Fréttablaðið - 19.12.2020, Blaðsíða 114

/rifrestaurant
/rifrestaurant
Tilvali
ð í jóla
pakka
nn
Á miðnætti á mánu-daginn lýkur söfnun Lady Brewery, sem er kvenrekið farand k raft-brug ghús, á Karolina Fund. Lady
Brewery var stofnað af Þóreyju
Björk Halldórsdóttur.
„Ég stofnaði Lady Brewery 2017
með vinkonum sem nú hafa gengið
á vit annarra ævintýra. Fyrsti hitt-
ingur var á nýja árinu á Sæmundi í
sparifötunum, þar sem við fengum
okkur bjór og plönuðum þetta nýja
áhugamál. Nafnið Lady Brewery
kom strax og engin man hvernig
það kom til en varð strax borðleggj-
andi. Við brugguðum á hverjum
miðvikudegi í rúma meðgöngu eða
níu mánuði og var fyrsti bjórinn
sem við brugguðum First Lady, sem
er í dag einkennisbjór Lady,“ segir
Þórey. Fyrsta rennsli af First Lady á
krana varð svo á eigin kranakerfi á
Hlemmi Squere 10. október sama ár.
Bjór og femínismi
Hafði lengi blundað í ykkur sá
draumur að stofna bruggsmiðju?
„Nei, þetta gerðist mjög organískt
og í raun út frá áhuga á brögðum,
göldrum, mat og drykk. Ég upp-
götvaði handverksbjór í mánaðar-
dvöl minni í Belgíu 2013. Það er svo
ekki fyrr en við byrjuðum áhuga-
málið, sem átti svo sannarlega bara
að vera áhugamál, að þá kviknaði
draumurinn um að stofna brugghús
þar sem áherslur væru feminískar
og bjór settur í aðeins annað sam-
hengi en það sem hann hefur verið í
til þessa. Við ákváðum að taka þetta
út frá konum, að markaðssetja frá
hönnunartengdu sjónarhorni og
leitast eftir því að vinna mikið með
skapandi fólki. Ég er hönnuður og
rek einnig skapandi vinnustofu með
manninum mínum sem er einmitt
mikill femínisti og gerir alla grafík
fyrir Lady, þannig að landið lá dálít-
ið vel þegar það kom að ímynd og
útliti fyrirtækisins.“
Er samfélag áhugakvenna um bjór
sterkt hérlendis?
„Það eru til samtök kvenna í bjór
sem við stofnuðum ásamt öllum
þeim konum sem koma að bruggi
á Íslandi og heitir því f lotta nafni
KONA. Það eru líka til áhugafélög
kvenna um bjór og svo eru alltaf að
detta inn fleiri og f leiri konur sem
nota vettvang eins og hlaðvarp
eða samfélagsmiðla til að smakka,
dæma, tala, hlæja og hafa gaman af
bjór,“ segir hún.
Skýrari mynd
Þórey segir lengi hafa staðið til að
opna dyrnar og setja upp nokkurs
konar tilraunaeldhús.
„COVID-ástandið gaf okkur
skýrari mynd á það hvernig við
vildum fara að því og setja það
upp. Við erum að hefjast handa
við það skemmtilega verkefni að
rannsaka íslenska náttúru í bjór-
gerð og viljum því opna svokallað
tilraunaeldhús, sem verður hjartað
í Lady-hreyfingunni. Þá ætlum við
að stofna leyniklúbb. Meðlimir
hans geta komið í tilraunaeldhúsið
og smakkað prufur og haft skoðun
á því sem við erum að gera. Í leyni-
klúbbnum færðu alls kyns fríðindi
og bjór í áskrift, við komum til
með að gera ýmiss konar viðburði
tengda mat, hönnun, dansi og
göldrum. Síðan ætlum við að útbúa
„growler“-stöð þar sem félagsmenn
geta komið og fyllt á f löskur til að
taka með sér ískaldan og glænýjan
bjór í partíið.“
Í tilraunaeldhúsinu verður hægt
að smakka og máta hvernig bjórinn
fer með ákveðnum mat.
„Við munum brugga litlar prufu-
lagnir, leyfa meðlimum klúbbsins
að sjá þannig hvað er vinsælt og
myndi vera f lott í framleiðslu.
Þarna geta allir vera með rödd og
skoðun,“ segir hún.
Spennandi samstarf
Gerist maður meðlimur í leyni-
klúbbnum fær maður sendar heim
vörur frá Lady Brewery mánaðar-
lega.
„Svo vorum við að gera stóran
samning við ofsalega f lott fyrir-
tæki sem er að koma inn á íslenskan
markað og vill að við gerum fyrir
þau sérstakan bjór sem við erum að
farast úr spenningi yfir. Við erum að
taka stóran hönnunarsnúning á það
verkefni.
Svo erum við að plana sumarið
okkar með það í huga að viðvera
fólks geti verið meiri en hún var á
þessu ári, við bindum vonir við það
að geta loksins fengið fólk til okkar.“
Hægt er að leggja söfnuninni lið á
karolinafund.com.
steingerdur@frettabladid.is
Kvenrekið brugghús
stofnar leyniklúbb
Þórey Björk stofnaði brugghúsið Lady Brewery fyrir þremur
árum. Nú stendur til að færa út kvíarnar, bjóða upp á tilraunaeld-
hús og leyniklúbb. Söfnun fyrir framkvæmdunum stendur yfir.
Þórey hlakkar til að bjóða upp á tilraunaeldhús þar sem gestir geta smakkað vörur brugghússins. FRÉTTABLAÐIÐ/ERNIR
1 9 . D E S E M B E R 2 0 2 0 L A U G A R D A G U R82 L Í F I Ð ∙ F R É T T A B L A Ð I Ð