Morgunblaðið - 19.03.2020, Blaðsíða 55

Ég er frekar undrandi á þeirri
ákvörðun stjórnar Körfuknatt-
leikssambands Íslands að hætta
tímabilinu 2019-20 og leika ekki
til úrslita um Íslandsmeistaratitl-
ana og sæti í efstu deildum.
Hvað lá á að taka þessa
ákvörðun 18. mars?
Enginn veit hversu langt hlé
þarf að gera vegna kórónuveir-
unnar. Tveir mánuðir, fjórir, sex?
Því er ekki hægt að svara.
Úrslitakeppnin hefði mögu-
lega getað farið fram í júní en
sanngjarnast fyrir alla, eins og
ég hef áður bent á, hefði verið að
gefa frí til 1. ágúst, spila loka-
umferðir og úrslitakeppni og
hefja nýtt tímabil 1. október.
Hvort sem það hefði síðan
orðið í ágúst eða október, þá
hefði átt að ljúka tímabilinu
2019-20. Krýna meistara og gera
út um færslur á milli deilda.
Félögin hefðu fengið tekj-
urnar sem þær verða nú af þar
sem úrslitakeppninni, mjólkurkú
félaganna, var slátrað.
En, stjórn KKÍ tók þessa
ákvörðun, henni verður ekki
breytt og hana þarf að virða. Ég
vona hinsvegar að hún verði ekki
öðrum fordæmi.
Ég skil reyndar ekki alveg
hvers vegna Stjarnan og Valur
voru ekki úrskurðuð Íslands-
meistarar karla og kvenna fyrst
þessi leið var valin. Það hefði
verið smá sárabót og gert tíma-
bilið einhvers virði í stað þess að
gjaldfella alla þá fyrirhöfn sem
lögð var í það frá hausti til vors.
Fyrir því var allavega fordæmi
frá Svíþjóð. Elvar Már Friðriksson
og félagar í Borås voru lýstir
sænskir meistarar á dögunum
þar sem þeir voru efstir þegar
þremur umferðum var ólokið af
deildinni.
BAKVÖRÐUR
Víðir Sigurðsson
vs@mbl.is
Akhisarspor Theódór Elmar Bjarnason er í miklum
toppbaráttuslag með liði sínu í tyrknesku B-deildinni.
TYRKLAND
Bjarni Helgason
bjarnih@mbl.is
Íþróttalíf í Evrópu er lítið sem ekk-
ert þessa dagana enda hefur flestum
íþróttaviðburðum verið frestað í álf-
unni vegna kórónuveirunnar. Í
Tyrklandi er hins vegar áfram spil-
aður fótbolti og tilkynnti tyrkneska
knattspyrnusambandið í fyrradag að
ekki yrði gert hlé á deildinni vegna
kórónuveirunnar heldur skyldu leik-
ir í efstu deildum Tyrklands spilaðir
án áhorfenda.
Tveir Íslendingar spila í Tyrk-
landi, þeir Viðar Örn Kjartansson og
Theódór Elmar Bjarnason, en Viðar
Örn leikur með Yeni Malatyaspor í
efstu deild Tyrklands og Elmar með
Akhisharspor í tyrknesku B-
deildinni. Hlutskipti þeirra er þó
ólíkt því Viðar Örn og Yeni Malatya-
spor eru í harðri fallbaráttu á meðan
Elmar og Akhisharspor eru í bar-
áttu um sæti í efstu deild að ári.
„Stemningin er mjög skrítin, ég
skal alveg viðurkenna það. Það eru
40-50 manns greindir með veiruna
núna í Tyrklandi, þar á meðal einn í
borginni sem ég bý í,“ sagði Viðar
Örn í samtali við Morgunblaðið í gær
en Viðar er búsettur í Malatya í
Austur-Tyrklandi þar sem rúmlega
760.000 manns búa.
