Rit Búvísindadeildar - 01.07.1992, Síða 106

Þarna kemur í ljós, að ef uppskera úr reitunum sem fengu enga umferð er
sett sem 100, þá eru meöaltöl á öllum tilraunastöðvunum í reitunum þar sem
troðið var árlega með minni uppskeru. Uppskera af troðnu reitunum er frá 75%
og upp í tæplega 97% af umferðarlausu reitunum. Þó að óvíst sé hversu
raunhæfar svona tilraunir eru ætti samt að vera um ákveðna vísbendingu að ræða,
sérstaklega ef haft er í huga að síðan tilraunimar voru gerðar hafa sífellt komið
stærri og þyngri vélar í notkun og eins er í tilraununum tæplega um eins mikla
þjöppun að ræða eins og víða er orðið í reynd.
Það sem eykur óvissuna á raunhæfni þessarar tilrauna er að á sumum
tilraunastöðvanna og í sumum árum var jarðvegur þurr þegar troðið var og áhrif
umferðarinnar því væntanlega minni en ella. Þá var stundum komin dálítil spretta
þegar troðið var og skemmdi þá umferðin gróður án þess að unnt væri að meta
áhrif þeirra skemmda. Þá er athyglisvert að sjá þá breytingu sem verður í
tilrauninni á Sámsstöðum á þeim þrem árum eftir að hætt er að troða, þó að e.t.v.
sé vafasamt að draga of víðtækar ályktanir af aðeins þriggja ára tímabili á einum
stað.
Tilraunir með loflun jarðvegs.
Erlendis hafa verið reyndar ýmsar aðferðir við að losa þéttan jarðveg og fá
þannig meiri lofun. Hér verður ekki farið út í að lýsa slíkum aðferðum né
áhrifum af þeim aðeins minnst á tilraun 669-87 á Skriðuklaustri með loftun og
kölkun túna. Tilraunin var framkvæmd á mýrartúni í Rauðholti. Sumarið 1987
var tilraunalandið loftað með þar til gerðum plóg af ítalskri gerð (Pegoraro).
Plógdýpt var 45-50 cm og fjarlægð á milli plógfara 40 cm. Jafnframt voru reyndir
vaxandi skammtar af kalki.
í örstuttu máli má segja að þarna komi fram örlítill uppskeruauki í loftuðu
ókölkuðu reitunum fyrstu tvö árin, en enginn það þriðja. Vaxandi skammtar af
kalki virðast gefa uppskeruauka bæði á óhreyfðu og loftuðu reitunum og jafnvel
heldur meiri uppskeru á óhreyfðu reitunum.
Þá má geta þess að í tilraun (mýrartún) á Hvanneyri með að fella niður
mykju, kom fram uppskeruauki fyrstu árin á þeim reitum þar sem tækið var keyrt
í gegn um jarðveginn, þó að engin mykja væri felld þar niður og mátti þar
greinilega sjá jákvæð áhrif loftunar með niðurfellingatækinu.
100