Fréttablaðið - 19.12.2020, Blaðsíða 6

Markþjálfun er
hundrað prósent
byggð á akademískum
grunni.
Ingvar Jónsson
Um árabil hafa strand-
ríki Norður-Atlantshafs
deilt um aflaheimildir á síld.
Tillaga að breytingu á
deiliskipulagi Stóra króks
Eyja-og Miklaholtshreppi
Hreppsnefnd Eyja-og Miklaholtshrepps samþykkti á fundi sínum
3. desember 2020 að auglýsa breytingu á deiliskipulagi í landi Stóra
Króks, samkvæmt 1. mgr. 43. gr. skipulagslaga nr. 123/2010.
Breytingin felur aðallega í sér breytingar á byggingaskilmálum.
Tillagan liggur frammi á skrifstofu sveitarfélagsins að Hofsstöðum,
342 Stykkishólmi og á heimasíðu Eyja-og Miklaholtshrepps
www.eyjaogmikla.is
Athugasemdir eða ábendingar skulu vera skriflegar og berast skipu-
lagsfulltrúa í síðasta lagi 29. janúar 2021 annaðhvort á Hjallatanga 34,
340 Stykkishólmi eða á netfangið: bygg@eyjaogmikla.is
Ragnar Már Ragnarsson
Skipulagsfulltrúi Eyja-og Miklaholtshrepps
Eyja og Miklaholtshrepps
DÓMSMÁL Lands réttur sýknaði
Borgar leik húsið og Kristínu Ey­
steins dótt u r leik hús st jóra af
kröfum Atla Rafns Sigurðs sonar,
leikara.
Með dómi sínum í gær sneri
Landsréttur við dómi Héraðsdóms
Reykjavíkur þar sem Atla Rafni
voru dæmdar 5,5 milljónir í bætur.
Atli Rafn stefndi Kristínu og leik­
húsinu vegna upp sagnar sinnar í
desember 2017.
Var honum sagt upp í kjöl far á­
sakana á hendur honum um kyn­
ferðis lega á reitni. Bóta krafa hans
var sam tals upp á þrettán milljónir,
tíu milljónir króna í skaða bætur og
þrjár milljónir í miska bætur.
Í stefnu Atla segir að hann hafi
verið boðaður á fund með Kristínu
Ey steins dóttur og Berg lindi Ólafs­
dóttur, fram kvæmda stjóra Borgar ­
leik hússins, þar sem honum hafi
verið af hent upp sagnar bréf. Hann
hafi á sama tíma verið upp lýstur
um á sakanirnar, en þær ekki frekar
skýrðar, hvers eðlis þær væru, frá
hve mörgum þær kæmu eða frá
hvaða tíma.
Í dómi Lands réttar segir að upp­
sögnin hafi rúmast innan þeirra
heimilda sem Borgar leik húsið og
Kristín höfðu sam kvæmt ráðning­
ar­ og kjara samningi. – mhj
Sýkna Borgarleikhúsið af kröfum Atla
Atli Rafn ásamt lögmanni í héraðsdómi.
FI S K VE I ÐAR Hugsanlegt er að
afurðaverð síldar og kolmunna
muni lækka á komandi árum
vegna þess að Marine Stewardship
Council (MSC) telur veiðar á stofn­
inum ekki lengur sjálf bærar. MSC
tilkynnti fyrir skömmu að norsk­
íslenski síldarstofninn muni missa
sjálf bærnivottun sína frá og með
næstu áramótum. Hið sama gildir
um kolmunna sem veiddur er í
Norður­Atlantshafi. Ástæða þess
að veiðar á kolmunna og síld eru
taldar ósjálf bærar er stöðug ofveiði
á undanförnum árum, en strandríki
Norður­Atlantshafs – Ísland, Fær­
eyjar, Noregur, Evrópusambandið,
Grænland og Bretland – hafa ekki
náð samkomulagi um skiptingu
aflaheimilda.
Áhrifin á tegundirnar tvær eru þó
með ólíkum hætti. Síld er að mestu
unnin til manneldis, á meðan kol­
munni er fyrst og fremst nýttur til
framleiðslu á fiskimjöli.
Þar sem norsk­íslenski síldar­
stofninn hefur ekki veiðst í verulegu
magni um langt skeið mun verð­
lækkun vegna afnáms sjálf bærni­
vottunar ekki hafa teljandi áhrif á
íslenska þjóðarbúið. Kolmunni er
hins vegar mikið til nýttur til fram­
leiðslu á fiskimjöli sem er síðan
notað til framleiðslu á fóðri fyrir
eldislax. Vöxtur í laxeldi hefur verið
mikill á fyrri árum og framleiðsla á
fiskimjöli úr kolmunna verið einkar
arðbær af þeim sökum. Hins vegar
þarf hráefni fóðurs til laxeldis að
vera MSC­vottað svo eldislaxinn
geti hlotið sama stimpil. Því er ein­
sýnt að eftirspurn þess kolmunna
sem íslenskar útgerðir koma með að
landi muni dragast nokkuð saman
af þessum sökum. – thg
Kolmunni og síldin að
missa sjálfbærnivottun
VIÐSKIPTI Undanfarin ár hafa ein­
kennst af miklum vexti hjá Profec­
tus ehf. Fyrirtækið sérhæfir sig í
markþjálfanámi auk þess sem í
boði eru fjölbreyttir fyrirlestrar
og námskeiðahald. Eigandi fyrir­
tækisins, Ingvar Jónsson, segist
ætla sér stóra hluti utan land­
steinanna þegar kórónaveirufar­
aldurinn er liðinn undir lok og að
skólinn ætli sér að verða einn af
tíu stærstu markþjálfunarskólum
heims innan þriggja ára. Mikil­
vægur liður í þeirri vegferð náðist
á dögunum þegar markþjálfanám
Profectus hlaut hæsta vottunarstig
hjá ICF – alþjóðlegum samtökum
markþjálfa.
