Læknablaðið - apr. 2020, Blaðsíða 47

LÆKNAblaðið 2020/106 215

Þórir Einarsson Long varði doktorsritgerð
sína í læknavísindum við læknadeild Há-
skóla Íslands 20. desember 2019. Ritgerðin
heitir: Bráður nýrnaskaði – Nýgengi, áhættu-
þættir, endurheimt nýrnastarfsemi og lifun.
Andmælendur voru Kenneth
Christopher, lektor við Brigham and
Women ś Hospital, Harvard-háskóla, og
Gunnar Tómasson, lektor við læknadeild
Háskóla Íslands. Umsjónarkennari var
Gísli H. Sigurðsson prófessor og leiðbein-
andi Ólafur Skúli Indriðason sérfræðing-
ur. Meðleiðbeinandi var Martin Ingi
Sigurðsson prófessor. Aðrir í doktorsnefnd
voru Runólfur Pálsson prófessor og Tómas
Guðbjartsson prófessor.
Ágrip af rannsókn
Bráður nýrnaskaði (BNS) er algengt
vandamál bæði innan og utan sjúkrahúsa
og tengist hærri tíðni fylgikvilla og dánar-
tíðni. Langvinnur nýrnasjúkdómur (LNS)
er áhættuþáttur fyrir BNS sem jafnframt
er áhættuþáttur fyrir þróun á LNS og
versnun á sjúkdómnum. Endurheimt
fyrri nýrnastarfsemi eftir BNS er talin
sjálfstæður áhrifaþáttur fyrir horfur sjúk-
lingsins en ekki hefur náðst samstaða um
skilgreiningu á endurheimt fyrri nýrna-
starfsemi eftir BNS. Í dag er væg hækkun
á kreatíníni í sermi (SKr) um 26,5 μmól/L
innan 48 klukkustunda hluti af grein-
ingarskilmerkjum BNS en hins vegar er
lítið vitað um einkenni og afdrif þess hóps
sem greinist með BNS einungis vegna
þessa hluta skilmerkjanna.
Verkefnið undirstrikar að BNS er
algengt vandamál, bæði í almennu
sjúkrahúsþýði og í kjölfar skurðaðgerða.
Það eru sjálfstæðir áhættuþættir fyrir BNS
í kjölfar kviðarholsaðgerða sem auðveld-
lega er hægt að meta fyrir aðgerð og nýta
við áhættumat sjúklinga. BNS tengist verri
skammtíma- og langtímalifun og þróun
á LNS og versnun á undirliggjandi LNS.
Að ná ekki endurheimt á fyrri nýrnastarf-
semi er tengt verri eins árs lifun, þróun og
versnun á LNS.
Doktorsefnið
Þórir Einarsson Long lauk bakkalárgráðu
í læknisfræði frá Háskóla Íslands árið
2012 og embættisprófi í læknisfræði frá
sama skóla þremur árum síðar. Að loknu
kandídatsári hóf hann sérnám í almenn-
um lyflækningum við Landspítala þar
sem hann starfar nú. Þórir hefur stundað
rannsóknavinnu samhliða námi og starfi
sem læknir frá 2012 og hlotið ýmsa styrki
og viðurkenningar, var meðal annars
valinn ungur vísindamaður Landspítala
2019.
Doktors-
vörn frá HÍ Myndina tó
k
G
un
na
r S
ve
rri
ss
on
.
Hvað segir doktorsefnið?
Hvað ertu að lesa og/eða horfa á?
Ég er að lesa Tíminn og vatnið, bókina hans Andra Snæs þessa dagana. Svo fylgist ég með
þáttunum Ísalög á RÚV. Þemað hjá mér er greinilega hlýnun jarðar.
Hversu erfitt er að verða doktor á skalanum 1-10?
Erfitt að segja því það sveiflast mikið yfir tíma. Myndi segja bara 7 en væri eflaust 9-10 án
góðra leiðbeinenda ímynda ég mér.
Hvað er framundan í starfi/námi?
Ég starfa 50% sem almennur læknir á göngudeild og ráðgjöf nýrnalækninga Landspítala og
svo er ég 50% í rannsóknum hjá verkefninu Blóðskimun til Bjargar með áherslu á nýrnahluta
verkefnisins. Planið er að verða nýrnalæknir sem stundar rannsóknir í framtíðinni.
Hvað yrði þitt fyrsta verk sem forstjóri Landspítala?
Byrja á að ráða mér húshjálp en reyna síðan að finna mögulegar leiðir til að hækka laun hjúkr-
unarfræðinga og sjúkraliða.
Hvenær fórstu síðast til læknis?
Held að það hafi verið 2011.