Fréttablaðið - 21.10.2020, Page 1

— M E S T L E S N A DAG B L A Ð Á Í S L A N D I * —2 2 5 . T Ö L U B L A Ð 2 0 . Á R G A N G U R M I Ð V I K U D A G U R 2 1 . O K T Ó B E R 2 0 2 0
BúÚH!
á meðan þú
verslar
Biti fyrir
börnin
NÁTTÚRUVÁ Hinn stóri jarðskjálfti
sem reið yfir í gærdag er liður í
mikilli spennulosun á Reykjanes­
hryggnum. „Við getum alveg reikn­
að með hrinum næsta árið,“ segir
Ármann Höskuldsson eldfjalla­
fræðingur. Virknin hafi hafist í fjall­
inu Þorbirni í janúar og færist í átt
til Bláfjalla. Þessu muni ljúka þegar
virknin sé komin yfir í tenginguna
við Suðurlandsskjálftabeltið. Seg­
ist Ármann hafa meiri áhyggjur af
virkninni á Norðurlandi, sem færist
sífellt nær Húsavík, en þar hefur
byggst upp spenna í sprungum í
hundrað ár. – khg / sjá síðu 6
Hrinur færast
nær borginni
Ármann
Höskuldsson
Kylfingar, sem hefur verið óheimilt að stunda golf á höfuðborgarsvæðinu síðustu vikurnar vegna sóttvarnareglna, þustu út á vellina þegar þeir voru opnaðir á nýjan leik í gær. Þeir létu
ekki skjálftahrinu koma í veg fyrir golfiðkun sína. ÍSÍ hefur hvatt landsmenn til þess að hreyfa sig í COVID-faraldrinum og golf er góð leið til þess að liðka líkamann. FRÉTTABLAÐIÐ/VALLI
VIÐSKIPTI Íslenska líftæknifyrir­
tækið Alvotech hefur gengið frá
fjármögnun upp á samtals 65 millj­
ónir Bandaríkjadala, jafnvirði 9
milljarða króna, en um er að ræða
stóra fjárfesta úr lyfjageiranum í
Bandaríkjunum, Evrópu og Asíu
sem munu leggja félaginu til aukið
hlutafé, samkvæmt heimildum.
Alvotech, sem er stýrt af Róberti
Wessman stofnanda félagsins, hefur
á undanförnum mánuðum unnið að
útgáfu á nýju hlutafé að fjárhæð 100
milljónir dala en félagið væntir þess
að ljúka útboðinu í næsta mánuði.
Á meðal fjárfesta sem skoða nú að
fjárfesta í fyrirtækinu eru íslenskir
lífeyrissjóðir. Fulltrúar sjóðanna
hafa á undanförnum vikum átt
fjárfestafundi með stjórnendum og
innlendum ráðgjöfum Alvotech en
verði af fjárfestingu þeirra yrði það
í fyrsta sinn sem íslenskir stofnana­
fjárfestar koma inn í eigendahóp
félagsins.
Samkvæmt fjárfestakynningu
er fjármögnun Alvotech ætlað að
styðja við rekstur þess fram að
skráningu í Hong Kong á næsta ári.
Þá áformar Alvotech að ráðast
í stækkun á hátæknisetri sínu
í Vatnsmýrinni, sem var tekið í
notkun 2016, þannig að það verði
samtals 24 þúsund fermetrar að
stærð – það er 13 þúsund fermetrar
í dag – og er áætlað að sú fjárfesting
kosti jafnvirði 4,6 milljarða króna.
Þá er lyfjafyrirtækið Coripharma
á sama tíma að ganga frá milljarða
fjármögnun sem ætlað er að renna
stoðum undir þróun á samheita­
lyfjum hér á landi. Ef ætlanir Cori­
pharma ganga eftir mun það velta
um 75 milljónum evra, jafnvirði 12,3
milljarða króna, árið 2025 og skapa
260 störf í þekkingargeiranum.
Jónína Guðmundsdóttir, forstjóri
Coripharma, segir viðræður vera í
gangi við núverandi hluthafa, inn­
lenda fjárfesta og einnig fagfjár­
festasjóði sem lífeyrissjóðir koma
að.
„Við teljum okkur enn eiga inni
hjá íslenskum fjárfestum og það má
segja að Coripharma haki í mörg
box sem eru í umræðunni í dag.
Þetta er félag í þróunar­ og tækni­
geiranum sem stefnir að því að tvö­
falda starfsmannafjöldann á næstu
fimm árum. Við erum að byggja upp
þekkingu og endurvekja lyfjafram­
leiðslu í landinu.“ – hae / sjá Markaðinn
Setja níu milljarða í Alvotech
Alvotech hefur tryggt sér 65 milljónir dala í nýtt hlutafé frá erlendum fjárfestum. Lífeyrissjóðir skoða að
fjárfesta í fyrirtækinu. Coripharma er einnig að ganga frá fjármögnun til að tryggja þróun samheitalyfja.
195
milljarðar króna er áætlað
markaðsvirði Alvotech.