Dagur - 12.02.1988, Side 35
í menntuðu landi, en umfram allt vill
hann vera víðsýnt blað, sem lætur sig
varða um heillir og hag alþjóðar ekki
síður en einstakra stétta og héraða,
og sem ekki síður ber andlegar fram-
farir fyrir brjósti, en eílingu atvinnu-
veganna.“
Það flýgur í hugann við lestur síð-
ustu orðanna þarna hjá hinum nýja
ritstjóra, að honum hafi fundist hin
andlegu málefni eiga of lítið rúm í
blaðinu miðað við öll skrifln um
verklega uppbyggingu og framfarir í
atvinnumálum á þessum tíma, enda
er strax í næstu blöðum farið að
skrifa meira um bækur og stefnur í
mennta- og menningarmálum en
áður hafði verið. Þar með var enn
aukið á fjölbreytni í efnisvali.
Friðrik Á. Brekkan starfaði við
blaðið í rétt tvö ár. Hann lét af störf-
um í október 1930 og fluttist þá til
Reykjavíkur.
Farið að ræða stækkun
Dagur hafði nú komið út um árabil
einu sinni í viku og oftast Qórar
síður, stöku sinnum þó aðeins tvær.
En í fyrsta blaði ársins 1930, þegar
13. árgangur hefst, segir í ávarpi til
lesenda: „Nánustu aðstandendur
blaðsins hafa mjög í hyggju að
stækka það að miklum mun, þegar
fært þykir Qárhagsins vegna.“ Jafn-
framt er mjög þung áhersla lögð á
það, að framtíð blaðsins velti á skil-
vísi kaupenda, en lesa má á milli lín-
anna að talsvert skorti á að hún sé í
nógu góðu lagi, „og ættu allir fram-
sóknar- og samvinnumenn fyrst og
fremst að bindast samtökum um að
uppræta þann ósið sín á meðal“.
Stækkunin er því ekki alveg tímabær
að svo stöddu.
25. apríl þetta ár er þó tilkynnt, að
fyrst um sinn muni blaðið koma út
tvisvar í viku, á mánudögum og
föstudögum. Sú ráðstöfun stóð þó
ekki nema um tveggja mánaða skeið
og hefur sennilega verið gerð með
hliðsjón af kosningum, sem fram-
undan voru. Alls komu út 67 blöð á
árinu 1930.
Enn þurfti að bíða um sinn eftir
varanlegri stækkun eða fjölgun
útgáfudaga.
Viðburðaríkt ár
Árið 1930 var viðburðaríkt á íslandi.
Á Þingvöllum við Öxará minntust
landsmenn þúsund ára afmælis
Alþingis. í Eyjafirði minntust menn
50 ára afmælis Gagnfræðaskólans
norðlenska og Kaupfélag Eyfirðinga
hóf deildaskipta verslun í mesta
verslunarhúsi á íslandi. í Reykjavík
sprengdu Morgunblaðsmenn „stóru
Úr myndasafni Dags. Flogið yflr Grímsey.
bombuna" og boðuðu landslýð þann
fögnuð, að dómsmálaráðherrann
væri brjálaður. Um alla þessa merk-
isatburði var að sjálfsögðu ítarlega
fjallað í Degi. M.a. birtust í blaðinu
tvær af frægustu blaðagreinum Jón-
asar Jónssonar dómsmálaráðherra.
Eftir lestur þeirra andaði alþýða
manna léttar og fagnaði því, að
sprengja Morgunblaðsmanna hafði
ekki hitt í mark. Þegar ráðherrann
ferðaðist um Þingeyjarsýslu síðar á
árinu, var honum fagnað sem þjóð-
hetju.
Sigfús Halldórs frá Höfnum
Tíminn líður og Ingimar Eydal rit-
stýrir Degi með sóma, breytingar á
útliti blaðsins og uppsetningu eru
ekki miklar, en Ingimar er iðinn við
að fá hina ágætustu menn til að
skrifa í blaðið og það nýtur vinsælda.
í upphafi árs 1934 er loks ráðinn
nýr aðstoðarmaður. Sigfús Halldórs
frá Höfnum, sem haustið 1930 flutt-
ist til Akureyrar vestan um haf og tók
við skólastjórn Gagnfræðaskólans á
Akureyri, sem þá var nýr af nálinni,
verður nú fréttaritstjóri Dags. Áður
en Sigfús flutti til Akureyrar hafði
hann verið ritstjóri Heimskringlu í
Winnipeg.
En jafnframt ráðningu Sigfúsar er
tilkynnt um stækkun á blaðinu,
„þannig að heilt blað kemur út á
hverjum fimmtudegi eins og áður, og
auk þess tvö blöð hálf, annað á
þriðjudögum, hitt á laugardögum;
kemur blaðið þannig ýt annan hvern
virkan dag hverrar viku og työfaldast
því að stærð frá því, sem áður hefir
verið.“ • » *
Veruleg breyting verður nú á efni
blaðsins. Það er ljóslega stefnt að því
að gera blaðið að miklu meira frétta-
blaði en áður hefur verið, fréttarit-
stjórinn ætlar að standa undir nafni,
og gerir það. Innlendar fréttir aukast
til muna, en jafnframt er farið að
birta erlendar fréttir í stórum stíl og
einstakar greinar um ýmisleg
málefni úti í hinum stóra heimi.
Forsíðan er nú yfirleitt öll tekin undir
fréttir og stundum meginhluti blaðs-
ins.
Erlendar fréttir höfðu ekki áður
verið í Degi nema sem einstakar
setningar, en sjónsvið fréttaritstjór-
Dagur 70 ára
35