Morgunblaðið - 15.08.2020, Blaðsíða 4

4
MORGUNBLAÐIÐ LAUGARDAGUR 15. ÁGÚST 2020
Til sölu,
Njarðarbraut 20,
260 Njarðvík
Tjarnargata 12 ehf. og Reykjanesbær auglýsa til
sölu byggingu að Njarðarbraut 20, 260 Njarðvík.
Verið er að vinna nýtt deiliskipulag á svæðinu
og er byggingin samkvæmt því víkjandi.
Óskað er eftir tilboðum í eignina auk hugmynda
um nýtingu á svæðinu. Sérstaklega verður horft
til samspils áætlana við markmið fyrirhugaðs
deiliskipulags. Tilboðum skal skila inn eigi síðar
en mánudaginn 7. september 2020.
Nánari upplýsingar er hægt að fá í gegnum
netfangið fasteignir@reykjanesbaer.is
Aron Þórður Albertsson
Jóhann Ólafsson
Þorgerður Anna Gunnarsdóttir
Ríkisstjórn Íslands tilkynnti í gær
um hertar aðgerðir vegna út-
breiðslu faraldurs kórónuveirunnar
hér á landi. Frá og með 19. ágúst
þurfa allir sem koma til Íslands að
fara í skimun á landamærum. Þá
verður sömu aðilum gert skylt að
fara í fjögurra til sex daga sóttkví
auk annarrar sýnatöku að henni
lokinni. Þetta var meðal þess sem
fram kom á blaðamannafundi ríkis-
stjórnarinnar í Safnahúsinu í gær.
Um er að ræða innleiðingu
reglna samkvæmt fimmtu tillögu
Þórólfs Guðnasonar sóttvarna-
læknis, en hann hafði fyrr í vikunni
lagt fram níu tillögur vegna að-
gerða á landamærunum. Hefur
ákvörðunin í för með sér að farþeg-
ar frá „öruggum svæðum“, sem
fram til þessa hafa sloppið við
skimun, þurfa að undirgangast
sama ferli og aðrir. Það sama mun
gilda um einstaklinga sem ætla að
dvelja í yfir tíu daga hér á landi.
Áður fóru þeir í svokallaða
heimkomusmitgát sem fylgt var
eftir með annarri sýnatöku eftir
fjögurra til sex daga dvöl. Verður
heimkomusmitgát því lögð niður.
Gjald verður tekið fyrir sýnatöku
á landamærum eins og verið hefur
hingað til. Seinni sýnataka verður
áfram að kostnaðarlausu.
Lífið verði eðlilegt að nýju
„Þegar við lögðumst yfir þá val-
kosti sem sóttvarnalæknir lagði til
okkar, þá í raun beittum við bara
þeirri aðferð að útiloka suma þeirra
og aðra tókum við til nánari skoð-
unar. Því meira sem við lágum yfir
þessu, ekki bara út frá sóttvarna-
sjónarmiðum heldur líka hag-
rænum og samfélagslegum sjón-
armiðum þá var niðurstaða okkar
sú að það væri skynsamlegast að
grípa inn í tiltölulega fast og geta þá
slakað á síðar,“ segir Katrín Jakobs-
dóttir forsætisráðherra um ákvörð-
un ríkisstjórnarinnar.
Segir hún að horft hafi verið til
þess að hægt verði að lifa eins eðli-
legu lífi innanlands og kostur er. Þá
hafi innanlandssmit síðustu vikna
vegið þungt.
„Rökin eru tvenns konar, í fyrsta
lagi auðvitað þessi innanlandssmit,
en það eru ekki þau ein og sér sem
ráða þessari ákvörðun heldur í raun
og veru þessi þróun sem við sjáum
bara alls staðar í kringum okkur.
