Fréttablaðið - 21.10.2020, Qupperneq 26

Útgefandi: Torg ehf Veffang: frettabladid.isÁbyrgðarmaður: Björn Víglundsson Sölumaður auglýsinga: Arnar Magnússon, arnarm@frettabladid.is, s. 550 5652,
Alexander G.
Edvardsson,
framkvæmda-
stjóri Hring-
rásar, segir
að áherslur
fyrirtækisins
hafi lítið breyst
við eigenda-
skiptin í byrjun
árs, en að unnið
sé að því að
auka flokkun
og vinna meira
það hráefni
sem berst til
fyrirtækisins og
ná þannig meiri
verðmætum úr
því.
„Fyrirtækið Hringrás á sér
áratugalanga sögu í söfnun og
útflutningi á brotajárni og alls
konar málmum, en við tókum við
rekstri þess um síðustu áramót,“
segir Alexander G. Edvardsson,
framkvæmdastjóri Hringrásar.
Alexander var starfsmaður og
meðeigandi hjá KPMG í samtals
40 ár og sinnti þar endurskoðun
fyrir fjölda stórfyrirtækja áður,
en starfar nú fyrir fjölskyldufyrir-
tækið.
„Nýr eigandi Hringrásar er
Hóps nes í Grindavík, sem hefur
rekið HP gáma í fjöldamörg ár.
Þessi kaup áttu að tengja saman
reksturinn á þessum tveimur
fyrirtækjum og það hefur gengið
vonum framar að samþætta
rekstur þeirra,“ segir Alexander.
„Við endurvinnum ekkert sjálf,
heldur erum við milliliðir, en við
segjum stundum að við séum
sérfræðingar í að láta hluti hverfa,
sem kemur sér sannarlega vel í
þessum rekstri.
Áherslurnar hafa ekki breyst
mikið eftir að við tókum við,
en við erum að vinna að því að
auka flokkun og vinna meira það
hráefni sem berst til okkar og ná
þannig meiri verðmætum úr því,“
segir Alexander.
Endurvinnsla í stað urðunar
„Við höfum lagt áherslu á mót-
töku bíla, en félagið tekur við
miklu magni af bílum til förgunar.
Hringrás er eina fyrirtækið sem
býður upp á afskráningu á bílum á
netinu, en það er hægt að gera það
á vefnum okkar og fá skilagjaldið,
sem er 20 þúsund krónur, lagt inn
á sig frá Samgöngustofu. Það vita
þetta ekki allir og sumir halda að
þeir þurfi að borga til að losna við
gamla og ónýta bíla,“ segir Alex-
ander. „Við höfum verið að afskrá
um 2-300 bíla á mánuði og tökum
líka við bílum frá öðrum aðilum,
þannig að í heild tökum við á móti
um 5-600 bílflökum á mánuði.
Flestir bílarnir sem koma til
okkar hafa hjólbarða og að auki
leggjum við áherslu á að kaupa
ónýta hjólbarða af hjólbarðaverk-
stæðum. Hjólbarðarnir eru bagg-
aðir hjá okkur og fluttir úr landi til
endurvinnslu,“ útskýrir Alexander.
„Þetta er gríðarlegt magn, en á
þessu ári munum við flytja út um
4.000 tonn af hjólbörðum. Áður
voru þessir hjólbarðar tættir niður
og settir ofan í jörðina hér í Álfsnesi,
en nú taka viðurkenndir aðilar við
þeim og endurvinna þá. Við teljum
mjög mikilvægt að nýta þetta efni
betur og losna við urðun þess.“
Geta látið ýmislegt hverfa
„Við tökum líka við miklu magni af
brotajárni, flokkum það og vinnum
til útflutnings, en við flytjum út um
það bil 35-40 þúsund tonn af brota-
járni á þessu ári,“ segir Alexander.
„Fólk gerir sér ekki grein fyrir því
hversu mikið magn fer í gegn hjá
okkur, en þetta fer allt til endur-
vinnslu úti í heimi, þannig að við
erum að losa landið við gríðarlega
mikið af úrgangi. Það skiptir miklu
fyrir umhverfið að þetta sé endur-
nýtt en endi ekki sem úrgangur á
sorphaugum eða á víð og dreif um
landið.
