Börn og menning - 2019, Síða 37

Heimsmynd okkar býr
í tungumálinu
Hjalti Halldórsson
Inngangur
Nú í haust tók ný stjórn Íslandsdeildar IBBY til starfa.
Undirritaður tók við formennsku af Ingibjörgu Ösp
Óttarsdóttur sem nú er varaformaður, Sævar Helgi
Bragason og Guðrún Elísa Ragnarsdóttir tóku sæti í
stjórn og Ásmundur Helgason, Dröfn Vilhjálmsdóttir
og Magnea J. Matthíasdóttir sitja einnig í stjórninni.
Eva Rún Þorgeirsdóttir og Kristín Ragna Gunnarsdótt-
ir létu gott heita að sinni og þökkum við þeim fyrir
óeigingjarnt starf.
Starfsemi Íslandsdeildar IBBY hefur verið í föstum
skorðum undanfarin misseri. Hefðbundin verkefni hafa
vaxið og dafnað og óhætt að fagna því hversu föst í sessi
útgáfa Barna og menningar er ásamt viðburðum eins og
Degi barnabókarinnar og Vorvindum IBBY. Stjórnin
hefur einsett sér að sinna þessum föstu liðum áfram af
alúð ásamt því sem undir niðri kraumar, viljanum til að
gera meira og betur í allri umræðu um barnamenningu
og þá sérstaklega barnabókmenntir.
Dagur barnabókarinnar
Haldið var upp á dag barnabókarinnar sem er 2. apríl.
Smásagan Hverfishátíðin eftir Gerði Kristnýju Guð-
jónsdóttur var flutt í öllum grunnskólum landsins af
því tilefni. Sagan vakti mikla lukku og er óhætt að full-
yrða að upplestur þessara sagna sé orðinn hluti af skóla-
starfinu í langflestum skólum. Jafnframt hefur IBBY
gefið út kennsluefni í tengslum við sögurnar.
Þetta var í tíunda sinn sem IBBY á Íslandi fagnar
deginum með því að færa grunnskólabörnum á Íslandi
smásögu að gjöf. Margir bestu barnabókahöfundar
landsins hafa verið fengnir til að semja smásögu sem
hefur verið lesin ár hvert á Rás 1 svo að öll þjóðin geti
lagt við hlustir.
Á dögunum kom svo út hjá Menntamálastofnun
bókin Smátímasögur – sögur fyrir þig sem inniheldur níu
fyrstu smásögurnar ásamt nýjum myndskreytingum.
Sögurnar eru samdar fyrir lesendur á aldrinum 10-16
ára, sem þýðir að þær höfða í rauninni til allra.
Vorvindar
Á vordögum veitti Íslandsdeild IBBY sínar árlegu viður-
kenningar fyrir framlög til barnamenningar, Vorvinda,
við athöfn í Gunnarshúsi, húsi Rithöfundasambands
Íslands.
Krakkaklúbburinn Krummi í Listasafni Íslands hlaut
Vorvinda fyrir framlag sitt til barnamenningar. Klúbb-
urinn var stofnaður haustið 2018 og þar er í fyrirrúmi
metnaðarfull og spennandi dagskrá þar sem fer saman
innblástur og sköpun. Þannig skapar Krakkaklúbb-
urinn Krummi nærandi og þroskandi umhverfi fyrir
yngstu gesti sína. Þetta er glæsilegt og vel útfært verk-
efni sem auðgar bæði listlæsi og listsköpun barna.
Lestrarklefinn hlaut Vorvindaviðurkenningu fyrir
að gera barnabækur sýnilegri í bókmenntaumræðunni.
Lestrarklefinn er með vandaðar umfjallanir um bæk-
ur, bókmenntir og lestur á vefsíðu sinni. Þar fjallað
um allt frá harðspjaldabókum yngstu lesendanna til
hrollvekjandi vampírusagna sem ætlaðar eru stálpuðum
unglingum. Ritdómarar nálgast öll umfjöllunarefni af
IBBY fréttir