Morgunblaðið - 17.06.2021, Qupperneq 31

+ + + = 19.990 kr.
A L LT ÓTA K M A R K A Ð
FRÉTTIR 31Innlent
MORGUNBLAÐIÐ FIMMTUDAGUR 17. JÚNÍ 2021
Vagnhöfði 7, 110 Reykjavík | Sími: 517 5000 | stalogstansar.is
stalogstansar.is
Allt til
kerrusmíða
2012
2020
Margrét Þóra Þórsdóttir
Akureyri
„Við finnum sterkt fyrir því að fólk
hefur áhuga á að flytja í Hörgár-
sveit,“ segir Snorri Finnlaugsson
sveitarstjóri. Íbúum hefur fjölgað,
nýjar íbúðir rísa hratt í þéttbýlis-
hverfi við Lónsbakka og leikskólinn
Álfasteinn sem þar er hefur tvisvar
verið stækkaður á skömmum tíma,
um 110 fermetra í hvort skipti.
Boðið var til fögnuðar þegar nýja
byggingin við Álfastein var tekin
formlega í notkun. Hún var tilbúin
síðla í mars þegar samkomubann var
í gildi og ekki unnt að bjóða fólki að
skoða en full ástæða þótti til að gera
sér glaðan dag af þessu tilefni.
Þetta er þriðja viðbyggingin við
leikskólann frá því hann var fyrst
tekinn í notkun árið 1995.
Fyrir fimm árum voru 25 börn í
leikskólanum og var hann þá um 175
fermetrar að stærð. Nú eru börnin
58 talsins og fermetrarnir orðnir nær
400. Nýrri deild var að þessu sinni
bætt við sem og rúmgóðum sal með
sviði sem notaður verður við sam-
komur ýmiskonar. Þar er einnig að
finna klifurvegg sem börnin hafa
mjög gaman af.
Íbúar í Lónsbakkahverfinu
verða um 400 talsins
Stækkun á leikskólabyggingunni
helst í hendur við fjölgun íbúa Hörg-
árbyggðar sem senn verða 700 tals-
ins. Íbúum hefur á allra síðustu árum
fjölgað um á annað hundrað manns.
Snorri segir væntanlega íbúa horfa
til þess að sveitarfélagið sé vel rekið,
með sterka innviði og þar sé unnt að
sameina bestu kosti bæði þéttbýlis
og dreifbýlis.
Rúm tvö ár eru frá því hafist var
handa við gatnagerð og síðar bygg-
ingarframkvæmdir í þéttbýlinu við
Lónsbakka, í tveimur götum við
Reyni- og Víðihlíð. Þar eru nú 30
nýjar íbúðir með 70 íbúum. Í bygg-
ingu eru 28 íbúðir og styttist í að
byrjað verði á jafnmörgum. Lóðir
eru til reiðu í hverfinu fyrir 32 íbúðir
og gert ráð fyrir að bygging á þeim
hefjist á næsta ári. Þegar fram-
kvæmdum lýkur í Lónsbakkahverf-
inu verða þar 118 íbúðir með um 400
íbúa.
Íbúðarhús verða byggð á
Hjalteyri og við Glæsibæ
Snorri segir að fjórar íbúða-
húsalóðir séu tilbúnar á Hjalteyri.
Búið er að úthluta þremur þeirra og
framkvæmdir hefjast senn. Eins
nefnir hann að við Glæsibæ séu í boði
18 stórar sjávarlóðir fyrir einbýlishús
og hefur 11 þeirra verið úthlutað og
fyrsti grunnur að fyrsta húsi þegar
verið tekinn.
Fallið hefur verið frá áformum um
að útbúa litlar leiguíbúðir í fyrrver-
andi heimavist Þelamerkurskóla, en
hún verður í staðinn notuð sem fram-
tíðarskólahúsnæði.
„Það er gert ekki síst í ljósi mik-
illar íbúafjölgunar og klárlega mun
einn daginn verða komin upp þörf
fyrir stærra skólahúsnæði,“ segir
hann.
Fjöldi íbúða í byggingu á þremur stöðum
- Uppgangur í Hörgársveit, íbúðum fjölgar hratt og íbúar verða senn 700 talsins- Leikskólinn
stækkar í takt við fjölgun íbúa en börnum í skólanum hefur fjölgað úr 25 börnum í 58 á fimm árum
Morgunblaðið/Margrét Þóra
Leikskóla fagnað Boðið var til fögnuðar þegar nýja byggingin við Álfastein var tekin formlega í notkun.
Áhugi Snorri Finnlaugsson segist
finna sterkt fyrir því að fólk hafi
áhuga á að setjast að í Hörgársveit.
Fjölgun 25 börn voru í leikskólanum fyrir 5 árum og var hann þá um 175
fermetrar. Nú eru börnin 58 talsins og fermetrarnir orðnir nær 400.