Ingvar kynntist markþjálfun á
námsárum sínum í Kaupmanna­
höfn, rétt eftir hrun, þar sem hann
lagði stund á meistaranám í við­
skiptafræði við Copenhagen Bus­
iness School. Ingvar lauk náminu
en áhuginn sem kviknaði á mark­
þjálfuninni sat eftir. „Þetta átti
strax vel við mig. Ég hafði talsverða
kennslureynslu, meðal annars í
NTV sem faðir minn átti, sem að
nýttist mér vel,“ segir Ingvar. Hann
hafi því strax séð fyrir sér að miðla
þekkingu sinni til annarra sem
hefðu áhuga á að leggja fyrir sig
markþjálfun.
„Ég fer í gang með markþjálfunar­
kennslu um haustið 2016. Þá er ég
með einn sex manna hóp. Núna
er staðan þannig að starfsmenn
eru um tíu talsins og við erum
að útskrifa um sjö til tíu hópa á
ári, bæði í staðar­ og fjarnámi hér
heima og einnig erlendis,“ segir Ing­
var. Þegar kórónaveirufaraldurinn
hefur gengið niður segir Ingvar
að gengið verði frá samningum
við aðila í nokkrum löndum um
starfsemi undir merkjum Profect­
us. Fyrstu löndin sem lagt verður
til atlögu við eru Bretland, Írland,
Kanada og Suður­Afríka. En hvaða
erindi á íslenskur markþjálfunar­
skóli við umheiminn? Að sögn Ing­
vars er ástæðan fyrir því gríðarleg
vinna sem hefur verið lögð í að búa
til eigið námsefni og kennslukerfi.
„Við höfum fjárfest öllum hagnaði
af rekstri fyrirtækisins í vöruþróun
og þannig byggt upp kennslukerfi
sem að skapar okkur mikla sér­
stöðu,“ segir Ingvar. Hann segir að
lykillinn felist í myndrænni fram­
setningu og þar hafi hann verið svo
farsæll að kynnast kanadískum
samstarfsmanni sínum, teiknar­
anum Jim Ridge.
„Hann hefur unnið þrekvirki í
að myndskreyta kennsluefni og
bækur sem að við höfum gefið út.
Við erum einnig búin að verja á
þriðja þúsund klukkustundum í
framleiðslu á kennslumyndbönd­
um á ensku og íslensku sem eru
aðgengileg nemendum okkar. Við
teljum okkur því vel vopnum búin
fyrir landvinninga,“ segir Ingvar.
Markþjálfun hefur rutt sér hratt
til rúms á Íslandi undanfarin ár. Að
sögn Ingvars er þróunin hérlendis
þó um tíu árum á eftir þróuninni í
Bandaríkjunum og Bretlandi. „Þar
ytra eru góðir markþjálfarar mikil­
vægur hluti af atvinnulífinu enda
hefur verið sýnt fram á að hver
króna sem fjárfest er skilar sér sjö­
falt tilbaka,“ segir Ingvar.
Að sögn Ingvars liggur gríðarleg
vinna að baki því að vera góður
markþjálfari. „Markþjálfun er
hundrað prósent byggð á akadem­
ískum grunni enda er hún f léttuð
saman úr hugmyndum meðal ann­
ars úr sálfræði, leiðtogafræðum,
heimspeki og félagsvísindum. Til
þess að verða góður markþjálfi þá
vilt þú huga að og vera í markviss­
um vexti og endurskoðun. Þeir sem
leggja ekki þá vinnu á sig verða ekki
langlífir í þessu fagi,“ segir Ingvar.
bjornth@frettabladid.is
Profectus í útrás með
markþjálfunarskóla
Fyrirtækið Profectus hefur þróað kennslukerfi og námsefni í markþjálfun
og hyggur fyrirtækið, þegar kórónaveirufaraldrinum lýkur, á erlenda útrás.
Stofnandinn segir gríðarlega vinnu að baki því að vera farsæll markþjálfi.
Ingvar Jónsson, stofnandi Profectus. MYND/AÐSEND
1 9 . D E S E M B E R 2 0 2 0 L A U G A R D A G U R6 F R É T T I R ∙ F R É T T A B L A Ð I Ð