Fréttablaðið - 21.10.2020, Side 4

Til þess að rafbíla-
væðing Íslands gæti
orðið að veruleika þurftu
innviðirnir að koma á
undan eftirspurninni.
Berglind Rán Ólafsdóttir
Katrín Tanja er ein fremsta
íþróttakona heims
Í bók sinni veitir hún lesendum innsýn
í líf sitt og það sem hún hefur gert til
að ná árangri og verða fyrirmynd
SIGRAR OG ÓSIGRAR
Bókabúð Forlagsins | Fiskislóð 39 | www.forlagid.is | Opið alla virka daga 10–18 | Um helgar 11–16 LANDSINS MESTA ÚRVAL BÓKA
STJÓRNSÝSLA Samkeppniseftirlitið
hefur hafið formlega rannsókn á
Orku náttúrunnar, ON. Samkvæmt
bréfi stofnunarinnar til fyrirtækis-
ins snúa meint brot að sölu, upp-
setningu og þjónustu ON á hleðslu-
stöðvum og hleðslum fyrir raf bíla.
Kæran var lögð fram af Ísorku,
sem er söluaðili hleðslustöðva, í
júlí í fyrra. Fram kom í umfjöllun
Fréttablaðsins á sínum tíma að í
kærunni, sem er í á annað hundruð
liðum, er ON sakað um að nota
markaðsráðandi stöðu á raforku-
markaði til að koma sér í einok-
unarstöðu á miðlun rafmagns til
raf bíla. ON er alfarið í eigu Orku-
veitu Reykjavíkur.
Samkeppniseftirlitið sendi ON
tilkynningu um rannsóknina í sept-
ember. Hefur ON sent stofnuninni
bréf þrívegis þar sem athugasemd-
um er komið á framfæri. „Að virtum
þeim upplýsingum og gögnum sem
af lað hefur verið við forathugun
málsins og í ljósi þess að umkvörtuð
háttsemi virðist enn til staðar og
vísbendingar um að hún raski sam-
keppni, hefur Samkeppniseftirlitið
ákveðið að hefja formlega rannsókn
á háttsemi ON á mögulegum mark-
aði fyrir hleðslur, hleðslustöðvar
og rafmagn, sbr. nánar erindi
kvartanda sem félagið hefur undir
höndum,“ segir í bréfinu.
Þá er óskað frekari gagna, þar á
meðal upplýsinga um allar hleðslu-
stöðvar ON frá 2016 til júlíloka í ár.
Einnig er farið fram á yfirlit yfir
tekjur og rekstrarkostnað vegna
hleðslustöðva og sölu rafhleðslna.
Þá er óskað eftir gögnum um inn-
kaup á hleðslustöðvum auk upplýs-
inga um tekjur ON vegna smásölu
rafmagns til heimila og fyrirtækja.
Áttu þau gögn að vera afhent stofn-
uninni í síðasta lagi á mánudaginn.
Berglind Rán Ólafsdóttir, fram-
kvæmdastýra ON, segir fyrirtækið
hafa gegnt lykilhlutverki í uppbygg-
ingu innviða fyrir raf bíla á Íslandi
síðustu 6 árin. „Til þess að raf bíla-
væðing Íslands gæti orðið að veru-
leika þurftu innviðirnir að koma á
undan eftirspurninni, þ.e. rafbílun-
um, sem voru um 100 talsins þegar
ON hóf vegferðina,“ segir Berglind.
„Ákvörðun ON um að taka virk-
an þátt í þróun innviða á Íslandi
er byggð á stefnu fyrirtækisins í
umhverf is- og loftslagsmálum,
sem styður við markmið Íslands og
áherslu stjórnvalda á orkuskipti í
samgöngum. Styrkir frá Orkusjóði,
þ.e. ríkinu, hafa verið mikilvægir
uppbyggingu innviða fyrir rafbíla á
Íslandi, fyrir ON og önnur sem tekið
hafa þátt í þróuninni á síðari árum.“
Hún segir að þegar raf bílnum
fjölgi sífellt séu fleiri fyrirtæki farin
að taka þátt í uppbyggingu innviða
fyrir raf bíla, sem sé afar jákvætt og
nauðsynlegt til þess að þjóðin nái
langtímamarkmiðum þegar kemur
að orkuskiptum. „Markaður með
hleðslustöðvar á Íslandi er lítill og
frekari uppbygging háð framlagi
frá ríkinu í þeim tilgangi að stuðla
að fjárfestingum sem stuðla að því
að Ísland nái settum loftslagsmark-
miðum,“ segir Berglind.
