Fréttablaðið - 21.10.2020, Síða 18

MARKAÐURINN

ÚTGÁFUFÉLAG Torg., Kalkofnsvegur 2, 101 Reykjavík, sími 550 5000
Netfang rit stjorn@markadurinn.is | Sími 550 5051
Ritstjóri Hörður Ægisson hordur@frettabladid.is
Netfang auglýsingadeildar auglys ing ar@frettabladid.is Veffang frettabladid.is
GÍRAR - FÆRIBÖND - RAFMÓTORAR - LEGUR
588 80 40
www.scanver.is
RAFMÓTORAR
Stefnir, sjóðastýringafyrirtæki Arion banka, vinnur að því að koma á fót nýjum framtaks-
sjóði. Starfsmenn fyrirtækisins
hafa fundað með fjárfestum vegna
málsins, samkvæmt heimildum
Markaðarins.
Sjóðurinn er sá fjórði sinnar
tegundar á vegum Stefnis og mun
bera nafnið SÍA IV. Hann mun líkt
og fyrri sjóðir fjárfesta í óskráðum
eignum og mun ekki vera takmark-
aður við tilteknar atvinnugreinar.
Samkvæmt samþykktum mun
fjárfestingatímabil félagsins vera
fjögur ár. Leitast verður við að selja
allar fjárfestingarnar innan fimm
ára eftir að fjárfestingatímabili
lýkur.
Fyrir fjórum árum safnaði Stefnir
í tæplega 13 milljarða sjóð þegar
SÍA III var komið á fót. Árið 2013
var safnað í 7,5 milljarða króna
sjóð sem ber nafnið SÍA II. Fyrsti
framtakssjóðurinn, SÍA I, var 3,4
milljarðar að stærð.
SÍA III fjárfesti meðal annars í
Lyfju, Men&Mice, Terra og í bygg-
ingu Marriott Edition hótelsins
við Hörpu. SÍA II fjárfesti meðal
annars í móðurfélagi Krónunnar
og Elko sem síðar sameinaðist N1.
Sami sjóður fjárfesti í Skeljungi
árið 2013 og fleytti félaginu á hluta-
bréfamarkað. Fyrsti framtakssjóður
Stefnis fjárfesti meðal annars í
Högum og kom að kaupum og síðar
skráningu Sjóvá í Kauphöll. – hvj
Stefnir undirbýr nýjan framtakssjóð
Starfsmenn Stefnis hafa
fundað með fjárfestum.
Sjóðurinn mun fjárfesta í
óskráðum fyrirtækjum.
Fjármögnunarkostn-
aður fasteignafélaganna
hefur ekki lækkað í takt við
lægri ávöxtunarkröfu á
ríkisskuldabréfum á skulda-
bréfamarkaði.
Íslenskir lífeyrissjóðir skoða nú að fjárfesta fyrir millj-arða króna í Alvotech en líftæknifyrirtækið vinnur að útgáfu á nýju hlutafé að fjárhæð samtals hundrað
milljónir Bandaríkjadala, jafnvirði
um 14 milljarða króna. Fulltrúar
lífeyrissjóðanna hafa á undan-
förnum vikum átt fjárfestafundi
með stjórnendum og innlendum
ráðgjöfum Alvotech en verði af
fjárfestingu þeirra yrði það í fyrsta
sinn sem íslenskir stofnanafjár-
festar koma í eigendahóp félagsins.
Sumir af stærstu lífeyrissjóðum
landsins hafa undirritað trúnaðar-
yfirlýsingar og fengið þá um leið
aðgang að rafrænu gagnaherbergi
með ítarlegri upplýsingum um
fjárhagsstöðu Alvotech. Það er verð-
bréfafyrirtækið Arctica Finance
sem er ráðgjafi Alvotech við hluta-
fjáraukninguna hér innanlands.
Samkvæmt heimildum Markað-
arins hefur Alvotech þegar gengið
frá fjármögnun upp á 65 milljónir
dala, jafnvirði 9 milljarða króna,
en þar er meðal annars um að ræða
stóra fjárfesta úr lyfjageiranum í
Bandaríkjunum, Asíu og Evrópu.
Fjármögnun Alvotech, sem er
stýrt af Róberti Wessman, stofn-
anda félagsins, er ætlað að styðja
við rekstur þess fram að skráningu
á markað á árinu 2021 samhliða
hlutafjárútboði. Samkvæmt fjár-
festakynningu Alvotech er stefnt
að skráningu í kauphöll í Hong
Kong en markaðsvirði félagsins nú
er talið vera liðlega 1,4 milljarðar
Bandaríkjadala, jafnvirði um 195
milljarða króna. Alþjóðlegu fjár-
festingabankarnir Morgan Stanley,
Goldman Sachs og HSBC verða ráð-
gjafar félagsins við þá skráningu.
