Dagur - 12.02.1988, Blaðsíða 12
Jónas Jónsson
skólastjóri JráHriflu
Við landskjör tilAlþingis 1922 voru fimm listar íframboði, og skipaði Jón-
as Jónsson, skólastjóri í Reykjavík, efsta sœtið á B-listanum, lista fram-
sóknarmanna. Eftir að framboð Jónasar hafði verið tilkynnt skrifaði Jónas
Þorbergsson, þáverandi ritstjóri Dags, eftirfarandi grein í blaðið. Þykir rétt
að endurbirta hana nú til heiðurs minningu þeirra nafnanna beggja, Jónas-
ar Jónssonar, sem átti manna mestan hlut að stofnun blaðsins og Jónasar
Þorbergssonar, er var ritstjóri Dags um átta ára skeið, þegar blaðið var að
slíta barnsskónum, komast til þroska og vinna sér fastan sess í hugum og
lífi Norðlendinga. Greinin er snilldarleg lýsing samtímamanns og baráttu-
félaga á stjórnmálamanninum Jónasi Jónssyni og gott sýnishorn af ritfimi
og rökvísi Jónasar Þorbergssonar. Við lestur hennar er rétt að hafa í huga,
að þetta er skrifað áður en langur þingmannsferill Jónasar Jónssonar hófst
og fimm árum áður en hann settist í ráðherrastól.
Um engan núlifandi stjórnmála-
mann íslendinga hefir staðið slíkur
stormur sem um Jónas Jónsson frá
Hriflu, þegar frá er talinn Ólafur
Friðriksson. Enginn maður sem
hann á því láni að fagna að eiga
marga geigfulla andstæðinga, þungt
hugsandi um sinn hag, í þeim flokki
manna, sem hvergi vilja láta skerða
rétt og aðstöðu fárra einstaklinga
þjóðarinnar til þess að raka þjóðar-
auðnum í sínar hendur og þar með
fullu valdi yfir fjármunalegum ástæð-
um alþýðunnar frá degi til dags.
Enginn maður heldur hefir um sig
jafnfjölmennan og harðsnúinn flokk
fylgismanna, sem eru ráðnir í því að
berjast til þrautar með honum og til
úrslita í þeim málum þessarar
þjóðar, sem framtíð hennar veltur á.
Nú er, sem kunnugt er, Jónas efsti
maður á B-listanum til landkjörs 8.
júlí n.k. Er því viðeigandi, að fara
nokkrum orðum um hann, manninn,
sem mestar deilur standa um, hvort
sé vel til þingmennsku fallinn eða
ekki og sem öllum kemur saman um,
að mikið velti á fyrir þjóðina, hvort
hann verður kjörinn eða ekki.
Uppruni og menntun
Hér verður ekki rituð ævisaga Jónas-
ar frá Hriflu, heldur aðeins getið hins
helsta í ævi hans og störfum. Jónas
er fæddur og uppalinn í Hriflu í Ping-
eyjarsýslu. Hann er af góðu en
fátæku foreldri kominn. í æsku þótti
hann snemma hneigjast fremur til
bóklegra en verklegra starfa, en var
Jónas Jónsson.
hægfara og stilftur og ekki svo
bráðger, sem margur mundi nú ætla
að verið hefði. Hann gekk í gegnum
Gagnfræðaskólann á Akureyri og
skaraði þá þegar fram úr, bæði í
námi og félagslífi. Par tók hann
hæstu einkunn, sem við skólann hef-
ir verið tekin. Undirbúningskennslu
hafði hann hlotið hjá barnakennara
einum sunnlenskum, öldruðum
manni og gáfuðum, og hefir sá
barnakennari sagt þeim, sem þetta
ritar, að Jónas hafi skarað langt fram
úr öllum sínum mörgu nemendum,
bæði að greind og næmi. Að loknu
námi á Akureyri fór Jónas til Askov.
Um þær mundir var skólinn þar
rómaður mjög og dirfðist enginn á
móti að mæla. En nú brá svo við, að
Jónasi líkaði skólinn ekki alls kostai;
og ritaði allítarlega og mjög rök-
studda ádeilugrein um hann.
Mörgum, sem kynnst höfðu skólan-
um, opnaðist þá nýtt sjónarsvið út
yfir það mái, svo að sundur raknaði
og varð ljóst, það sem fyrir þeim
Dagur 70 ára
Jónas beitti sér mjög fyrir samvinnumenntun í landinu og fyrir atbeina hans var Sam-
vinnuskólinn á Bifröst stofnaður.
12
*