„Skoðun Samkeppniseftirlitsins
á markaðnum kom Orku náttúr-
unnar á óvart vegna þess hve lítill
markaðurinn er auk þess sem hann
er á algjöru frumstigi uppbyggingar
og á þannig eftir að mótast og þróast
eftir því sem rafbílum fjölgar áfram
næstu árin. Engu að síður, þá mun
skoðun Samkeppniseftirlitsins
verða til þess að staða og skipulag
þessa markaðar skýrist og ég von-
ast innilega til þess að niðurstaðan
verði hvetjandi fyrir áframhaldandi
uppbyggingu þessara mikilvægu
innviða til lengri tíma.“
arib@frettabladid.is
Formleg rannsókn hafin á
störfum Orku náttúrunnar
Samkeppniseftirlitið hefur hafið formlega rannsókn á Orku náttúrunnar. Meint brot Orku náttúrunnar
snúa að sölu, uppsetningu og þjónustu fyrirtækisins bæði á hleðslustöðvum og hleðslum fyrir rafbíla.
Framkvæmdastýra ON segist vona að niðurstaðan verði hvetjandi til áframhaldandi uppbyggingar.
Kæra Ísorku sem lögð var fram í fyrra snýr að rekstri og uppsetningu hleðslustöðva fyrir rafbíla. FRÉTTABLAÐIÐ/PJETUR
STJÓRNSÝSLA Það er orðið rann-
sóknarefni að mati Vigdísar Hauks-
dóttur, fulltrúa Miðf lokksins í
borgarráði, hvað keypt er af sér-
fræðiþjónustu – bæði hjá borginni,
B-hluta fyrirtækjum og Samtökum
sveitarfélaga á höfuðborgarsvæð-
inu. Vigdís spurði um ráðgjafa-
fyrirtækið Strategíu í borgarráði og
birtist svar við fyrirspurn hennar
í borgarráði á fimmtudag. Fyrir-
tækið hefur fengið tíu verkefni hjá
borginni og fengið 28 milljónir
greiddar fyrir .
„Ég trúi bara ekki að borgin skuli
vera að kaupa svona of boðslega
ráðgjöf. Til þess erum við kosin, til
að stýra borginni. Þrjátíu milljónir
á tveimur árum er vel í lagt finnst
mér,“ segir Vigdís.
Hún segist ekkert hafa á móti
fyrirtækinu en gagnrýnin snúist
um óþar fa peningaeyðslu hjá
borgaryfirvöldum. Guðrún Ragn-
arsdóttir, einn af eigendum Strate-
gíu, segir að fyrirtækið sé sjö ára
gamalt og upphæðin sé ekki mjög
há miðað við önnur ráðgjafafyrir-
tæki. „Eins og kemur fram í svari
borgarinnar þá er gerð verðkönnun
varðandi verkefnin og við vorum
það heppnar að fá nokkur af þeim
og höfum sinnt þeim eins vel og við
getum. Það er ekkert annað hægt
en að vera stolt af okkar vinnu,“
segir hún. „Við vorum nokkuð
ánægðar eftir fund borgarráðs
þegar skýrsla okkar var kynnt
og Vigdís hrósaði okkur fyrir vel
unnin störf,“ bætir Guðrún við. – bb
Telur að skoða
þurfi kostnað
við sérfræðinga
Vigdís Hauksdóttir borgarfulltrúi
furðar sig á háum sérfræðikostnaði.
FRÉTTABLAÐIÐ/SIGTRYGGUR ARI
VIÐSKIPTI Fasteignaverð á höfuð-
borgarsvæðinu hækkaði um 1 pró-
sent í september. Samkvæmt tölum
Þjóðskrár hefur það hækkað um 3
prósent síðastliðna þrjá mánuði og
4 prósent síðastliðna sex mánuði,
alls hefur verðið hækkað um 5,6
prósent síðasta árið.
Páll Heiðar Pálsson fasteigna-
sali segir þetta langt umfram spár
greiningardeilda stóru bankanna.
„Við gætum horft fram á 7 til 8 pró-
senta hækkun á þessu ári, það var
spáð 3 til 4 prósentum,“ segir Páll.
Frá 1. júlí til 1. október hafa selst
um 2.516 eignir í fjölbýli og sérbýli,
á sama tíma í fyrra seldust 1.995
eignir. Páll segir að markaðurinn
Sér fram á skort á fasteignum á markaði og hátt verð næstu árin
Páll Heiðar
Pálsson,
fasteignasali
gæti ofhitnað og skortur gæti orðið
á eignum næstu árin.
„Það eru um 2.100 eignir skráðar
til sölu á höfuðborgarsvæðinu,
þarf af um 700-800 nýbyggingar
sem eru jafnvel þrískráðar. Eins er
mikið um að eignir séu enn aug-
lýstar til sölu sem eru seldar með
ákveðnum fyrirvörum. Það má
því segja að það séu í raun á bilinu
1.400 til 1.500 eignir á markaðnum
í dag. Á sama tíma eru um 25.000
notendur að skoða fasteignavef
Morgunblaðsins á viku,“ segir Páll.
„Ég hef séð svona tölur áður, en síð-
ast þegar ég gerði það þá hækkaði
verðið mjög hratt.“
– ab
2 1 . O K T Ó B E R 2 0 2 0 M I Ð V I K U D A G U R4 F R É T T I R ∙ F R É T T A B L A Ð I Ð