Börn og menning - 01.09.2007, Blaðsíða 22

20
Börn og menning
Þorsteinn Þorsteinsson
Við hjónin eigum tvær dætur, Svanhildi
Silju 8 ára og Sóldísi Eik 5 ára. Frá upphafi
ákváðum við að lesa reglulega fyrir dætur
okkar, syngja með þeim og kenna þeim
bænir. Við höfum haldið þessa reglu
nokkuð vel og þá einkum i tengslum við
þær stundir þegar farið er að hátta á
kvöldin. Ákvörðun okkar hjóna var svo sem
ekki mikið rædd. Hún var einhvern veginn
svo sjálfsögð. Konan mín er uppeldis-
og menntunarfræðingur og við höfðum
bæði mjög góða reynslu af slikum lestri í
bernsku okkar. Ég átti foreldra sem lásu og
sungu fyrir mig og með mér. Ég á fjögur
uppkomin börn og las mikið fyrir þau á
þeirra upppvaxtarárum ásamt móður þeirra
heitinni.
Þrjár ómissandi
Af öllum þeim bókum sem ég hef lesið fyrir
dætur mínar hafa þrjár bækur náð því að
vera algjörlega ómissandi og þar af leiðandi
sígildar í bókmenntaheimi heimilisins. f
fyrsta lagi er það Visnabókin. Hún kom
fyrst út 1946. Ég fékk bókina í jólagjöf
þriggja ára gamall og hún fylgdi mér fram
á unglingsaldur. Ég hef því haft sérstaka
ánægju af því að lesa og syngja úr bókinni
fyrir öll börnin mín sex. Með því er ég á
ákveðinn hátt að launa fyrir það sem ég fékk
sjálfur að njóta hjá foreldrum mínum.
Önnur bók sem nýtur mikilla vinsælda
er afar sérstök. Bókin heitir Unga ísland og
hefur að geyma árganga tímaritsins 1905
-1909. Tímaritið Unga ísland var barnablað
sem kom út mánaðarlega. Afi minn, sem
var bókbindari, batt tímaritin inn í skinnband
árið 1910. Blöðin hafa að geyma fróðleik,
ævintýri, skemmtisögur, felumyndir, ýmiss
konar þrautir o.fl. Óþrjótandi efni fyrir börn.
Éelumyndirnar eru mjög vinsælar og þótt
dætur mínar þekki þær til hlítar er reglulega
beðið um að fá að skoða þær. Ég man sjálfur
eftir áhuga mínum á þessum felumyndum
og velti því oft fyrir mér hvers vegna þær
eru nær alveg horfnar úr bókmenntaheimi
barnanna.
Þriðja bókin er af öðrum toga en reynist
ótrúlega gagnleg og skemmtileg. Það er bókin
Fyrstu 1000 orðin - skoðaðu og lærðu með
bangsa. Við nefnum bókina gjarnan Badda
bangsa sem leikur aðalhlutverkið í þeim fjölda
mynda sem eru í bókinni. Megintilgangur
bókarinnar er að auka orðaforða barna.
Ýmsar skemmtilegar spurningar eru í bókinni
og höfða þær vel til mjög ungra barna. Með
því að bæta við spurningum sem tengjast
orðaforða og orðanotkun reynist bókin mjög
gagnleg fyrir börn sem orðin eru dálítið eldri,
s.s. sjö til átta ára gömul. Ég hef haft það
fyrir reglu að lesa þrjár opnur úr bókinni fyrir
svefninn. Nokkrar spurningar eru á hverri
síðu og hafa þær Svanhildur og Sóldís lært
þær utan að og svörin líka. Ég reyndi fljótlega
að bæta við spurningum og féllu þær í góðan
jarðveg. Vinsælast er leggja á minnið öll
smáatriði á myndunum. Þá er kúnstin sú að
fá tíma til að skoða hverja mynd í smátfma
og síðan á ég að loka bókinni og spyrja um
hvernig tilteknir hlutir eru á litinn, hversu
margir þeir eru og hver haldi á hverju o.s.frv.
Þetta er sem sagt nokkuð góð þjálfun í að
taka eftir og muna.