Morgunblaðið - 24.12.2020, Page 12

12 DAGLEGT LÍF
MORGUNBLAÐIÐ FIMMTUDAGUR 24. DESEMBER 2020
Sigurður Bogi Sævarsson
sbs@mbl.is
Auðvitað er stórundarlegupplifun að hefja þjón-ustu á nýjum stað og fáekki að hitta söfnuðinn
við helgihaldið. Að taka messurnar
upp á myndband nú um miðjan des-
embermánuð til þess svo að sýna á
samfélagsmiðlun er sérstök tilfinn-
ing. Að syngja Heims um ból áður
en jólin eru gengin í garð fyrir
framan upptökuvélar er líka
óvenjulegt,“ segir sr. Sigríður
Kristín Helgadóttir, sóknarprestur
á Breiðabólstað í Fljótshlíð.
Stóri vinningurinn
Helgihald í kirkjum landsins
verður vegna samkomutakmarkana
og kórónuveirunnar með allt öðru
móti en venjan er. Messuhaldið fer
fram í hinni stafrænu veröld og
verður svo að vera. „Guði sé lof fyr-
ir tæknina,“ segir Sigríður sem tók
við sem sóknarprestur á Breiða-
bólstað 1. október síðastliðinn, eftir
að hafa verið lengi áður prestur við
Fríkirkjuna í Hafnarfirði.
„Hér hefur fimm sóknum verið
steypt saman í eitt prestakall og
það þarf ákveðna lagni að sam-
ræma og samþætta starfið svo eng-
inn sé út undan. En þetta er eins og
að vinna stóra vinninginn að vera
valin prestur í þessu prestakalli,“
segir presturinn sem þjónar
Breiðabólstað og Hlíðarenda í
Fljótshlíð, Stórólfshvoli við Hvols-
völl, Akurey og Krossi í Land-
eyjum, aukheldur sem þar í sveit er
kapella á Voðmúlastöðum. Allt eru
þetta byggingar sem hefur verið
vel við haldið enda eiga þær sér
langa og merka sögu.
Messan úr Rangárþingi eystra
sem sýnd verður í kvöld var tekin
upp fyrir nokkru í Stórólfshvols-
kirkju, jóladagsmessan kemur frá
Krossi og aftansöngur á gamlárs-
kvöld var tekinn upp á Breiða-
bólstað fyrir nokkru síðan.
Safnaðarstarfið er dýrmætt
„Mér fannst afskaplega
ánægjulegt að fá að hitta hluta af
kórnum við þessa messu og syngja
með fólkinu. Þó vorum við öll á bak
við grímur á æfingumog héldum
fjarlægð og virtum fjöldatakmark-
anir. Maður finnur svo sterklega
hvað safnaðarstarfið er allt saman
dýrmætt nú þegar við lifum við
þessi höft,“ segir Sigríður sem gat
haldið út fermingarstarfi og sunnu-
dagaskóla nokkuð fram á haustið
eða þar til samkomureglurnar voru
hertar og tekið fyrir mannamót.
Til dæmis hefur fermingar-
fræðslan í prestakallinu að und-
anförnu öll verið á zoom og sjálf
segir presturinn að tölvan og sím-
inn séu nú sín helstu verkfæri í
starfinu.
Flestir atburðir gleymast og
sögð orð skolast út, rétt eins og
vatnið sem rennur undir brúna.
Fæðing frelsarans á Betlems-
völlum fyrir 2020 árum er hins
vegar alltaf í minnum höfð og
stærsta frétt allra tíma. Sr. Sigríð-
ur segir skoðun sína líka þá að
jólaguðspjallið eigi alltaf erindi við
okkur. Ekki síst fyrir það hvernig
Guð mætir okkur í litlu barni.
Þar stígur Guð inn í myndina
„Flest fermingarbarnanna
minna segjast aðspurð hafa haldið
á nýfæddu barni og finna þá til
sérstakrar tilfinningar. Barnið
fæðist við fátæklegar aðstæður og
fjarri ysnum í Betlehem. Í dag er-
um við öll að draga okkur í hlé,
finnum til einsemdar og mörg
sakna ástvina. María og Jósef taka
á móti barninu flestum fjarri og
eiga hvergi höfði sínu að halla. Þar
stígur Guð inn í myndina; steig inn
í sögulegt samhengi þegar Ágústus
var keisari. Og enn í dag kemur
hann inn á sviðið, nú þegar Guðni
Th. er forseti Íslands. Guð birtist
okkur sem lítið barn og það gefur
okkur tilefni til að hugleiða: Hvaða
aðstæður viljum við búa barninu?
