Fréttablaðið - 19.12.2020, Blaðsíða 102

FULLKOMIN
BLANDA
fyrir notalegasta tíma ársins
Óhætt er að segja að 2020 sé ekki uppáhalds ár í lífi f lestra. Árið hefur þó reynst Ragnari Jónassyni glæpa-
sagnahöfundi einkar gjöfult. Hann
hefur selt jafnmikið af bókum árið
2020 og samanlagt frá 2009, þegar
fyrsta bókin hans kom út, og til
ársins 2019.
Fyrir ári fagnaði Ragnar því að
milljónasta eintakið af bók eftir
hann seldist í Eymundsson fyrir
jólin. Í ár hefur hann tvöfaldað þá
sölu. Lætur nærri að það seljist tvær
bækur eftir hann á hverri mínútu
einhvers staðar í heiminum. Þarna
munar mestu um það að um það bil
700.000 eintök hafa selst í Frakk-
landi og Þýskalandi á árinu en þau
lönd eru orðin hans helstu vígi.
Bækur hans koma nú út í á fjórða
tug landa.
Sigurganga í Þýskalandi
Mistur varð fyrsta íslenska bókin til
að komast á topp þýska metsölulist-
ans og um tíma átti Ragnar þrjár af
tíu mest seldu bókunum þar í landi.
Dimma hefur nú setið á þýska met-
sölulistanum í 30 vikur samfleytt,
þar af 29 vikur í röð á topp tíu. Eldra
metið átti Arnaldur Indriðason,
árið 2005, þegar Napóleonsskjölin
voru níu vikur í röð á topp tíu.
Þess má líka geta að Dimma náði
einnig efsta sætinu á lista yfir mest
seldu glæpasögur Frakklands í mars
og Drungi fór í toppsætið á Amazon
Kindle metsölulistanum í Bretlandi
í febrúar, yfir allar bækur.
Þá var tilkynnt um samning við
CBS sem hyggst framleiða átta þátta
sjónvarpssyrpu byggða á Dimmu og
samningar um gerð sjónvarspsseríu
eftir Siglufjarðarbókum Ragnars
eru nú á lokastigi.
Glæpasaga ársins í Bretlandi
Mistur hlaut í haust Capital Crime
verðlaunin sem besta glæpasaga
ársins í Bretlandi en það eru glæpa-
sagnahátíðin Capital Crime og
Amazon Publishing sem standa að
verðlaununum. The Times valdi
Mistur sem eina af glæpasögum árs-
ins í Bretlandi, rétt eins og Sunday
Times. Dagens Nyheter valdi Mistur
sem eina af bestu glæpasögum árs-
ins í Svíþjóð. Þá var Snjóblinda til-
nefnd sem frumraun ársins í f lokki
þýddra glæpasagna í Hollandi.
Framúrskarandi lokaþáttur
Sunday Times valdi Vetrarmein sem
eina af glæpasögum desembermán-
aðar á dögunum. Í dómnum sagði:
„Fyrir tuttugu árum var Ísland
hvergi að finna á lista yfir þau lönd
sem hafa skapað metsöluhöfunda
í röð glæpasagnahöfunda. Gullöld
glæpasögunnar á 20. öld fór fram
hjá landinu; það eru engin dæmi um
glæpasögur sem skrifaðar voru á
milli 1950 og 1970. Þetta hefur gjör-
breyst, þökk sé nokkrum íslenskum
höfundum – Arnaldi Indriðasyni,
Yrsu Sigurðardóttur og nú Ragnari
Jónassyni …
Þessi vægðarlausa sena [lát
ungrar stúlku] minnir á svipaðan
atburð í Snjóblindu, fyrstu bókinni
í röðinni, og undirstrikar þá trú
Ragnars Jónassonar að frumlegir
glæpir séu sjaldgæfir. Rétt eins og
Agatha Christie hefur hann meiri
áhuga á endurtekningum í mann-
legu eðli – græðgi, eigingirni, eyði-
leggjandi þrám – sem Ari Þór þarf
að rýna í innan um lygar hinna
grunuðu og tilraunir þeirra til að
afvegaleiða hann.
Vetrarmein er framúrskarandi
lokaþáttur í Sigluf jarðarsyrpu
Ragnars, þar sem hann færir hina
hefðbundnu glæpasögu í nýjan
búning, kunnugleg og framandi stef
sameinast áreynslulaust.
