Heilbrigðisskýrslur - 01.12.1968, Page 139
— 137
1968
1 stuttu máli: P. B-dóttir er fædd .... 1932 í Reykjavík, ólst upp
hjá foreldrum sínum að......Hún á eina hálfsystur sér eldri frá fyrra
hjónabandi móður hennar og 2 yngri alsystur. Ekki er vitað um neina
geðveiki í ætt P. P. ólst upp hjá foreldrum sínum. Móðir hennar er
sögð hafa verið allströng og mun hafa beitt P. líkamlegum refsingum,
þegar hún var barn að aldri, en þó ekki að því er virðist úr hófi fram.
Faðir P. er sagður rólyndur maður, og mun P. hafa verið hændari að
honum en móðurinni.
P. virðist hafa verið dul og feimin, frá því hún var barn, og
náði aldrei að mynda sterk tilfinningaleg sambönd við hvorugt foreldri
sitt. Hún lék sér lítt með öðrum börnum.
Hún lauk barnaprófi 13 ára. Vann síðan heima, þar til hún réðst
í vist í Reykjavík 16 ára gömul og kynntist þar S. G-syni, sem hún
giftist síðan .... 1950. Fóru þau að búa í Reykjavík 3 mánuðum
eftir fæðingu fyrsta barns þeirra. Alls eignuðust þau 3 dætur.
S. mun hafa drukkið allmikið, og fjárhagsleg afkoma heimilisins var
erfið. Þau skildu árið 1955, og fékk P. yfirráð yfir tveim yngi'i dætr-
unum, og voru þær sendar austur í .... og voru hjá móðurforeldrum
sínum þar til 1965. Rétt eftir skilnaðinn kynntist P. S. K-syni, hóf
með honum sambúð 1956, þótt hún vissi, að hann væri drykkjumaður
og hefði komizt í kast við lögin. Sambúð þeirra var mjög slæm, S. vann
stopult, var illur og með ofstopa, þegar hann var drukkinn, og var
sífellt að komast undir mannahendur. Eignuðust þau 3 syni, sá yngsti,
S. H., fæddist .... 1963. Hafði P. í hyggju að gefa hann til fósturs, en
snerist hugur, og dvaldist hann á vöggustofu fyrstu 2 ár ævi sinnar.
P. og S. slitu samvistum haustið 1963, en snemma á árinu 1966 fór
hún að vera með núverandi sambýlismanni sínum, S. G-syni, en þau
hófu sambúð árið 1966. Þau eiga eitt barn saman, telpu, fædda ....
1967. P. segir sambúð þeirra S. allgóða, segir, að hann hafi drukkið
mikið, áður en þau hófu sambúðina, en segir, að hann drekki nú minna
og vinni ávallt reglulega.
P. hefur haft yngsta son sinn, S., hjá sér síðan 1965 að því undan-
skildu, að hann hefur dvalið um tíma á barnaheimilum, bæði að ....
og á .....S. hefur ávallt verið mjög erfitt barn, og hefur hún orðið
að beita hann líkamlegum refsingum, binda hann niður í rúmið um næt-
ur öðru hvoru.
P. segir, að það hafi fengið mikið á sig, þegar hún hafi þurft að refsa
S., hún hafi skolfið innan á eftir og verið hrædd. Segist hún hafa al-
gjörlega misst stjórn á sér og barið S. hvað eftir annað, svo að á hon-
um sá, nóttina áður en hún lagðist hingað inn á Kleppsspítalann 27.
febrúar, og ennfremur, að hann hafi verið bólginn á vinstri úlnlið,
morguninn eftir að hún hafði bundið hann niður í rúmið, rúmri viku
áður en seinna atvikið átti sér stað. Hana grunaði samt ekki, að hann
væri beinbrotinn.
18