Heilbrigðisskýrslur - 01.12.1968, Blaðsíða 150

: 1968
— 148
umsagnar læknaráðs í málinu nr. 8284/1969: Á. Þ-son gegn Samvinnu-
tryggingum g. t.
Málsatvik eru þessi:
Föstudaginn 18. ágúst 1967, milli kl. 9 og 9,20 árdegis, varð stefn-
andi máls þessa Á. Þ-son, . .. ., f. . . október 1925, fyrir slysi, er hann
ók bifreið sinni .... út af þjóðveginum skammt frá Hvolsvelli. Við
slysið hlaut stefnandi höfuðáverka, áverka áhrygg og brot á brjóstlið.
Blóðsýni var tekið úr stefnanda í sjúkrahúsinu á Selfossi kl. 11 ár-
degis s. d., og samkvæmt vottorði Bjarna Konráðssonar læknis fund-
ust í því reducerandi efni, er samsvara 0,55%o af alkóhóli.
Málið er lagt fyrir læknaráS á þá leið,
að beiðzt er umsagnar um eftirfarandi atriði:
1. Hver áhrif á niðurstöðu alkóhólrannsóknarinnar ætla má, að sá
dráttur hafi haft, sem varð á því að taka blóðsýnishom úr stefnanda
eftir slysið.
2. Hver áhrif á niðurstöðu alkóhólrannsóknarinnar ætla má, að
ástand stefnanda, sem skapaðist af meiðslum þeim, er hann hlaut, hafi
haft.
Auk þessara tveggja spuminga er leitað álits ráðsins á því, hvort
stefnandi teljist hafa verið ölvaður í læknisfræðilegri merkingu,
a) miðað við útkomu alkóhólrannsóknarinnar,
b) miðað við hugsanlegt ástand stefnanda rétt fyrir slysið, ef ráðið
telur tíma þann, er leið frá slysinu og þar til blóðsýni var tekið,
skipta máli, svo og ef áverkar stefnanda, þegar blóðsýni var tekið,
eru taldir skipta máli.
Tillaga réttarmáladeildar um
Ályktun læknaráðs:
Ad 1. Ætla má, að drátturinn hafi valdið því, að alkóhólmagn í
blóði mældist lægra en það hefði gert strax eftir slysið. Al-
mennt má telja, að eftir alkóhólneyzlu brenni líkaminn að
jafnaði 0.1 g af alkóhóli/kg/klst., og myndi það svara til
0.15%o lækkunar á alkóhólmagni (koncentration) í blóði á klst.
Ad 2. Af þeim gögnum, sem fyrir liggja, verður ekki séð, að ástand
það, sem skapaðist af meiðslum þeim, er stefnandi hlaut við
slysið, hafi haft nein áhrif á niðurstöðu alkóhólrannsóknar-
innar.
Samkvæmt rannsóknum, sem gerðar hafa verið í Stokkhólmi, Kaup-
mannahöfn og Árósum, eru frá 4—18% manna, sem hafa 0.60%o af
alkóhóli í blóði, ölvaðir, 19—30% þeirra, sem hafa 0.61—0.80%o, og'
35—43% þeirra, sem hafa 0.81—1.00%o alkóhól í blóði.