Við erum með faraldur í vexti og það
eru auðvitað stærstu rökin. Hugs-
unin er líka sú auðvitað að við getum
slakað á takmörkunum hér innan-
lands, með það leiðarljós ávallt að
samfélagið geti gengið áfram. Þar
erum við að hugsa um skólana,
íþróttirnar, menninguna og bara allt
sem okkur finnst mikilvægt og
skiptir okkur máli sem samfélag að
gera.“
Staðan endurmetin sem fyrst
Þórdís Kolbrún Reykfjörð Gylfa-
dóttir ferðamálaráðherra segir að
ákvörðunin hafi verið gríðarlega erf-
ið. Aðgerðirnir séu þó nauðsynlegar.
„Það eru mikil vonbrigði að vera í
þessari stöðu og það er ekki auðvelt
að ákveða eitthvað svona. Staðan í
löndunum í kringum okkur er ein-
faldlega sú að veiran er í vexti og
það eitt og sér hefur augljóslega
mikil áhrif á ferðavilja fólks,“ segir
Þórdís og bætir við að hún vonist til
að hægt verði að aflétta takmörk-
unum sem fyrst. Þannig verði hugs-
anlega hægt að einfalda sýnatöku
ákveðinna landa. „Ég hef lagt mjög
mikla áherslu á það að þetta verði
endurskoðað og það rætt hvenær
megi slaka á þessari ráðstöfun að
nýju. Við náttúrulega miðum að því
að ganga ekki lengra en þörf þykir á
hverjum tíma, þannig að nákvæm-
lega hvenær verður slakað á þessari
ráðstöfun verður bara að koma í ljós
en það þarf að endurskoða þetta
fljótt og þá reglulega.“
Hagkvæmt að herða kröfur
Að sögn sóttvarnalæknis verður
erfitt að framkvæma fram-
angreindar aðgerðir. „Þetta verður
ekki auðvelt í framkvæmd. Þetta
krefst mikils mannaafla í skimun og
í veirurannsóknum. En ef okkur
tekst að framkvæma þetta vel og
gera þetta eins og við viljum þá á
það að lágmarka áhættuna á að veir-
an komist hér inn,“ segir Þórólfur og
bætir við að umrædd ráðstöfun feli í
sér lágmarksáhættu. Það þýði þó
ekki að veiran komist ekki inn fyrir
landamærin.
„Það eru margar áskoranir samt
sem áður. Veiran getur alveg komist
inn. Það er engin aðferð til sem kem-
ur algjörlega í veg fyrir það.“
Talið nauðsynlegt að herða
aðgerðir við landamærin
 Allir látnir sæta fjögurra til sex daga sóttkví  „Ekki auðvelt í framkvæmd“
Morgunblaðið/Eggert
Fundur Aðgerðirnar voru kynntar á blaðamannafundi ríkisstjórnarinnar sem haldinn var í Safnahúsinu í gær.
Alexander Kristjánsson
alexander@mbl.is
Útlit er fyrir að innanlandssmit kór-
ónuveiru haldi áfram að greinast nær
daglega út þennan mánuð og inn í
fyrstu viku septembermánaðar, ef
marka má nýja spá vísindamanna við
Háskóla Íslands, embætti landlæknis
og Landspítalann sem gefin var út í
gær. Spáin nær til næstu þriggja
vikna, eða til 4. september, en segir
ekki til um þróunina þar eftir. Tekur
spáin ekki til ytri þátta, heldur er ein-
vörðungu horft til fjölda smita. Hafa
aðgerðir stjórnvalda af þeim sökum
engin áhrif á líkanið.
Líkaninu sem rannsóknarteymið
hefur þróað er beitt á fyrirliggjandi
gögn um veiruna til að reyna að meta
þróun faraldursins. Sett eru fram
nokkur spábil, sem gefa líkur á því að
fjöldi nýrra tilfella verði innan tiltek-
inna marka. Þannig sýnir dekksta
svæðið á grafinu hér til hliðar 50%
spábil. Af því má ráða að hvern dag
sem spálíkanið nær til eru yfir helm-
ingslíkur á að hér greinist nýtt innan-
landssmit, þótt þróunin sé niður á við.
