Rit Búvísindadeildar - 01.07.1992, Síða 9

Magnús B. Jónsson
Hagþjónustu landbúnaðarins
Hvanneyri
311 Borgarnes
Störf Guðmundar Jónssonar
fyrir íslenskan landbúnað
Inngangnr
Þann 2. mars s.l. varð Guðmundur Jónsson fyrrum skólastjóri á Hvanneyri
níræður. Guðmundur er fæddur húnvetningur og var bernskuheimili hans að
Torfalæk á Ásum en þar bjuggu foreldrar hans, þau Jón Guðmundsson og Ingi-
björg Bjömsdóttir miklu myndar- og rausnarbúi. Guðmundur nam ungur við
Hólaskóla og lauk þaðan búffæðiprófi aðeinsl9 ára gamall, sem fátítt var á þeirri
tíð.
Námsferill hans var glæsilegur á Hólum og það hvatti til frekari átaka á
sviði búfræðinnar. Frá Hólum hélt Guðmundur því til Danmerkur og lauk kandí-
datsprófí frá Búnaðarháskólanum í Kaupmannahöfn árið 1925. Allt frá því að
Guðmundur kom heim frá háskólanámi í Danmörku 1925 og fram undir þennan
dag hefur hann haft mörg jám í eldinum og verið virkur á ótrúlegustu sviðum.
Það verkefni að gera í stuttu máli grein fyrir helstu atriðum í starfssögu
Guðmundar Jónssonar frá Hvanneyri er hvorki einfalt né auðvelt, svo víðfemt sem
starfssviðið hefur verið og afköst hans mikil. Ég hef valið þann kost að fjalla
um starf og viðfangsefhi Guðmundar í tímaröð þó mér sé ljóst að hver önnur
skipan er jafngild. Ástæða þess að ég hef valið þetta verklag er að sum störf
Guðmundar og þá einkum ritstörf og önnur fræðastörf vann hann nánast ein-
göngu jafnhliða öðmm verkefnum og er því erfitt að fjalla um þau verkefni nema
í tengslum við önnur verkefni.
Það má segja að starfssaga Guðmundar Jónssonar greinist í fjóra megin-
kafla. Hinn fyrsti er þeirra stystur og spannar árin frá heimkomunni og til þess
tíma er hann ræðst kennari að Hvanneyri vorið 1928. Næsti kafli er svo árin sem
Guðmundur er kennari á Hvanneyri og jafnframt þátttakandi í uppbyggingu á
sviði búreikninga og ýmisskonar fræðastarfi. Þá tekur við sá kafli sem spannar
skólastjóratíð Guðmundar við Bændaskólann á Hvanneyri og varði í 25 ár. Að
lokum em svo árin eftir að hefðbundnum starfsdegi lýkur þar sem Guðmundur
tekur upp fræðaþráðinn frá fyrri tíð.
3