Fréttablaðið - 19.12.2020, Blaðsíða 112
1 9 . D E S E M B E R 2 0 2 0 L A U G A R D A G U R80 L Í F I Ð ∙ F R É T T A B L A Ð I Ð
LÍFIÐ 2020
Leikstjórinn Bong Joon Ho var
þarna sagður geta reynst mikill
múrbrjótur og það boðaði miklar
breytingar í Hollywood að honum
hafi tekist að smygla Sníkjudýrum
sínum inn í bandaríska þjóðarsál.
Veiran leikur lausum hala
Skömmu síðar slapp önnur og öllu
verri padda frá Wuhan laus og mun
óumdeilanlega hafa varanleg áhrif
á framleiðslu og dreifingu kvik-
mynda.
Kórónaveiran fer ekki frekar en
aðrir sjúkdómar í manngreinarálit,
eins og fræga fólkið í Hollywood
hefur mátt reyna á eigin skinni.
Fyrstu mánuði ársins var annars
fólk í Los Angeles ekkert frekar en
í Reykjavík að gera of mikið með
pestina frá Kína, en það átti heldur
betur eftir að breytast og í heimi
fræga fólksins hrökk fólk upp við
vondan draum 11. mars, þegar
leikarinn Tom Hanks, laus við alla
smitskömm, tilkynnti að hann og
konan hans, Rita Wilson, hefðu
greinst með COVID-19 þegar þau
voru í Ástralíu.
Fleiri stjörnur fylgdu í kjölfarið
á næstu mánuðum og greindu frá
smiti. Þar á meðal voru Idris Elba,
Madon na og P i n k .
Breska konungsf jölskyldan lét
svo þau boð út ganga undir lok
marsmánaðar að Karl prins hefði
smitast og væri í sjálfskipaðri ein-
angrun í Skotlandi.
Nokkru síðar spurðist út að
Vilhjálmur prins, sonur Karls og
bróðir almúgamannsins Harrys,
hefði smitast um svipað leyti og
faðir hans, en hafi kosið að halda
veikindum sínum leyndum.
Black Lives Matter
Þann 25. maí myrti hvítur lög-
reglumaður George Floyd með
fádæma fantaskap og fúlmennsku.
Myndbandsupptökur af morðinu
fóru sem eldur í sinu um gervöll
Bandaríkin og þaðan út um allan
heim. Fólki var nóg boðið og krafa
#BlackLivesMatter-hreyfingarinn-
ar um sjálfsögð mannréttindi þel-
dökkra bergmálaði um víða veröld.
Margar stórstjörnur í Hollywood
blönduðu sér í baráttuna gegn
lögregluof beldi og rótgrónu kyn-
þáttamisréttinu í Bandaríkjunum.
Jamie Foxx, Ben Aff leck, Kristen
Stewart, Emily Ratajkowski, Brad
Pitt og f leiri tóku vikum saman
þátt í friðsamlegum mótmælum í
Los Angeles og New York.
Leikarinn John Cusack sagði
lögregluna hafa ráðist að sér með
kylfur á lofti á mótmælum í Chi-
cago og stallsystkin hans, Cole
Sprouse og Jaime King, sögðust
hafa verið handtekin í Los Angeles.
Chrissy Teigen, Seth Rogen, Drake
og f leiri buðust til þess að leggja
fram tryggingafé til þess að fá mót-
mælendur leysta úr haldi.
Aðrir tjáðu sig með ýmsum hætti
í f jöl- og samfélagsmiðlum og
þannig keypti JAY-Z heilsíðuaug-
lýsingar í dagblöðum vítt og breitt
um Bandaríkin til þess að heiðra
minningu George Floyd og Ashton
Kutcher útskýrði Black Lives Mat-
ter í tilfinningaþrungnum skila-
boðum á Instagram.
toti@frettabladid.is
Nýr kafli í langri sorgarsögu
Britneyjar Spears hófst á þessu
ári þegar söngkonan gerði til-
raun til þess að brjótast undan
ofríki föður síns á þeim for-
sendum að hún treysti honum
ekki. Pabbi hennar hefur í tólf ár
stjórnað fjármálum hennar og í
raun öllu hennar lífi, en nú finnst
#FreeBritney-hreyfingunni nóg
komið og krefst þess að Jamie
Spears gefi dóttur sinni fullt
frelsi. Sjálf segist hún ekki ætla
að troða upp á meðan faðir
hennar stjórni öllum hennar
málum. FRÉTTABLAÐIÐ/ GETTY
Herra Kim Kardash-
ian, Kanye West, var
í ruglinu meira eða
minna allt árið og tókst
með ýmsum undar-
legum uppátækjum að
skyggja jafnvel á eigin-
konuna, sem hefur
einstakt lag á að fanga
sviðsljósið. Kanye
toppaði um miðjan júlí
þegar hann lýsti yfir
framboði til embættis
forseta Bandaríkjanna
undir merkjum Af-
mælisflokksins. Við
tók slíkur fjölmiðla-
sirkus að óttast var
um geðheilsu Kanye
og að lokum staðfesti
Kim að hann væri með
geðhvörf. Minna hefur
farið fyrir tónlistar-
manninum undir lok
ársins og já, Joe Biden
er víst næsti forseti
Bandaríkjanna.
Brad
Pitt var
virkur í Black
Lives Matter-
mótmæl-
unum.
Rita
Wilson og
Tom Hanks voru
með þeim fyrstu í
Hollywood til að
upplýsa um CO-
VID-smit.
POTTARNIR OKKAR ERU MÆTTIR
Heitir & Kaldir
Einstaklega vandaðir viðarpottar sem hægt er að
nota sem heitann & kaldann pott.
Tröppur og lok fylgja með!
Tvær stærðir í boði 160x160cm & 120x120cm
Verð Frá 148.000 kr
Ögurhvarf 2 www.dekkor.is 846 4444
Til sýnis í verslun okkar Dekkor
pottur.indd 1 18.12.2020 13:59:34