Fréttablaðið - 14.11.2020, Blaðsíða 6

Samgöngustofa auglýsir laus til umsókna
15 leyfi til leiguaksturs fólksbifreiða á
höfuðborgarsvæðinu og Suðurnesjum,
3 leyfi á Akureyri og 1 leyfi í Árborg.
Þau ein geta sótt um leyfi sem hyggjast stunda
akstur leigubifreiðar að aðalatvinnu og hafa lokið
námskeiði fyrir leigubifreiðastjóra. Til að öðlast
leyfi þurfa umsækjendur að uppfylla leyfisskilyrði,
skv. 5. gr. laga nr. 134/2001 og rg.nr. 397/2003 um
leigubifreiðar, með síðari breytingum.
Úthlutun leyfis fer fram á grundvelli starfsreynslu
við akstur leigubifreiðar, sbr. 6. gr. reglugerðarinnar.
Umsóknareyðublöð má nálgast á heimasíðu
Samgöngustofu, www.samgongustofa.is.
Umsóknarfrestur er til og með 20. nóvember nk.
Sími: 480 6000 . www.samgongustofa.is
AUGLÝSING
VEGNA ÚTHLUTUNAR
ATVINNULEYFA
TIL AKSTURS
LEIGUBIFREIÐA
Samgöngustofa
SKÓLAMÁL Alls voru 133 börn með
leyfi frá skóla frá foreldrum og 53
leikskólabörn þann 9. nóvember,
samkvæmt tölum sem Skóla- og frí-
stundasvið Reykjavíkur birti. Hæst
fór talan 12. október, þegar 287
börn úr grunnskólum fengu leyfi frá
skólastarfi frá foreldrum, en sama
dag voru 93 börn með leyfi frá for-
eldrum úr leikskólum borgarinnar.
Teknar voru saman upplýsingar
varðandi COVID-19 hjá öllum
starfsstöðvum sviðsins einu sinni
til tvisvar í viku í bylgju tvö og þrjú.
Þar kemur fram að 159 börn í leik-
og grunnskólum borgarinnar hafi
fengið COVID, en af þeim hefur 117
batnað og 42 voru með virkt smit í
byrjun vikunnar.
Hrefna Sigurjónsdóttir, fram-
kvæmdastjóri Heimila og skóla,
segir að það sé erfitt að gera sér
grein fyrir hvort þetta séu margir
nemendur eða fáir, sem hafi fengið
leyfi. Það geti verið fjölbreyttar
aðstæður og ástæður.
„Börnin geta líka verið í áhættu-
hópi. Ég held að þegar barn fær leyfi
þá þurfi að rökstyðja það af hverju
barnið á að vera heima. Þegar börn
eru heima, þá er þeim samt fylgt
eftir víðast hvar. Kennararnir
hringja og fylgja eftir náminu og
athuga með nemendur.“
Hún bendir á að þegar rannsókn
Velferðarvaktarinnar um skólaforð-
un var birt skömmu fyrir COVID,
kom í ljós að um 2.000 grunnskóla-
börn glíma við skólaforðun og
mæta lítið í skólann. Meðal helstu
ástæðna skólaforðunar eru and-
leg vanlíðan nemenda og erfiðar
aðstæður heima fyrir.
„Það var áhugavert, allavega
þegar COVID skall á fyrst, þá virt-
ust mörg börn sem voru að glíma
við skólaforðun pluma sig betur
– í meira fjarnámi, og höfðu meiri
sveigjanleika með mætingu. Það
er eitthvað sem þarf að rannsaka.
Það hefur ekki bara verið að gerast
hér á Íslandi heldur líka í öðrum
löndum,“ segir Hrefna.
Hún bætir við að þegar öllu er
snúið á hvolf komi margt í ljós enda
nemendur fjölbreyttur hópur. „Fjöl-
breyttari kennsluhættir virðast
henta ákveðnum hópi jafnvel betur.
