreifbýli.
Hann játti þó að aukin smithætta
skapaðist þegar fólk hrúgaðist í lest-
arnar.
Lyfjatilraun gefur vonir
Þar sem ekkert bóluefni er til við
kórónuveirunni horfa menn – sér-
staklega veikburða eldra fólk – von-
araugum til tilrauna frægs fransks
sóttvarnalæknis, Didier Raoult, við
sóttvarnamiðstöðina IHU Méditerr-
anée í Marseille. Hann hefur náð já-
kvæðum árangri síðustu daga með
nýrri lyfjameðferð gegn veirunni.
Benda fyrstu niðurstöður rannsókna
hans til þess að stöðva megi smitgetu
hennar á aðeins sex dögum. Hann
segir að bataferli fyrstu sjúklinganna
hafi tekið kipp eftir að þeir fengu lyfið
Chloroquine og ljóst væri að þeir
yrðu mun fljótari að ná sér en aðrir.
Lyf þetta er brúkað til að koma í veg
fyrir og meðhöndla malaríu og var
gefið með öðru lyfi, Plaquenil. Tóku
það 24 sjúklingar sem voru meðal
þeirra fyrstu sem smituðust af veir-
unni og höfðu gefið sig fram við spít-
ala. Hliðstæð rannsókn í Bandaríkj-
unum í síðustu viku styður niður-
stöður Raoult.
Daginn eftir að ríkisstjórnin lokaði
krám, veitingahúsum og annarri
ónauðsynlegri þjónustustarfsemi
streymdu Parísarbúar út í garða
borgarinnar og opinber svæði til að
njóta veðurblíðunnar. Þeir sýndu
þess engin merki að hafa tekið eftir
ákvörðunum Edouards Philippe for-
sætisráðherra kvöldið áður, sem bað
almenning að halda sig inni við. „Í fúl-
ustu alvöru, saman verðum við öll að
sýna meiri ögun gagnvart ráðstöf-
unum. Við verðum að forðast sam-
söfnun eins og frekast er kostur,
hætta að hitta vini og fjölskyldu-
meðlimi.“ Allt annað sagði hann geta
hraðað smiti. Til að uppræta léttúðina
greip stjórn Macrons svo til enn harð-
ari aðgerða tveimur dögum seinna.
Matvæli hömstruð
Á mánudagsmorgun stefndu
Frakkar stríðum straumum í stór-
markaði og hömstruðu matvæli.
Mynduðust langar biðraðir inn í búð-
irnar og svo aftur við afgreiðslukass-
ana á útleið. Búið var að líma rendur
á gólf við afgreiðslukassanna til að
halda a.m.k. metra bili milli manna í
röðum að þeim. Örlaði á hræðslu al-
mennings við yfirvofandi óvissu og
enginn vildi verða uppiskroppa vik-
urnar sem fólk á eftir að þurfa sitja
heima. Stjórnvöld höfðu varað við
hamstri og sögðu meira en nóg af
matvælum í landinu. Það róaði ekki
þá sem hrúguðu matvælum í óðagoti
niður í innkaupakerrurnar. Óðar
tæmdust hillur og skápar verslana
um land allt. Til að draga úr smit-
hættu var einungis tekið við greiðslu-
kortum, ekki seðlum, mynt eða ávís-
unum.
Orrustan við kórónuveiruna teygir
anga sína út í geim. Hefur franska
geimferðamiðstöðin í Gvæjana í Suð-
ur-Ameríku orðið að fresta geim-
skotum vegna hennar. Af sömu
ástæðu er skíðavertíðinni í Ölpunum
og Pýreneafjöllum lokið, rúmum
mánuði fyrr en venjulega.
AFP
Samgöngur Lestarstöðvar eru tómlegar í París, aðeins starfsfólk á ferli að hreinsa til. Stríðsástand ríkir í raun.
KÓRÓNUVEIRUFARALDUR
Kringlan 4-12 | s. 577-7040 | www.loccitane.is
LJÚFFENG TVENNA
FYRIR HÚÐINA ÞÍNA*
*Snyrtivara, ekki matvara.