Börn og menning - 2019, Blaðsíða 34

Börn og menning34
Bókin byrjar á lúmskri vísun í Biblíuna. Áður en frá-
sögnin hefst segir höfundurinn að hér verði sagt frá því
hvernig börn eru búin til, en það fyrsta sem við þurfum
að vita sé að ekki er hægt að búa til barn úr engu. Þú
þarft að byrja með eitthvað. Í upphafi var eitthvað.
Svo hefst frásögnin og Silverberg fer beint í kjarnann.
„Þetta er egg. Það hafa ekki allir líkamar egg, sumir hafa
egg en aðrir ekki.“
Hér er hvorki minnst á konur eða mæður, enda eru
ekki bara mæður með egg og ekki heldur hægt að gera
ráð fyrir að konur hafi egg. Það er ekki bara einföldun,
það er ósatt. Hér er rými fyrir kynsegin einstaklinga og
intersex fólk.
Samasemmerki samfélagsins
Það sem er ekki talað um í bókinni en mjög gjarnan
talað um almennt í tengslum við gjörðina að búa til
barn:
Kyn
Mæður
Feður
Samfarir
Í stað þess að tala um samfarir er spurt: „Hver aðstoðaði
við að leiða saman eggið og sáðfrumuna sem urðu að
þér?“ Svarið er ekki endilega mamma og pabbi. Önnur
möguleg svör eru:
Mamma og mamma
Læknar á tæknifrjóvgunarstofunni
Ókunnugt fólk í öðru landi, blóðforeldrar mínir
Pabbi og pabbi
Mamma
Og örugglega margt annað. Stundum eru mörg rétt
svör.
Í bókinni er einfaldlega sagt: „Þegar fullorðnir vilja
búa til barn þurfa þeir egg frá einum líkama og sáð-
frumu frá öðrum líkama. Svo þurfa þeir líka stað þar
sem barnið vex.“ Þetta vitið þið öll sem lesið þessa
grein, en við erum vön ýmsum samasemmerkjum. Í
þessari bók eru ekki sett nein samasemmerki. Egg þýðir
ekki endilega móðir og sáðfruma kemur ekkert endilega
frá föður. Hér eru nokkur dæmi sem þessi lýsing getur
átt við:
Egg frá móður og sáðfruma frá föður, barnið vex í
móðurlífi móður sinnar
Egg frá móður og sáðfruma frá gjafa, barnið vex í
móðurlífi hinnar móður sinnar
Gjafaegg og sáðfruma frá föður, barnið vex í móðurlífi
móður sinnar
Egg frá móður og sáðfruma frá gjafa, barnið vex í
móðurlífi annarrar konu
Svona getum við haldið lengi áfram, sum börn eiga til
dæmis tvær mæður og tvo feður sem ákváðu í samein-
ingu að búa það til. Þau eru öll jafngildir foreldrar þess,
þrátt fyrir að lagalega séð geti börn enn bara átt tvo for-
eldra.
Silverberg leitast jafnvel við að útskýra erfðafræðina
fyrir ungum forvitnum lesendum sínum. Það leysir
hann á ljóðrænan máta, í samvinnu við myndhöfund-
inn Fionu Smith. Sáðfruman í bókinni býr yfir mörg-
um sögum sem fjalla um líkamann sem hún kemur úr.
Það sama gildir um eggið, það kann margar sögur um
líkamann sem það kemur úr. Þegar getnaður á sér stað
dansa sáðfruman og eggið ákveðinn dans og segja hvort
Áður en barnið fæðist eru líkamar settir fram án allra.
persónueinkenna.