Hvernig viljium við koma fram og
reynast samferðarfólki okkar? Ef
við vitum af einhverjum sem er
einn á báti, ef það er einhver sem á
um sárt að binda þá ber okkur sem
kirkju að bregðast við, sem er líka
gert,“ segir sr. Sigríður Kristín
Helgadóttir, sóknarprestur á
Breiðabólstað í Fljótshlíð, að síð-
ustu.
Helgihaldið nú í stafrænni veröld
Jól! Guði sé lof fyrir tæknina, segir séra Sigríður
Kristín Helgadóttir sóknarprestur á Breiðabólstað í
Fljótshlíð. Helgihald í prestakalli hennar fer nú fram
á netinu, en boðskapur jólanna er alltaf hinn sami.
Morgunblaðið/Sigurður Bogi
Sóknarprestur Þar stígur Guð inn í myndina; steig inn í sögulegt samhengi þegar Ágústus var keisari. Og enn í dag
kemur hann inn á sviðið, nú þegar Guðni Th. er forseti Íslands, segir sr. Sigríður Kristín á Breiðabólstað.
Fljótshlíð Reisuleg kirkjan á Breiðabólstað var reist árið 1912. Sóknarprestur prestakallsins situr á þessum stað og
þjónar einnig Hlíðarenda í Fljótshlíð, Stórólfshvoli og í Landeyjunum eru tvær sóknarkirkjur og kapella.
Facebook: Kirkjujól
í Rangárþingi eystra
Minnst níu guðfræðingar senda frá
sér bækur nú í ár og fyrir jól. Bæk-
urnar eru um margvísleg efni, en
flestar hafa trúarlegt inntak. Þar má
til dæmis nefna bókina Í augnhæð –
hversdagshugleiðingar eftir Guð-
rúnu Karls Helgudóttur sóknarprest
við Grafarvogskirkju í Reykjavík.
Saga guðanna er eftir sr. Þórhall
Heimisson sem nú þjónar í Svíþjóð.
Bókin er 410 blaðsíður; ferðalag um
heim trúarbragða.
Séra Davíð Þór Jónsson sendir frá
sér ljóðabókina Allt uns festing brest-
ur. Þar er að finna 21 trúarljóð í
dróttkvæðastíl, sem eru ort við 13 liði
hinnar klassísku messu. Sigurjón
Árni Eyjólfsson héraðsprestur og há-
skólakennari segir frá guðshúsum í
bók sinni Augljóst en hulið. Þar fylgir
hann lesendum um sögu kirkjubygg-
inga allt frá fyrstu húskirkjunum til
hinna íburðarmiklu dómkirkna mið-
alda og fram á okkar daga.
Fyrir nokkru kom út bókin
Gljúfrabúar og giljadísir – eyfirskir
fossar eftir sr. Svavar Alfreð Jónsson
sóknarprest við Akureyrarkirkju þar
sem er að finna ljósmyndir af alls 50
fossum í Eyjafirði. Hverri mynd
fylgir stuttur texti, bæði fróðleikur
um staðhætti og ýmsar útleggingar
þar sem guðfræðin með sínum mikla
boðskap er nærri.
Táknin í náttúrunni eru sömuleiðis
þráðurinn í bókinni Íslensku fugl-
arnir og þjóðtrúin eftir sr. Sigurð
Ægisson á Siglufirði. Teknir eru til
umfjöllunar allir íslenskir reglu-
bundnir varpfuglar í hérlendri og
erlendri þjóðtrú og sagt hverju þeir
tengdust.
Eftir sr. Fritz Má Jörgensson er
skáldsagan Drottningin, spennusaga
um svik, morð og valdatafl í ofbeld-
isfullum veruleika á Íslandi. Þá er sr.
Pétur Þorsteinsson í Óháða söfn-
uðinum í Reykjavík svo með nýja út-
gáfu af Pétrísk-íslensku orðabókinni
þar sem finna má alls 3.000 nýyrði í
íslenskri tungu sem Pétur hefur ým-
ist smíðað eða skráð.
Þá gefur Kirkjuhúsið út Litlu
biblíuna eftir sr. Karl Sigurbjörns-
son fv. biskup; myndskreytta bók
með 60 sögum úr Biblíunni. Þá eru
komnar út í þýðingu Karls skáldsag-
an Lila og Leiðin heim – vegur krist-
innar íhugunar. Sömuleiðis er kom-
in út Bænabókin eftir Karl; ný og
ítarlega útgáfa. sbs@mbl.is
Prestar með bækur
 Flestar með boðskap og trúarinntak
Guðrún Karls
Helgudóttir
Davíð Þór
Jónsson