„Það hefur verið ákveðin óvissa í
gangi hérna en tyrkneska knatt-
spyrnusambandið tók ákvörðun í
gær (fyrradag) um að deildin væri
ekki á leið í frí. Það verður því spilað
áfram hérna, þangað til annað kem-
ur í ljós allavega. Það er bæði reiði
og pirringur yfir því að þurfa að
spila. Menn eru auðvitað fyrst og
fremst að hugsa um sig og fjöl-
skyldur sínar og með því að halda
áfram að spila eykst hættan á því að
fólk smitist. Ef smitunum fjölgar þá
gætu þeir auðvitað endurskoðað
stöðuna en eins og staðan er núna er
ekkert að fara að breytast.“
Fólk er hrætt
John Obi Mikel, fyrrverandi leik-
maður Chelsea á Englandi og fyrr-
verandi fyrirliði nígeríska landsliðs-
ins, var ósáttur með ákvörðun
tyrkneska knattspyrnusambandsins
og ákvað í kjölfarið að rifta samningi
sínum við Trabzonspor sem situr í
toppsæti úrvalsdeildarinnar.
„Ég held að menn séu ekki að fara
ganga jafn langt og Obi Mikel gerði
en fólk er hrætt, maður finnur það.
Það er búið að loka öllu í borginni
minni sem dæmi, nema súpermörk-
uðum og apótekum. Ég bý á hóteli
og ætlaði í heilsulindina þar í dag (í
gær) en þá var búið að loka því öllu
þannig að það er ekki mikið að frétta
hérna þessa dagana. Við fjölskyldan
fórum út að borða í fyrradag og við
fengum þær upplýsingar að það yrði
skellt í lás alls staðar á allra næstu
dögum þannig að fólk er mjög með-
vitað um veiruna hérna.“
Eitt öruggasta land Evrópu?
Viðar Örn telur að þar sem UEFA
ákvað að fresta lokamóti EM til
sumarsins 2021 á þriðjudaginn síð-
asta hefði það haft lítil áhrif á Tyrki
að fresta sínum deildarkeppnum
eins og hefur verið gert í nánast öll-
um öðrum Evrópulöndum.
„Það eru ekki margir leikir eftir af
tímabilinu og það hefði þess vegna
ekki breytt neinu að fresta þessu um
nokkrar vikur. Þeir segja að Tyrk-
land sé eitt öruggasta land Evrópu
til þess að vera í núna upp á smit að
gera. Það er nánast búið að loka öll-
um flugsamgöngum til og frá land-
inu og það er nokkuð ljóst að knatt-
spyrnusambandið telur greinilega
að þeir séu búnir að gera sitt með
því að banna áhorfendur á leikj-
unum. Það væri ekki nema að allir
myndu leggjast á eitt og biðja um
frestun sem þeir myndu íhuga það
að breyta þessu en eins og staðan er
núna undirbýr maður sig bara fyrir
næsta leik um helgina gegn Kasim-
pasa um helgina,“ bætti Viðar Örn
við.
Tökum einn leik í einu
„Þetta er náttúrlega mjög sérstök
staða að vera í og menn eru í raun
minnst spenntir fyrir því að spila
það sem eftir er af tímabilinu fyrir
luktum dyrum, sagði Theódór Elm-
ar Bjarnason í samtali við Morgun-
blaðið í gær.
„Svona er raunveruleikinn í dag
og við tökum í raun bara einn leik
fyrir í einu. Ég hef ekki beint fundið
fyrir neinu ósætti þannig lagað með
það að þurfa að spila enda er veiran
tiltölulega nýkomin til Tyrklands.
Eins og staðan er í dag á ég ekki von
á því að leikjum verði frestað og ef
það er hægt að klára mótið á réttum
tíma þá væri það auðvitað best, svo
framarlega sem heilsu fólks sé ekki
ógnað. Maður hefur heyrt og lesið að
smithættan eigi að dvína með sumr-
inu með hækkandi hita og Tyrkirnir
virðast vera að fylgja svipuðu verk-
lagi í kringum veiruna og gert hefur
verið annars staðar í Evrópu.“
Elmar býr í Izmir í Vestur-
Tyrklandi ásamt fjölskyldu sinni þar
sem rúmlega fjórar milljónir manns
búa en hann ítrekar að veiran sé nú
þegar farin að hafa áhrif á þeirra
daglega líf.