Þessi reynsla getur nýst seinna meir,
að hafa fjölbreytileikann, þegar um
er að ræða sérstakar aðstæður.“
Á fundi skóla- og frístundaráðs
í vikunni var einnig lagt fram svar
við fyrirspurn Sjálfstæðisf lokks-
ins um aðgerðaplan borgarinnar í
COVID, um kennslu og nám. Í við-
bragðsáætluninni kemur meðal
annars fram hvernig skólarnir
skuli kortleggja stöðu hvers nem-
anda, meðal annars út frá aðgengi
að tækjum og búnaði, aðstöðu á
heimili og hvers konar stuðning
barnið þurfi. Þá er þess sérstaklega
getið að haft sé samband við hvert
barn daglega, sem er heima vegna
COVID-aðgerða.
Sérstaklega skal hugað að nem-
endum í viðkvæmri stöðu, svo sem
nemendum með kvíða, nemendum
í neyslu og nemendum með annað
móðurmál en íslensku. benedikt-
boas@frettabladid.is
Hundruð barna fengu leyfi frá skóla
Foreldrar fengu leyfi fyrir 287 börn úr námi í grunnskólum Reykjavíkur þegar þriðja bylgja COVID-19 skall á. Um 2.000 börn glíma
við skólaforðun og þau virðast standa sig betur með meiri sveigjanleika í mætingu. Slík hefur einnig verið raunin úti í heimi.
Skóla- og frístundaráð Reykjavíkur tók saman upplýsingar um stöðu útbreiðslu COVID-19 innan starfsemi skóla-
og frístundasviðs og þróun útbreiðslunnar í bylgju 2 og 3. FRÉTTABLAÐIÐ/ANTON BRINK
Af gátlista Reykjavíkurborgar vegna náms sem stutt er af neti
1. Tryggja skal að haft sé sam-
band við hvern einasta
nemanda á hverjum virkum
degi í fjarveru hans frá skóla.
Það er hægt að gera með því að
nota t.d. skólalausnir Google
(s.s. Google Meet og Google
Classroom) eða með símtali,
eftir aðstæðum.
2. Gæta þarf sérstaklega að að-
stoð við þá nemendur sem
gætu þurft námslegan og
félagslegan stuðning. Hægt er
að leita til miðlægrar stoð-
þjónustu s.s. brúarsmiða Miðju,
Máls og læsis, kennsluráðgjafa
á þjónustumiðstöðvum og sér-
kennslufulltrúa á fagskrifstofu
SFS.
3. Ef kemur til lokunar skóla vegna
smits eða sóttkvíar og nauð-
synlegt reynist að flytja nám og
samskipti yfir á net eða í annað
form þarf að skipuleggja námið
út frá aðstæðum hverju sinni.
Sveigjanlegt nám með stuðning
af neti snýst ekki um að yfir-
færa hefðbundna skólaum-
hverfið inn í rafrænt umhverfi.
4. Í sveigjanlegu námi studdu af
neti skal halda eins mikið og
mögulegt er í hæfniviðmið sem
lögð hafa verið til grundvallar í
kennsluáætlunum skólaársins.
Verði breytingar á þeim skal
upplýsa bæði nemendur og for-
ráðamenn um það.
5. Gera þarf áætlun um hvernig
haga skal námsmati með tilliti
til sveigjanlegs náms. Mikil-
vægt er að sýna skilning við
verkefnavinnu og taka tillit til
mismunandi aðstæðna barna
þegar kemur að námslegum
stuðningi heima fyrir.
6. Huga þarf að fjölbreyttum
kennsluháttum og leggja
áherslu á skapandi verkefni
sem geta aukið gleði nemenda
og gert nám fjarri skólanum
eins gefandi og innihaldsríkt
og mögulegt er. Mikilvægt er
að hafa áherslur menntastefn-
unnar að leiðarljósi þar sem
fagmennska og samstarf setja
barnið sem virkan þátttakanda
í öndvegi.
