Börn og menning - 2019, Síða 23

Ástin á fótboltanum
Sunna Dís Másdóttir
Bækur
Ungfrú fótbolti
Brynhildur Þórarinsdóttir
Mál og menning, 2019
Í Breiðholti áttunda áratugarins, sem
rétt er að skríða upp úr húsgrunnun-
um, býr Gerða, tæplega þrettán ára
stelpa. Hún er ekki með hurð fyrir her-
berginu sínu, ekki ennþá, það er svo
margt annað sem þarf að gera í húsinu
í Birkiselinu fyrst og heill garður sem
þarf að tyrfa. Gerða er stelpa á mótun-
artíma; hún fetar línuna á landamærum
bernsku og unglingsára; milli bóka-
hillna með Nancy-bókum og Bodil Forsberg. Hún er
enn svo smávaxin að það stoðar ekkert að reyna að fá
áhuga á tískuvörum, en með stóra drauma um fram-
tíðina í brjósti.
Og þeir snúast ekki um tískuvörur. Gerða lifir og
hrærist í fótbolta – götuboltanum í Birkiselinu með
jafnöldrum sínum og systkinum þeirra. Á vellinum sem
þau afmarka á götunni, af því að þeim stendur hvergi
annars staðar til boða völlur í hverfinu sem er að rísa,
há þau hverja hildina á fætur annarri í æsispennandi
leikjum.
Eins og titillinn gefur til kynna er bók Brynhildar
Þórarinsdóttur fyrst og fremst fótbolta-
bók. Ástin á fótboltanum skín í gegn
á hverri síðu og er enn fremur burðar-
virki og drifkraftur sögunnar. Leikj-
um er lýst af mikilli nákvæmni, sem
höfundi ferst vel úr hendi, lesandinn
sér fyrir sér hverja erfiða sendingu og
marktilraun. Ungfrú fótbolti skipar sér
þar með í flokk með öðrum bókum
sem litið hafa dagsins ljós á síðustu
árum – og sem sumar hverjar hafa
notið gríðarlegra vinsælda – og snúast
á svipaðan hátt um fótboltann sem
íþrótt, lífsstíl, jafnvel trúarbrögð. Þar
fara líklega fremstir í flokki Jón Jónsson og félagar hans
í bókaflokki Gunnars Helgasonar, en mun fleiri höf-
undar hafa lagt hönd á plóg á þeim iðjagræna velli; Þor-
grímur Þráinsson og Hjalti Halldórsson, svo dæmi séu
nefnd. Þær bækur eru flestar skrifaðar inn í spriklandi
samtíma þar sem íslenska fótboltalandsliðið nær frægð
og frama í útlöndum og lesendur sem einnig eru fót-
boltaiðkendur geta þekkt sig í flestum senum; hafa
stundað sömu mót og borðað pylsur með öllu í sömu
sjoppum og sögupersónurnar.
Ungfrú fótbolti er skrifuð inn í allt annan veruleika.
Brynhildur staðsetur bók sína kirfilega í bæði tíma