Stefnir - 01.10.1951, Blaðsíða 6

4
STEFNIR
lega á það, að aðrar þjóðir hefðu
ekki efnt til málarekstrar út af
hinni mjög hóflegu stækkun
landhelginnar við Noreg, og
Bretar hefðu ekkert umboð til
þess að gæta alþjóðlegra hags-
muna.
Afstaða Breta gagnvart Islend-
ingum er þó raunar enn kynlegri,
því að samningurinn frá 1901 fel-
ur í sér afdráttarlausa yfirlýsingu
þeirra um það, að þeir telji ís-
lenzka landhelgi stærri en þar
segir, því að ella hefðu þeir ekki
þurft að gera neinn samning.
Einmitt það, að samningur þessi
er tímabundinn, sýnir ótvírætt,
að gert er ráð fyrir stærri land-
helgi, ef hann félli úr gildi.
Alþjóðadómstóllinn bindur
ekki íslendinga.
EINMITT þessi staðreynd leið-
ir til þess, að úrskurður alþjóða-
dómstólsins í Haag í deilu Norð-
manna og Breta getur ekki á
neinn hátt verið bindandi fyrir
Island. Bretar hafa aldrei viður-
kennt stækkun norsku landhelg-
innar, en með samningi sínum
frá 1901 hafa þeir beinlínis við-
urkennt, að íslenzk landhelgi hafi
verið stærri og muni verða það
aftur, er sá samningur fellur úr
gildi.
Þá er þess einnig að gæta, að
engin alþjóðalög eru til um stærð
landhelgi, enda er hún mjög mis-
munandi hjá hinum ýmsu þjóð-
um. Rússar verja tólf mílna land-
helgi og hertaka öll skip er inn
fyrir hana fara. Bretar hafa þó
ekki kært þá. Bandaríkin hafa
einnig miklu stærri landhelgi en
Islendingar og Norðmenn. Sama
mun vera um ítali og fleiri þjóð-
ir. Af þessum sökum er mjög
vafasamt, að alþjóðlegur dóm-
stóll hafi nokkra aðstöðu til þess
að segja fyrir um stærð land-
helgi. Að minnsta kosti getur
sá úrskurður ekki verið bindandi
gagnvart einni þjóð, þegar marg-
ar aðrar j)jóðir hafa hann að
engu.
Lífœð íslendinga.
HAFIÐ umhverfis Island er
lífæð íslenzku þjóðarinnar. Með
hverju ári vex ásókn erlendra
veiðiskipa á miðin við landið,
enda má sjá þess glögg merki, að
veiðin minnkar ár frá ári. Is-
lendingar eru því að berjast fyr-
ir lífi sínu, þegar þeir berjast
fyrir stækkun landhelginnar.
íslendingar hafa ekki námur
í landi sínu. Þeir byggja lífsaf-
komu sína að mestu leyti á at-
vinnuvegum, sem geta reynzt