Næstu daga er gert ráð fyrir að lík-
legast sé að fjöldi virkra smita á dag
verði á bilinu 1-4. Í spánni er horft til
annarrar bylgju faraldursins, sem
miðað er við að hafi hafist 23. júlí þeg-
ar smit greindist innanlands í fyrsta
sinn í þrjár vikur. Síðan þá hafa 128
smit greinst innanlands. Uppsafnað-
ur fjöldi smita í annarri bylgju eftir
þrjár vikur, þegar spánni sleppir, er
líklegur til að vera um 150, en taldar
eru 5% líkur á að fjöldinn fari yfir 300.
Smitum fækki hægt og
bítandi næstu vikur
 Spá tekur ekki
tillit til aðgerða
Greind smit og spá fyrir næstu þrjár vikur
Fjöldi daglegra smita innanlands frá 23. júlí og spá frá 14. ágúst
300
200
200
100
0
20
15
10
5
0
júlí ágúst sept.
júlí ágúst sept.
Heimild: Háskóli Íslands
Uppsafnaður fjöldi smita innanlands frá 23. júlí og spá frá 14. ágúst
Líklegasta útkoma
Minni líkur skv. spálíkani
Rauntölur til 13. ágúst
Líklegasta útkoma
Minni líkur skv. spálíkani
Rauntölur til 13. ágúst
14. ágúst
14. ágúst
„Að mínu mati er þetta
rétt ákvörðun. Þetta
snýst um okkar hags-
muni, hagsmuni Íslend-
inga,“ segir Sigfús Bjarni
Sigfússon, forstjóri
Hertz á Íslandi.
Segir hann að aðgerðin muni reynast
ferðaþjónustunni erfið. Hún sé þó rétt-
lætanleg. „Rök sóttvarnayfirvalda vega
þyngra en rök ferðaþjónustunnar. Við
treystum sóttvarnayfirvöldum og ríkis-
stjórninni til að taka bestu ákvarðanirnar
í stöðunni. Hitt verðum við að leysa
síðar.“
„Við höfum verið að gera
ráð fyrir því, allt frá því í
vor, að þetta gangi svolít-
ið upp og niður í alllangan
tíma,“ segir Bogi Nils
Bogason, forstjóri Ice-
landair, en tekur fram að
aðgerðirnar breyti áætlunum flugfélags-
ins ekki neitt. Þó hafi þetta vissulega
neikvæð áhrif á ferðaþjónustuna.
„Okkar áætlanir breytast ekki neitt við
þetta. Auðvitað hefur þetta áhrif á trafík-
ina til skemmri tíma og hefur verulega
neikvæð áhrif á ferðaþjónustuna.“
„Ég sé ekki annað en
þetta stöðvi allar komur
ferðamanna til landsins,
eða nánast allar. Það
kemur enginn hingað til
að vera hér í sóttkví og ég
held að þau sem taka
þessa ákvörðun geri sér alveg grein fyrir
því,“ segir Kristófer Oliversson, for-
maður Fyrirtækja í hótel- og gistiþjón-
ustu og framkvæmdastjóri Center-
hótela.
Erfiðir tímar séu fram undan og landið
verði í raun lokað ferðamönnum. Áform-
um fyrirtækisins um endurráðningar
verði slegið á frest.
„Það er alveg klárt að það
eru bara sóttvarnasjónar-
mið sem ráða för. Þetta
er bara eins og skyndilok-
un sem nær yfir landið og
miðin,“ segir Jóhannes
Þór Skúlason, fram-
kvæmdastjóri Samtaka ferðaþjónust-
unnar. Sóttkví og önnur skimun þýði lok-
un landsins. Uppsögnum muni taka að
fjölga á ný, enda sé íslensk ferðaþjón-
usta nú í raun lokuð erlendum ferða-
mönnum. „Ferðamenn koma ekki til
landsins til að sitja í sóttkví í fjóra daga.“
Viðbrögð ferðaþjónustu
ÁHRIF KÓRÓNUVEIRUNNAR Á ÍSLANDI