Fram kemur í fjárfestakynningu
félagsins, samkvæmt heimildum
Markaðarins, að núverandi eig-
endur Alvotech muni leggja því til
um 30 milljónir dala við hlutafjár-
aukninguna. Alvotech er í meiri-
hlutaeigu Aztiq Pharma, undir
forystu Róberts, og þá er lyfjafyrir-
tækið Alvogen, systurfélag Alvogen,
stór hluthafi, en þar eru fyrir einir
stærstu fjárfestingasjóðir í heimin-
um í dag, CVC Capital Management
og Temasek sem er fjárfestingasjóð-
ur í Singapore. Aðrir hluthafar eru
meðal annars alþjóðlegi fjárfest-
ingasjóðurinn Yas Holding og jap-
anska lyfjafyrirtækið Fuji Pharma.
Stefnt er að því við hlutafjáraukn-
inguna, að því er segir í fjárfesta-
kynningunni, að fá inn nýja erlenda
strategíska fjárfesta ásamt öðrum
fjárfestum til að leggja félaginu til
samtals um 70 milljónir dala. Til
viðbótar við íslensku lífeyrissjóðina
hefur fjárfestingin í Alvotech verið
kynnt stórum fjárfestingafélögum
hér innanlands þótt einkum sé
horft til lífeyrissjóðina. Óvíst þykir
hins vegar hvort af fjárfestingu
þeirra í félaginu verði á þessu stigi.
Frá stofnun hafa hluthafar Alvo-
tech lagt félaginu til um 340 millj-
ónir dala en auk þess var gefið út
breytanlegt skuldabréf að fjár-
hæð 300 milljónir dala í ársbyrjun
2019, þar sem Morgan Stanley var
lykilfjárfestir, og verður því breytt
í hlutabréf við skráningu erlendis.
Í ágúst var tilkynnt um að Alvo-
tech og alþjóðlegi lyfjarisinn Teva
Pharmaceuticals hefðu gert með sér
samstarfssamning um þróun, fram-
leiðslu og markaðssetningu fimm
líftæknilyfja í Bandaríkjunum.
Mun samningurinn tryggja Alvo-
tech tekjur upp á hundruð milljarða
króna á næstu árum. Fram hefur
komið í máli stjórnenda félagsins að
það stefni að því að velta Alvotech
verði um 20 prósent af gjaldeyris-
tekjum þjóðarbúsins árið 2027.
Gera áætlanir ráð fyrir því að
fyrirtækið ráði til sín 70 vísinda-
menn og sérfræðinga til viðbótar
við þá 480 sem nú starfa hjá Alvo-
tech, að stærstum hluta á Íslandi. Þá
hyggst Alvotech ráðast í stækkun á
hátæknisetri sínu í Vatnsmýrinni,
sem var tekið í notkun í júní, þann-
ig að það verði samtals 24 þúsund
fermetrar að stærð – það er 13 þús-
und fermetrar í dag – og er áætlað
að sú fjárfesting kosti um 33 millj-
ónir dala, jafnvirði 4,6 milljarða
króna, samkvæmt fjárfestakynn-
ingunni.
Samtals eru átta líftæknilyf í
þróun hjá Alvotech en félagið til-
kynnti fyrr á árinu um góðan fram-
gang á klínískum rannsóknum á
sínu fyrsta lyfi, sem er líftæknihlið-
stæða lyfsins Humira. Það er sölu-
hæsta lyf heims og selst fyrir um 20
milljarða dala á ári. Stefnt er að því
að markaðssetja lyfið á heimsvísu á
árinu 2023 og er lyfið hluti af sam-
starfssamningi Alvotech við Teva.
Alvotech var rekið með um 140
milljóna dala tapi í fyrra en tekjur
félagsins hafa verið nánast engar á
undanförnum árum þar sem það
hefur ekki enn hafið sölu neinna
lyfja. Eigið fé var neikvætt um 374
milljónir dala í árslok 2019 en heild-
arskuldir, sem eru einkum lántök-
ur, námu 712 milljónum dala.
hordur@frettabladid.is
Lífeyrissjóðir skoða
að fjárfesta í Alvotech
Líftæknifyrirtækið kannar áhuga lífeyrissjóða á að koma að félaginu. Búið
að ganga frá fjármögnun upp á 9 milljarða. Ætlar að ráðast í 5 milljarða fjár-
festingu til að stækka hátæknisetur sitt í Vatnsmýrinni í 24 þúsund fermetra.
