Fréttablaðið - 21.10.2020, Page 28

Markmiðið var 1.000 gler-augu fyrir fimm árum en er nú komið upp í ca.
18.000 gleraugu,“ segir Sæmundur
Jóhannsson flugvirki. Að verk-
efninu koma ótal aðilar og má þar
nefna Móðurást, Sjónlag, Proop-
tik, f lugfélögin Air Atlanta og
Bluebird ásamt fjölda flugvirkja.
Fullkomin fjáröflun
Verkefnið hófst fyrir hálfgerða
tilviljun þegar Sæmundur var
staddur í Kongó. „Ég var í tvö ár
að vinna á flugvellinum, kynntist
þá þessu hæli og sá hvað það var
úr litlu að moða þarna, þannig að
maður byrjaði á því að fara með
aðallega barnaföt. Vinur minn
sem er 85 ára gamall gaf mér svo
poka af gleraugum, fannst það hálf
asnaleg hugmynd fyrst en fór út
með tuttugu gleraugu.“
Viðbrögðin létu ekki á sér
standa. „Nunnurnar voru svaka-
lega glaðar. Ein fékk sjónina aftur
og byrjaði bara að góla! Hún hafði
séð illa í mörg ár en gleraugun frá
vini mínum pössuðu akkúrat. Þá
fattaði ég hvað gleraugu eru mikil-
væg, það er gríðarlega mikil fátækt
þarna og þú kaupir ekkert gleraugu
ef þú ert fátækur. Ég sá því tækifæri
til að safna gleraugum heima og
nunnurnar koma þeim í verð.“
Nunnurnar gefa þeim allra
fátækustu gleraugu og þess er gætt
að fólk fái réttan styrkleika. „Gler-
augun koma í kössum frá Íslandi
og eru styrkleikamæld. Það er séð
til þess að fólk fái réttu gleraugun.“
Fyrirkomulagið hefur reynst afar
árangursríkt. „Þetta er besta fjár-
öflun sem til er, tekur lítið pláss,
þarf ekki að biðja um peninga og
þetta er álitið „rusl“ heima, þannig
að allir vinna. Einn bananakassi
fullur af gleraugum eru cirka 500
gleraugu og nunnurnar fá svona
5 evrur fyrir hver gleraugu og svo
fer allur ágóði í rekstur á munaðar-
leysingjahælinu,“ skýrir Sæmund-
ur frá, en bananakassana fær hann
frá Krónunni.
Hver evra dýrmæt
Hver einasta evra er kærkomin þar
sem börnin búa við sára fátækt.
„Það búa 68 krakkar þarna og bara
maturinn kostar sitt. Krakkarnir
þarna eru í mjög mismunandi ásig-
komulagi og koma flest af götunni.
Þau eru samt þau heppnu, þar sem
þau eru með húsaskjól og mat.
Margir af krökkunum eru að glíma
við alls konar vandamál, það þarf
að kaupa lyf, sumir þurfa að fara á
spítala og sumir hreinlega deyja en
það kostar líka,“ segir Sæmundur
og bætir við að allavega fimm börn
á heimilinu séu smituð af eyðni.
Þá á Sæmundur vart orð til þess
að lýsa aðdáun sinni á nunnunni
og lækninum Brigitte Yengo sem
stýrir heimilinu. „Ég hef séð hana
bjarga mörgum lífum. Hún er
alveg ótrúleg.“
Óhætt er að fullyrða að saga
Yengo sé stórmerkileg. Hún fædd-
ist í Kongó en ólst upp í Frakklandi
þar sem hún lærði sálfræði og
náði tökum á fimm tungumálum.
Hún flutti svo aftur til Kongó
sem nunna og var send til Banda-
ríkjanna í kíró praktorsnám. Eftir
að hún sneri aftur til heimalands-
ins árið 1987 opnaði hún stofu og
var um skeið eini kírópraktorinn
í Kongó. Hún áttaði f ljótlega sig á
því hversu alvarleg og margþætt
vandamál fólksins sem hún sem
sinnti voru og ákvað hún því að
fara í læknisfræði. Árið 1997 brut-
ust svo út átök í landinu sem urðu
að einni skæðustu borgarastyrjöld
síðustu aldar. Yengo sem vann sem
sjálf boðaliði á vígvellinum upp-
götvaði þá köllun sína innan um
börn sem misst höfðu foreldra sína
og út frá því var munaðarleysingja-
hælið sett á laggirnar.
