Börn og menning - 01.09.2007, Blaðsíða 44
42
Börn og menning
Vetrarstarf IBBY hafið
Eins og sjá má á eftirfarandi er vetrarstarf
IBBY á (slandi komið á fulla ferð. Fyrsti
stjórnarfundurinn var haldinn í byrjun
september en þá gekk Anna Árnadóttir
kennari í Hamraskóla til liðs við stjórnina
í stað Sigríðar Matthíasdóttur sem lét af
störfum í vor. Um leið og Sigríði eru þökkuð
vel unnin störf á liðnurm árum bjóðum
við Önnu hjartanlega velkomna í hópinn.
Verkaskipting innan stjórnarinnar er með
eftirfarandi hætti: Guðlaug Richterformaður,
Þorbjörg Karlsdóttir varaformaður, Sólveig
Ebba Ólafsdóttir gjaldkeri, Anna Árnadóttir
ritari, Anna Heiða Pálsdóttir vefstjóri og
Iðunn Steinsdóttir fulltrúi í norrænu samstarfi.
Auk Þórdísar Gísladóttur ritstjóra sitja Brynja
BaldursdóttirogOddnýS. Jónsdóttirí ritnefnd.
Á fyrsta stjórnarfundinum var gengið frá
tilnefningum á Heiðurslista IBBY sem verður
til sýnis á heimsþingi IBBY í Kaupmannahöfn
2008. Eftirfarandi höfundar voru tilnefndir:
Sigrún Eldjárn fyrir Steinhjartað, Sólveig Halla
Þorgeirsdóttir fyrir myndir í Rissa vill ekki
fljúga og Rúnar Helgi Vignisson fyrir þýðingu
sína á Silfurvæng eftir Kenneth Oppel.
Sigrún fékk Sögustein
Sögusteinn, barnabókaverðlaun IBBY og
Glitnis, voru veitt í fyrsta sinn á alþjóðlegum
degi barnabókarinnar, 2. apríl sl. Það var
Sigrún Eldjárn sem hlaut verðlaunin, 500.000
kr., ásamt fallegum verðlaunagrip sem
hannaður var af Önnu Þóru Árnadóttur.
Verðlaunin voru afhent af Þorgerði Katrínu
Gunnarsdóttur, menntamálaráðherra að
viðstöddu fjölmenni. Stjórn IBBY skipaði
sérstaka þriggja manna nefnd til að velja
verðlaunahafann en hana sátu Anna Heiða
Pálsdóttir, bókmenntafræðingur, Ármann
Jakobsson, bókmenntafræðingur og
Ragna Sigurðardóttir, myndlistarkona og
rithöfundur. ( greinargerð valnefndarinnar
segir meðal annars:
„Framlag Sigrúnar til íslenskra
barnabókmennta liggur jafnt í hennar eigin
textum og myndlýsingum við þá, sem og
myndlýsingum við texta annarra höfunda.
Bækur hennar, sem nálgast bráðum
fjórða tuginn, um brjálaða vísindamenn,
geimeðluegg og geðilla kirkjuverði, skilja
eftir sig lifandi myndir sem börn kalla
auðveldlega fram í huganum og börnin vísa
jafnvel til Tímóteusar, Teits og geimeðla sem
raunverulegra persóna og fyrirbæra. Sigrúnu
hefur tekist vel að tengja íslenskar þjóðsögur
og ævintýri við sígilda, alþjóðlega sagnagerð
og jafnvel vísindafantasíur og hrollvekjur.
Hún hefur aldrei óttast að leita þangað sem
aðrir ekki þora, í leit að nýjum landamærum
og kynnt til sögunnar fyrirbrigði sem eiga
sér ekki augljósa rót ( raunveruleikanum. Þó
hafa hlutirnir einhvern veginn þróast þannig
að raunveruleikinn nálgast smám saman
hugmyndir Sigrúnar, á skjön við það sem
almennt þekkist.
Sigrún Eldjárn er fyndin og frumleg og
nær sambandi við hugarheim barna án
milligöngu skiptiborðs þar sem fullorðnir sitja
við stjórnvölinn. Samt eru foreldrar og aðrir
uppalendur hugfangnir af verkum Sigrúnar,
því í þeim felst hrifning, hugarflug, húmor,
kjarkurog frumleiki. Börnin
í verkum hennar búa yfir
hugrekki og sjálfstæðum
skoðunum, þau taka
ákvarðanir og axla ábyrgð
án þess að glata barninu í
sér. Af þessum ástæðum,
ásamt mörgum fleiri,
teljum við Sigrúnu Eldjárn
verðugan viðtakanda
heiðursverðlauna IBBY á
íslandi og vonum að þau
verði henni hvatning til
fleiri tilrauna og stærri
verka í þágu íslenskra
barnabókmennta."
Bókadagatal IBBY
2008
Það hefur vonandi ekki
fariðframhjáviðtakendum
blaðsins að því fylgir
B-óteadagatnt
IBBY
Sigrún Eldjárn