Gerðir kirkjuþings - 2018, Page 99

99
29. mál kirkjuþings 2018
Flutt af Annýju Ingimarsdóttur og Kolbrúnu Baldursdóttur
Stefna þjóðkirkjunnar um aðgerðir gegn einelti, kynferðislegri áreitni, kynbundinni
áreitni, ofbeldi og um meðferð kynferðisbrota innan þjóðkirkjunnar.
Inngangur og gildissvið.
Stefna þjóðkirkjunnar um aðgerðir gegn einelti, kynferðislegri áreitni, kynbundinni
áreitni, ofbeldi og um meðferð kynferðisbrota innan þjóðkirkjunnar byggir á starfsreglum
þjóðkirkjunnar um sama efni, sem samþykktar voru á kirkjuþingi í mars 2019 samkvæmt
heimild í 59. gr. laga um stöðu, stjórn og starfshætti þjóðkirkjunnar nr. 78/1997, með
síðari breytingum.
Í starfsreglunum er tekið fram að sérstakt teymi annist mál sem falla undir starfsreglurnar,
svokallað teymi þjóðkirkjunnar.
Komi upp mál er falla undir starfsreglur þjóðkirkjunnar um aðgerðir gegn einelti,
kynferðislegri áreitni, kynbundinni áreitni og ofbeldi og um meðferð kynferðisbrota innan
þjóðkirkjunnar svo og stefnu þjóðkirkjunnar í þessum málum, þá er teymi þjóðkirkjunnar
til svara gagnvart fjölmiðlum og að jafnaði er formaður þess í fyrirsvari.
Þessi stefna þjóðkirkjunnar fylgir mannauðsstefnu þjóðkirkjunnar, þar sem tekin er
skýr afstaða gegn ofbeldi af öllu tagi svo sem einelti, kynferðislegri áreitni, kynbundinni
áreitni og ofbeldi og felur í sér nánari útfærslu á ábyrgð, forvörnum og verklagi.
Teymi þjóðkirkjunnar hefur með höndum eftirfylgni með innleiðingu stefnunnar og
endurskoðun hennar.
Þjóðkirkjan setur fram í stefnu þessari forvarnir og verklag sem fela í sér nauðsynlegar
aðgerðir sem grípa skal til, ef fram kemur tilkynning um einelti, áreitni eða annað ofbeldi
á starfsstöðvum þjóðkirkjunnar eða við verkefni henni tengdri. Stefnunni fylgja auk þess
skýrir verkferlar.
Eins og fram kemur í ofangreindum starfsreglum byggir þessi stefna á lögum um
jafna stöðu og jafnan rétt kvenna og karla nr. 10/2008, með síðari breytingum, lögum um
aðbúnað, hollustuhætti og öryggi á vinnustöðum nr. 46/19080, með síðari breytingum og
reglugerð um aðgerðir gegn einelti, kynferðislegri áreitni, kynbundinni áreitni og ofbeldi
á vinnustöðum nr. 1009/2015.
Stefna þessi gildir um alla starfsmenn þjóðkirkjunnar, hvort sem vinna þeirra fer fram í
húsnæði kirkjunnar eða annars staðar sem og aðra sem málið getur varðað. Með vinnustað
er átt við umhverfi innanhúss eða utan, þar sem starfsmaður hefst við eða þarf að fara um
vegna starfa sinna, sbr. 41. gr. laga nr. 46/1980. Jafnframt gildir hún um öll vinnutengd
störf svo sem á ráðstefnum, námskeiðum, ferðalögum og öðrum félagslegum samkomum
sem tengjast starfi og verkefnum þjóðkirkjunnar.
Með hliðsjón af tilkynningarskyldu er starfsfólk sem upplifir einelti eða aðra óæskilega
hegðun hvatt til að tilkynna slíkt. Taka ber allar tilkynningar og/eða kvartanir alvarlega og
bregðast við þeim á faglegan hátt.
Mikilvægt er að stefnan sé kynnt starfsfólki þjóðkirkjunnar reglulega, hvetja skal til