Hún náði þó ekki að taka þátt
í starfinu fyrst um sinn en eftir
að skotið var á hana við sjálf-
boðastörf í stríðinu var hún send
til Bandaríkjanna, þar sem hún
vann meðal annars með börnum
einstæðra kvenfanga og síðar með
þolendum heimilisof beldis. Hún
sneri svo aftur til Kongó árið 2004.
Ekki hægt án hjálpar
Sæmundur segir að verkefnið
hefði aldrei orðið að veruleika án
aðkomu aðila úr ýmsum áttum
sem lagst hafa á eitt. „Guðrún
Jónasdóttir í versluninni Móðurást
tekur á móti f lestum gleraugum
og barnafötum. Ég eða konan
förum svo reglulega til Guðrúnar,
sækjum kassa sem við geymum
í bílskúrnum í nokkrar vikur og
svo keyri ég kassana til Keflavíkur.
Þetta er orðið mjög „streamlined“
hjá okkur,“ segir hann.
„Svo hef ég samið við Bluebird
Airlines sem sér um að koma
kössunum til Belgíu og þaðan
taka flugvirkjar Air Atlanta við
kössunum og flytja þá til Brazza-
ville í Kongó. Þannig að það koma
margir að þessu, ég er bara einn
hluti af þessu, eitt brot í keðjunni.
Ég get safnað endalaust en það
eru Atlanta og Bluebird sem halda
þessu uppi. Þessi tvö félög skipta
öllu máli og velvilji frá fólki sem
maður þekkir.“
Upplýsingar um verkefnið eru á
Facebook undir „Söfnun á not-
uðum gleraugum fyrir efnalítið
fólk í Brazzaville Congo“ og hægt er
að skila inn fötum og gleraugum í
Móðurást á Laugavegi 178.
Ein nunnan fékk sjónina á ný
Síðastliðin fimm ár hafa um það bil 18.000 gleraugu verið send frá Íslandi til munaðarleys-
ingjahælis í Brazzaville í Kongó. Þar selja nunnur gleraugun og ágóðinn fer í reksturinn.
Nunnunar Angelge og Brigette Yango sem reka munaðarleysingjahælið þakka fyrir sig ásamt hópi barna sem þar dvelur. MYND/AÐSEND
Margir af krökk-
unum eru að glíma
við alls konar vandamál,
það þarf að kaupa lyf,
sumir þurfa að fara á
spítala og sumir hrein-
lega deyja en það kostar
líka.
Sæmundur
Jóhannsson
Hjördís Erna
Þorgeirsdóttir
hjordiserna@frettabladid.is
ÞAÐ TEKUR AÐEINS UM 30 SEK.
AÐ SKIPTA UM POKA
Paxxo Longopac flokkunarkerfið er byltingarkennd lausn
í sjálfbærri flokkun. Paxxo er sænskur framleiðandi
í fremstu röð á sínu sviði í heiminum.
Rekstrarland | Vatnagörðum 10 | 104 Reykjavík | Söluver 515 1100 | rekstrarland.is
COMMERZ
H: 100 cm
B: 107,5 cm
D: 44 cm
MINI BULLET
H: 86 cm
B: 38 cm
D: 20 cm
LONGOSTAND MINI
H: 100 cm
B: 107,5 cm
D: 44 cm
VERÐ
188.900 KR.
VERÐ
39.890 KR.
VERÐ
12.890 KR.
SJÁLFBÆR FLOKKUN
SORPS ER KRAFA
OPIÐ ALLA
VIRKA DAGA
KL. 8–17
4 KYNNINGARBLAÐ 2 1 . O K TÓ B E R 2 0 2 0 M I ÐV I KU DAG U RENDURVINNSLA