Börn og menning - 01.09.2007, Blaðsíða 38
Börn og menning
Þórdís Gísladóttir
Leyst frá skjóðunni
Skilaboðaskjóðan í Þjóðleikhúsinu
Ævintýrið Skilaboðaskjóðan kom út fyrir
tæpum tuttugu árum og hlaut höfundurinn
Þorvaldur Þorsteinsson, sem bæði samdi
söguna og myndskreytti, viðurkenningu
IBBY fyrir bókina árið 1986. Nokkrum
árum siðar skrifaði Þorvaldur leikgerð af
verkinu og var Skilaboðaskjóðan sett upp
í Þjóðleikshúsinu, i leikstjórn Kolbrúnar
Halldórsdóttur, veturinn 1993-1994. Sú
sýning er afar eftirminnileg, fékk afburða
góða dóma og diskur með tónlistinni, sem
gefin var út á sama tíma, er margspilaður
á mörgum heimilum og löngu uppseldur.
Nú hefur Þjóðieikhúsið sett upp
Skilaboðaskjóðuna á ný, enda ný kynslóð
barna og foreldra komin til sögunnar.
Sem fyrr er vandað til verka og fáa galla
að finna á þessari sýningu sem Gunnar
Helgason leikstýrir.
Vel skrifað leikrit
Texti Skilaboðaskjóðunnar er í algjörum
hágæðaflokki enda er Þorvaldur Þorsteinsson
afskaplega vel skrifandi höfundur. Ýmiss
konar orðasprell og tvíræðni skemmta
áhorfendum, ekki síður fullorðnum
en börnum, sem skilja líklega ekki alla
útúrsnúningana. En þetta er einmitt einn af
góðum kostum verksins og gerir það að því
sem oft er kallað „foreldravænt", börnum
finnst líka alltaf miklu skemmtilegra að
horfa og hlusta á það sem foreldrar þeirra
skemmta sér yfir með þeim.
í Ævintýraskóginum
Sagan gerist í Ævintýraskóginum þar sem
gleymni skógardvergurinn Dreitill flytur
skilaboð milli íbúanna. Sér til hjálpar hefur
hann skilaboðaskjóðuna sem Skemill
uppfinningadvergur hefur fundið upp. (
skjóðuna er hægt að tala og geyma síðan
það sem sagt var þar til næst þegar leyst er
frá skjóðunni. Þessi hugmynd er auðvitað
frábær og skjóðan í sýningunni er gripur
sem þenst sundur og saman og verður síðan
til þess að ævintýrið endar farsællega.
Gott og illt
Líkt og í öllum bestu ævintýrunum takast
á góð öfl og ill í Skilaboðaskjóðunni
og auðvitað sigrar hið góða að lokum.
Aðalpersónurnar eru Putti litli, forvitinn og
hress strákur, og mamma hans, hin elskulega
og hugrakka Maddamamma saumakona.
Þau búa í litlu húsi í Ævintýraskóginum.
Vinir þeirra, dvergarnir fimm, búa á næstu
grösum. Þekktar persónur ævintýra eru á
sveimi um skóginn. Illa Nátttröllið, sem býr í
Tröllafjalli þrammar um á nóttunni og tekur
Putta litla til fanga, vonda og fáfengilega
stjúpan og nornin með vörtu á nefinu
og kúst, læðast líka um sviðið. Úlfurinn
og Rauðhetta, með körfuna, eru á sínum