Það var áhugavert,
allavega þegar
COVID skall á fyrst, þá
virtust mörg börn sem voru
að glíma við skólaforðun
pluma sig betur – í meira
fjarnámi, og hafa meiri
sveigjanleika
með mætingu.
Hrefna Sigurjóns-
dóttir
GARÐABÆR Í nýjustu fundargerð
umhverf isnefndar Garðabæjar
lýsir fulltrúi Garðabæjarlistans
yf ir ánægju með starfsskýrslu
skógræktarfélags bæjarfélagsins,
þar sem tillögur um að GKG verði
úthlutað landsvæði við Smalaholt
er gagnrýnd. Samkvæmt skýrsl-
unni er til skoðunar að leggja níu
holu golfvöll sem myndi ná allt að
fimmtán hektara inn á svæðið í
Smalaholti, þar sem skógræktarfé-
lagið hefur lagt skóg.
Ag nar Már Jónsson, f ram-
kvæmdastjóri GKG, kannaðist við
þessa umræðu þegar Fréttablaðið
ræddi við hann. Hann segir að
þetta sé tillaga frá bænum um að
nýta undir framkvæmdir land-
svæði þar sem nú er níu holu golf-
völlur GKG, Mýrin. Það eina sem
klúbburinn hafi farið fram á sé að
hann standi jafn vel og fyrir breyt-
ingar.
„Það er engin niðurstaða komin
en við viljum auðvitað finna ein-
hverja farsæla lausn. Margir mis-
skilja það að þetta sé til stækkunar
á okkar svæði á kostnað skógrækt-
arinnar. Ef af þessu yrði myndum
við vilja vinna þetta í samstarfi við
alla hagsmunaaðila, til að skapa
fallegt útivistarsvæði fyrir alla.
Klúbburinn hefur sjálfur sinnt
skógrækt af milli elju og plantað
tug þúsunda trjáa á svæðinu.“
Fréttablaðið fjallaði um það fyrir
tæpu ári þegar Skógræktarfélag
Garðabæjar lýsti yfir mótmælum
við tillögur um breytingar á Vífils-
staðalandi. Átti meðal annars að
nýta reit þar sem grunnskólabörn í
Garðabæ hafa gróðursett í áratugi.
Bæjarfélagið fékk landið frá ríkinu
og Ríkisspítölum fyrir 30 árum til
skógræktunar.
Í ályktun Garðabæjarlistans er
tekið undir óánægju stjórnar skóg-
ræktarfélagsins með að skipuleggja
golfvöll inn í skóginn, enda sé þetta
elsti og gróskumesti skógur svæðis-
ins. Hann sé ómetanlegt útivistar-
svæði með gönguleiðum sem henta
í hvaða veðráttu sem er. Þá er því
bætt við að það að skógurinn eigi
að víkja fyrir golfvelli samkvæmt
nýju skipulagi, sé sorgleg þróun,
það þurfi líka pláss fyrir göngufólk
og þá sem stundi ekki golf.
Þá er því bætt við að vonast sé til
þess að ákvörðunin verði endur-
skoðuð. Bæjaryf irvöld ættu að
gera gróðurmat á svæðinu til að
átta sig á kostnaði. Á tímum lofts-
lagsbreytinga þegar leitað er leiða
til að minnka áhrif gróðurhúsaloft-
tegunda sé í áformum bæjarins að
höggva niður skóg. – kpt
Garðabæjarlistinn ekki tilbúinn til að
fórna Smalaholti undir nýjan golfvöll
Yfirlitsmynd af vallarsvæði Golfklúbbs Garðabæjar. MYND/ AF VEF GKG
Það er engin niður-
staða komin en við
viljum auðvita finna ein-
hverja farsæla lausn.
Agnar Már Jónsson
1 4 . N Ó V E M B E R 2 0 2 0 L A U G A R D A G U R6 F R É T T I R ∙ F R É T T A B L A Ð I Ð