Heilbrigðisskýrslur - 01.12.1968, Blaðsíða 64
1968
62 —
um 11% þrátt fyrir mun meiri minnkun þyngdar aflans. Þjóðarfram-
leiðslan minnkaði um 6% frá fyrra ári, viðskiptakjör versnuðu um
4%, og þjóðartekjur lækkuðu um 7,2%. Aukning meðalmannfjölda nam
1,3%, og minnkaði þjóðarframleiðsla á mann því um 7,2 % og þjóðar-
tekjur um 8,4%. Heildarverðmæti sjávarafurða, á föstu verðlagi, minnk-
aði um 18%, og ræður þar mestu mikill samdráttur í mjöl- og lýsis-
framleiðslu svo og skreiðarvinnslu, en framleiðsla frystra afurða og
saltfisks jókst nokkuð. Iðnaðarframleiðslan jókst um 1,6% að magni,
en byggingarstarfsemi og mannvirkjagerð minnkaði um 5% og land-
búnaðarframleiðsla um 3%. Innflutningur vöru og þjónustu minnkaði
um 6,6% frá árinu áður og útflutningur um 4,6%. Heildarinnflutning-
ur varð meiri en útflutningur, þannig að viðskiptajöfnuður varð óhag-
stæður um 2.615 millj. kr., og gjaldeyrisstaða bankanna versnaði um
1.306 millj. kr. Vísitala framfærslukostnaðar hækkaði um 13%, tíma-
kaup verkafólks og iðnaðarmanna um 6,2%, og kaupmáttur tímakaups
lækkaði því um 6,4% frá fyrra ári. Kaupmáttur ráðstöfunartekna
kvæntra verka-, sjó- og iðnaðarmanna minnkaði um 5,8% miðað við
vísitölu framfærslukostnaðar. Einkaneyzla, að meðtöldum kaupum var-
anlegra muna, svo sem bifreiða, og að meðtalinni heilbrigðisþjónustu
við einstaklinga, minnkaði að magni um 5,2%, eða um 6,4% á mann.
Samneyzla, þ. e. stjórnsýsla, réttargæzla, menntun, almenn heilsugæzla
og önnur þjónusta hins opinbera, jókst um 2,7%. Fjármunamyndun í
heild minnkaði um 8,7% frá árinu áður, en hafði þá aukizt um nær 13%.
Þannig minnkaði fjárfesting atvinnuveganna um 26%, þar af í sjávar-
útvegi um 70%, en aukning varð í fjárfestingu í iðnaði, öðrum en
sjávarvöruiðnaði, vegna framkvæmda við álverið í Straumsvík, en
fjármunamyndun í öðrum iðnaði minnkaði verulega. Framkvæmdir við
rafvirkjanir og rafvirkjanir og rafveitur jukust um 92%, og var þar
aðallega um að ræða framkvæmdir við Búrfellsvirkjun. íbúðarbygg-
ingar drógust saman um 13% og byggingar hins opinbera um 7%. Til
byggingar sjúkrahúsa og sjúkraskýla var varið 186 millj. kr., og var
það 13% aukning frá árinu áður.1)
II. Framlag ríkis til heilbrigðismála.
Landlæknisembættið og héraðslæknar ............ kr. 19.316.000
Heilbrigðisstofnanir og læknisbústaðir .............. — 298.224.000
Sjúkratryggingar .................................... — 343.843.000
Ríkisframfærsla sjúkra manna og örkumla......... — 151.159.000
Ýmislegt ............................................ — 32.529.000
Samtals kr. 845.071.000
!) Frá Efnahag'sstofnuninni.