Fasteignafélögin sem skráð eru á hlutabréfamarkað eru skuld-settari en sambærileg félög á
hinum Norðurlöndunum. Það hefur
stuðlað að meiri lækkunum á hluta-
bréfaverði og hærra áhættuálagi á
tímum COVID-19, að því er grein-
endur Landsbankans segja.
Frá því í febrúar hefur hlutabréfa-
verð Reita fallið um 37 prósent, Reg-
ins um 27 prósent og Eikar lækkað
um níu prósent.
Þeir telja að hluthafar og skulda-
bréfaeigendur myndu njóta góðs af
hærra eiginfjárhlutfalli hjá fyrir-
tækjunum. Eiginfjárhlutfall fast-
eignafélaga á hinum Norðurlönd-
unum er að meðaltali um 45 prósent
en hlutfallið er 30-31 prósent hjá
Reitum, Regin og Eik. Þetta kemur
fram í ítarlegri greiningu sem Mark-
aðurinn hefur undir höndum.
Reitir blésu í dag til hlutafjárút-
boðs, sem lýkur á morgun, til að
safna rúmlega fimm milljörðum
króna. Nýta á fjármunina til að
styrkja eiginfjárstöðuna og hafa
burði til að fjárfesta í fasteignum.
Greinendur Landsbankans telja
að stjórnendur Reita ættu ekki að
nýta fjármunina til fjárfestinga
heldur til að stíga skref í átt að því
að færa eiginfjárstöðuna nær því
sem tíðkast á Norðurlöndunum.
Ef fjármunirnir yrðu nýttir til að
greiða niður vaxtaberandi skuldir
myndi skuldahlutfallið lækka úr 63
prósentum í 59 prósent. Hlutfallið
er að meðaltali 44 prósent hjá sam-
bærilegum fyrirtækjum á hinum
Norðurlöndunum.
Fjármögnunarkostnaður fast-
eignafélaganna hefur ekki lækkað
í takt við lægri ávöxtunarkröfu á
ríkisskuldabréfum á skuldabréfa-
markaði. Hlutabréfaverð fasteigna-
félaganna er næmt fyrir þróun á
vaxtakostnaði. Ef vaxtakostnaður
myndi lækka um 70 punkta gæti
það leitt til þess að virði þeirra auk-
ist um 15-20 prósent, að því gefnu að
aðrar forsendur standi óhreyfðar,
segir í verðmatinu.
Mesta kauptækifærið er í Reitum,
að mati greinenda Landsbankans.
Þeir verðmeta fasteignafélagið á
64,7 krónur á hlut sem er 35 pró-
sent hærra en markaðsvirðið var
við lok markaða í gær. Verðmat
hinna tveggja fasteignafélaganna
var 17 prósentum yfir markaðs-
verði. Landsbankinn verðmat Eik
á genginu 8,9 og Regin á 19 krónur
á hlut. Greinendur hafa þó á orði
að til skamms tíma sé ólíklegt að
jákvæðra tíðinda sé að vænta sem
styðja muni við hærra gengi, nema
að sjálfsögðu góðar fregnir af bólu-
efni gegn COVID-19.
Í ljósi aukins framboðs á atvinnu-
húsnæði, hvort sem litið sé til skrif-
stofuhúsnæðis eða hótela, og fall-
andi eftirspurnar, megi gera ráð
fyrir að því að leiguverð haldi áfram
að lækka á næsta ári. Það gæti leitt
til þess að bókfært verð fasteigna
lækki. Landsbankinn telur ólíklegt
að lækkanirnar verði miklar.
Athygli vekur markaðsverð fast-
eignafélaganna er mun lægra en
bókfært virði eiginfjár (e. price to
book). Hlutfallið er lítillega hærra
en 0,5. Greinendur Landsbankans
segja að í ljósi þess að fasteignirnar
séu bókfærðar á markaðsvirði sé
djúp gjá á milli væntinga hluta-
bréfamarkaðarins um framtíð
atvinnuhúsnæðismarkaðarins og
stjórnenda fyrirtækjanna. – hvj
Fasteignafélögin styrki
eiginfjárhlutfall
Róbert Wessman, stofnandi og stjórnarformaður Alvotech. MYND/AÐSEND
1,4
milljarðar dala er áætlað
markaðsvirði Alvotech í dag.
2 1 . O K T Ó B E R 2 0 2 0 M I Ð V I K U D A G U R2 MARKAÐURINN