Við höfum verið í samstarfi við
sveitarfélög og einkaaðila úti á
landi til að taka við brotajárni og
ætlum í frekara hreinsunarátak í
samstarfi við þau. Þannig höfum
við til dæmis flutt um 1.000 tonn
af brotajárni frá Vestmannaeyjum
í haust og í þessari viku erum við
að hefja samstarf við sveitarfélag
á Suðausturlandi til að losa þaðan
brotajárn og dekk sem hafa safnast
upp,“ segir Alexander. „Á þessu
ári höfum við látið rússneskan
togara sem hafði verið til vandræða
í Njarðvíkurhöfn og krana sem
hafði verið í höfninni í Straumsvík í
meira en hálfa öld, hverfa. Kraninn
var yfir 400 tonn og það komu um
1.300 tonn af brotajárni úr skipinu.
Við eigum færanlega brotajárns-
pressu, en hún er 50 tonna skrímsli
sem við notum til að pressa brota-
járn úti á landi þar sem verulegt
magn er af því. Þannig getum við
pakkað málminum saman og
minnkað rúmmál hans, sem eykur
hagkvæmni við flutning þess,“ segir
Alexander. „Við erum líka með
sérfræðinga í að taka niður og fjar-
lægja stóra hluti, hvort sem það eru
byggingar eða önnur mannvirki.
Við leggjum mikla áherslu á að
ganga vel frá og skilja vel við svæði
þar sem við vinnum.“
„Þar sem félagið tekur við miklu
magni af bílum, flytjum við einn-
ig út umtalsvert magn rafgeyma
úr bílum og lyfturum. Það fara
hundruð tonna af rafgeymum úr
landi í gegnum okkur á ári,“ segir
Alexander.
Raftæki í stríðum straumum
„Við erum líka með samning við
Sorpu og tökum á móti raftækjum
úr söfnunargámum þeirra. Þetta
eru mestmegnis hlutir sem borgar
sig ekki að gera við og við flokkum
og flytjum þessa hluti úr landi til
endurvinnslu,“ segir Alexander.
„Þetta eru um 3.000 tonn á ári, sem
er gríðarlegt magn og við segjum
stundum að þetta sé eins og fljót,
þar sem hér virðist um endalausan
straum að ræða.“
Kaupa efni fyrir milljónir í
hverri einustu viku
„Þeir sem ætla að rífa byggingar,
skipta um járn á þökum, farga
ónýtum tækjum eða annað slíkt
geta haft samband og við útvegum
gáma eða ílát fyrir efni sem við
kaupum,“ segir Alexander. „Við
kaupum brotajárn, hjólbarða og
góðmálma af einstaklingum og
fyrirtækjum. Aðilar sem koma
með efni fá það greitt næsta föstu-
dag og við greiðum milljónir króna
í hverri viku fyrir innlagt efni.“
Hringrás tekur við miklu magni af brotajárni, flokkar það og vinnur til
útflutnings. Fyrirtækið flytur út um 35-40 þúsund tonn af brotajárni á
þessu ári og það skiptir miklu fyrir umhverfið að þetta sé endurnýtt.
Í heild tekur Hringrás við um 5-600 bílflökum á mánuði. Hjólbörðum af
þeim og ónýtum hjólbörðum frá hjólbarðaverkstæðum er safnað saman
og þeir fluttir út til endurvinnslu. FRÉTTABLAÐIÐ/ANTON BRINK
Hringrás hefur verið í samstarfi við sveitarfélög og einkaaðila úti á landi til að taka við brotajárni og ætlar í frek-
ara hreinsunarátak í samstarfi við þau. Fyrirtækið flutti til dæmis um 1.000 tonn af brotajárni frá Vestmanna-
eyjum í haust og er að hefja samstarf við sveitarfélag á Suðausturlandi um að losa þaðan brotajárn og dekk.
Framhald af forsíðu ➛
2 KYNNINGARBLAÐ 2 1 . O K TÓ B E R 2 0 2 0 M I ÐV I KU DAG U RENDURVINNSLA