Haf i Ísland misst af gullöld
glæpasagnanna, þá er landið – og
Ragnar – svo sannarlega að bæta
upp fyrir það núna.“
Ævintýraleg velgengni
Það lætur nærri að tvær bækur eftir glæpasagnahöfundinn Ragnar Jónasson seljist á hverri mínútu ein-
hvers staðar í heiminum. Um 700.000 eintök af bókum hans hafa selst í Frakklandi og Þýskalandi á árinu.
Ragnar
Jónasson hefur
sannarlega átt
gott ár.
FRÉTTABLAÐIÐ/
SIGTRYGGUR ARI
BÆKUR
Herra Bóbó, Amelía
og ættbrókin
Yrsa Sigurðardóttir
Útgefandi: Veröld
Fjöldi síðna: 167
Eftirvæntingin var mikil hjá gagnrýnanda þegar spurðist út að von væri á nýrri barnabók
eftir glæpasagnadrottninguna Yrsu
Sigurðardóttur. Fyrri barnabækur
höfundar sem komu út í kringum
síðustu aldamót voru hreint út
sagt frábærar, bráðfyndnar og
eftirminnilegar. Þar lágu Danir í
því (1998) og Við viljum jólin í júlí
(1999) standa þar upp úr.
Nýja bókin, Herra Bóbó, Amelía
og ættbrókin, fjallar um heimilis-
köttinn Herra Bóbó, sem lítur á sig
sem mikinn hefðarkött. Þegar ný
læða f lytur í næsta hús sem efast
um uppruna hans hefst mikið
ævintýri þar sem Herra Bóbó þarf
að sanna sig með forláta ættbók.
En hvað er eiginlega ættbók? Hann
fær hjálp frá músinni Amelíu sem
býr í kjallaranum og á milli þeirri
skapast fallegt vinasamband. Sagan
er sögð frá sjónarhorni kattarins og
oft virðist heimur mannfólksins
kómískur með augum hans. Katta-
eigendur geta tengt sérstaklega
við hegðun Herra Bóbós gagnvart
eigendum sínum, hvernig hann fer
sínar eigin leiðir, lítur stórt á sig
og telur sig stýra öllu á heimilinu.
Toppnum er náð þegar dóttirin á
heimilinu ákveður að halda afmæli
með hundaþema, þar sem hundum
úr hverfinu er boðið til veislu. Herra
Bóbó líst ekki á blikuna og úr verður
allsherjar fíaskó.
Bókin skiptist upp í stutta kafla
sem eru hæfilegir fyrir unga les-
endur og virka einnig vel í upp-
lestri. Myndlýsingar Kristínar Sólar
Ólafsdóttur birtast á hverri einustu
opnu og þótt þær virðist mjög ein-
faldar í upphafi styðja þær vel við
húmorinn í texta Yrsu og létta undir
lesturinn. Það á bæði við um text-
ann og myndirnar að lagt er upp
úr að mæta ungum lesendum og
f lækja hlutina ekki um of. Sjónar-
horn kattarins býður einnig upp á
samræður ungra og eldri um ólíkar
upplifanir á hversdagsleikanum.
Ferðalag Herra Bóbós og Amelíu er
æ s i s p e n n -
andi en verður þó
aldrei mjög erfitt og engar alvar-
legar hættur steðja að þeim. Í lok
bókarinnar má svo finna fallegan
boðskap um vináttu og trygglyndi
óháð útliti, uppruna og tegund.
Fyrst og fremst er þó hér á ferð
fyndin og létt hasarsaga sem hægt
er njóta í botn. Vonandi heldur Yrsa
áfram að skrifa barnabækur.
Guðrún Baldvinsdóttir
NIÐURSTAÐA: Spennandi og bráð-
fyndin barnabók um sérvitra kött-
inn Herra Bóbó og músina Amelíu.
Sérvitur köttur
Kolbrún
Bergþórsdóttir
kolbrunb@frettabladid.is
BÆKUR HANS KOMA
NÚ ÚT Í Á FJÓRÐA TUG
LANDA.
Yrsa Sigurðardóttir rithöfundur.
1 9 . D E S E M B E R 2 0 2 0 L A U G A R D A G U R70 M E N N I N G ∙ F R É T T A B L A Ð I Ð