Gerðir kirkjuþings - 2018, Qupperneq 21

21
9. Uppstillingarnefnd.
Fram kom tillaga um að kirkjuráð skipi uppstillingarnefnd þjóðkirkjunnar skv. 1.
mgr. 18. gr. starfsreglnanna.
10. 6. mál. Starfsreglur um kirkjutónlist á vegum þjóðkirkjunnar.
Óskað var eftir umræðu um málið. Fram kom það álit málshefjanda að eðlisbreyting
hefði orðið á starfi organista með samþykkt starfsreglnanna og líklegt að kærumálum
myndi fjölga. Jafnframt að ráðning til eins árs í senn væri ekki líkleg til árangurs.
11. Fyrirspurnartími á kirkjuþingi.
Óskað var eftir umræðu um málið. Fram kom það álit málshefjanda að verið væri
að blanda saman undirbúnum og óundirbúnum fyrirspurnum. Forseti kirkjuþings
upplýsti að tvær greinar í þingsköpum fjölluðu um fyrirspurnir. Gert væri ráð fyrir
að sá sem fyrirspurn beindist að hefði 24 stundir til að undirbúa svar sitt. Spurning
væri hvort nýs kirkjuþings biði að endurskoða þingsköp kirkjuþings hvað þetta
varðaði. Fram kom sú hugmynd að skilafrestur fyrirspurna til kirkjuþings yrði sá
sami og mála sem lögð eru fyrir þingið.
12. Fundartími framhaldsfundar kirkjuþings.
Forseti kirkjuþings lagði fram tillögu um að framhaldsfundur kirkjuþings yrði 10.
mars 2018 í Vídalínskirkju. Tillagan var samþykkt.
Kirkjuþing unga fólksins 2017
Kirkjuþing unga fólksins kemur saman árlega. Hlutverk þess er að ræða stöðu og
hlutverk ungs fólks í þjóðkirkjunni og í samfélagi kirkna um heim allan. Þar eiga sæti
fulltrúar prófastsdæma þjóðkirkjunnar og fulltrúar frá KFUM og KFUK. Fulltrúarnir
skulu vera á aldrinum 14 til 30 ára og skráðir í þjóðkirkjuna. Kirkjuþing unga fólksins er
vettvangur ungs fólks til að hafa áhrif á starfsemi kirkjunnar.
Kirkjuþing unga fólksins var haldið á biskupsstofu hinn 26. maí 2018. Kirkjuþings-
fulltrúar voru 13 talsins frá sjö prófastsdæmum ásamt fulltrúa frá KFUM/K.
Berglind Hönnudóttir úr Reykjavíkurprófastsdæmi eystra var kjörinn forseti þingsins
og hún var jafnframt kjörin áheyrnarfulltrúi á kirkjuþingi hinu almenna.
Átta mál lágu fyrir þinginu að þessu sinni, breytingar á starfsreglum voru ofarlega í
huga kirkjuþingsfulltrúanna. Kirkjuþing unga fólksins lætur sig varða umhverfismál og
hvetur kirkjuna til að vera ávallt leiðandi á þeim vettvangi.
Ályktanir kirkjuþings unga fólksins 2017
Kirkjuþing unga fólksins um hlutdeild unga fólksins í kirkjustarfi og stjórn
Kirkjuþing unga fólksins fagnar ákvörðun hins almenna kirkjuþings að styrkja og efla
þátttöku ungs fólks í stjórnsýslu kirkjunnar. Það er mikilvægt skref til að styrkja stöðu
unga fólksins innan þjóðkirkjunnar og hvetja þau áfram í starfi, sem og að styrkja framtíð
kirkjunnar. Eins og margoft hefur verið sagt er unga fólkið framtíðin og þess vegna þykir
okkur mikilvægt að fá að taka þátt í að móta framtíðarstefnu kirkjunnar okkar. Við hlökkum
til að sjá þær tillögur að breytingum á starfsreglum sem biskupi Íslands, forsætisnefnd
kirkjuþings og kirkjuráði var fengið að móta og leggja fram á kirkjuþingi 2018.