Heilbrigðisskýrslur - 01.12.1968, Síða 99

— 97 —
1968
Alafoss. Meðferð ungbarna er góð. Ljósmóðir fylgist reglulega með
þeim 3 fyrstu mánuðina eftir fæðingu.
Stykkishólms. Skipulegt ungbamaeftirlit var tekið upp á árinu. Var
það í höndum hjúkrunarkonu og sniðið eftir ungbarnaeftirliti Reykja-
víkur, eftir því sem við varð komið.
Reykhóla. Meðferð ungbarna ágæt, nema í einstaka tilfellum. Brjóst-
mötun virðist horfin úr sögunni nema fyrstu 1—3 mán. eftir fæðingu.
Búða. Meðferð ungbarna góð, en stöðugt jafnerfitt að fá konur til að
hafa börnin á brjósti.
VII. Slysfarir.
A. Slys.
Slysfaradauði og sjálfsmorð síðasta áratug teljast sem hér segir:
1959 1960 1961 1962 1963 1964 1965 1966 1967 1968
Slysadauði 121 63 86 86 112 104 109 100 99 100
Sjálfsmorð 11 13 19 17 15 18 22 37 30 15
Rvík. Slysavarðstofa Reykjavíkur flutti starfsemi sína 29. maí í
Borgarspítalann í Fossvogi. Á Slysavarðstofuna komu á þessu ári til
fyrstu aðgerða 20203 sjúklingar, 13246 karlar og 6957 konur. Mann-
dráp voru tvö. Sjálfsmorð voru fjögur.
Alafoss. Gert var að mörgum minni háttar slysum. Meiri háttar slys
eru öll send á Slysavarðstofu Reykjavíkur.
Akranes. Öll meiri háttar slys koma til meðferðar á sjúkrahúsinu.
Eitt banaslys varð á árinu.
Stykkishólms. Ekkert dauðaslys varð á árinu, og yfirleitt var lítið
um slysfarir. Skráð eru 20 beinbrot. Drengur slasaðist allilla á dráttar-
vél.
Ólafsfj. Töluvert mikið um smáslys og beinbrot á árinu.
Breiðumýrar. Töluvert um slys á árinu, þar á meðal eitt dauðaslys.
Liðlega sextugur bóndi varð undir dráttarvél, sem valt út af vegi með
hann, og mun hann hafa látizt samstundis.
Hvols. Tvö dauðaslys.
B. Slysavarnir.
Álafoss. 1 Mosfellssveit er starfandi björgunarsveit, sem hægt er
að leita til, ef stórslys ber að höndum.
Akranes. Slysavarnadeildir bæði karla og kvenna starfa af miklum
krafti.
13