Traustvekjandi viðbrögð
„Persónulega finn ég ekki fyrir
neinni hræðslu í garð kórónuveir-
unnar og ég hef heldur ekki áhyggj-
ur af konunni minni og barni. Við er-
um öll á besta aldri og erum þar af
leiðandi ekki í þessum tiltekna
áhættuhópi sem er einna viðkvæm-
astur fyrir veirunni. Ef maður smit-
ast hins vegar af veirunni þá bara
þarf maður að taka það alvarlega og
vera í sóttkví. Tyrkirnir eru strax
byrjaðir að gera ráðstafanir og það
er búið að loka öllum mollum, veit-
ingastöðum og öðru þannig að þeir
eru mjög varkárir. Þeir ætla alls
ekki að missa þetta í sama far og á
Ítalíu og Spáni og það hefur í raun
verið traustvekjandi hvernig þeir
hafa tekið á þessu.“
Reiði og pirringur yfir
því að þurfa að spila
 Tyrkir halda sínu striki  Viðar og Theódór Elmar búa sig undir næsta leik
AFPMorgunblaðið/Eggert
Yeni Malatyaspor Viðar Örn Kjartansson er í harðri
fallbaráttu með liði sínu í tyrknesku úrvalsdeildinni.
ÍÞRÓTTIR 55
MORGUNBLAÐIÐ FIMMTUDAGUR 19. MARS 2020
„Það liggur fyrir seinkun á mótinu
sem verður ekkert stórkostleg,“
sagði Haraldur Haraldsson, for-
maður ÍTF, meðlimur í stjórn KSÍ
og framkvæmdastjóri Víkings
Reykjavíkur, í samtali sem birtist á
mbl.is í gærkvöld.
KSÍ mun funda í dag og verður
frestun á Íslandsmótinu sem á að
hefjast 21. apríl m.a. rædd. „Seink-
unin miðar við að samkomubannið
sem er í gildi núna verði ekki fram-
lengt. Við munum setjast niður og
tækla þetta í sameiningu,“ bætti
Haraldur við.
Seinkun Íslands-
móts liggur fyrir
Morgunblaðið/Hari
Erkifjendur Reykjavíkurliðin Valur
og KR eiga að mætast í 1. umferð.
Tom Brady, hinn sigursæli leik-
stjórnandi sem hefur leikið með
bandaríska ruðningsliðinu New
Englands Patriots undanfarna tvo
áratugi, er á leiðinni til Tampa Bay
Buccaneers, samkvæmt frétt
ESPN. Brady verður orðinn 43 ára
gamall þegar næsta NFL-tímabil
hefst í september en hann hefur sex
sinnum fagnað sigri í Ofurskálar-
leiknum, Super Bowl, með Patriots
og fjórum sinnum verið kjörinn
besti leikmaður úrslitaleiksins.
Hann er sigursælasti leikstjórnand-
inn í sögu NFL.
Sá sigursælasti
til Flórída
AFP
Goðsögn Tom Brady er lifandi goð-
sögn í NFL-deildinni vestanhafs.
Arnar Pétursson,
landsliðsþjálfari
kvenna í hand-
bolta, greindi frá
því í gær að hann
væri kominn með
kórónuveiruna.
„Ég er veikur af
COVID-19 og er í
einangrun heima
hjá mér út mars.
Ég hef það fínt og
er það heppinn að veiran fer ágæt-
lega með mig. Ég finn þannig séð
ekki fyrir neinu,“ skrifaði Arnar á
Facebook. Arnar gerði karlalið ÍBV
að þreföldum meisturum árið 2018
og sagði upp í kjölfarið. Hann tók
svo við þjálfun landsliðsins í ágúst á
síðasta ári.
Arnar er ekki eini landsliðsþjálf-
arinn sem veiran hefur áhrif á því
Guðmundur Guðmundsson og Alfreð
Gíslason eru báðir í sóttkví. Alfreð,
sem er þjálfari þýska karlalandsliðs-
ins, þurfti að fara í sóttkví þar sem
Jannik Kohlbacher greindist með
veiruna. Kohlbacher var einn þeirra
leikmanna sem Alfreð fékk til æf-
inga í fjóra daga með landsliðinu í
síðustu viku. Þá þurfti Guðmundur,
sem þjálfar íslenska karlaliðið, að
fara í sóttkví hér á landi því hann
ferðaðist frá Þýskalandi. Þjálfar
hann Melsungen þar í landi.
Landsliðs-
þjálfari með
veiruna
Arnar
Pétursson