Þjóðmál - 01.12.2018, Qupperneq 19

ÞJÓÐMÁL Vetur 2018 17
ÞINGVELLIR
Hárbeitt umræða á hverjum sunnudegi
ÞINGVELLIR
Hárbeitt umræða á hverjum sunnudegi
ÞINGVELLIR
Hárbeitt umræða á hverjum sunnudegi
Helstu vandamál
Nýjungar kalla á óvissu og aðlögun, það er
mikilvægt að hjálpa kennurum að tileinka
sér nýtt efni og nýjar aðferðir. Það þarf að líta
á forritun sem hluta af læsi og allir þurfa að
laga sig að því. Með fjórðu iðnbyltingunni
skapast mörg störf sem ekki eru til í dag,
störf þar sem þarf að reiða sig á tæknilæsi og
forritunarkunnáttu. Við verðum að undirbúa
þau börn sem eru í skóla í dag undir það.
Kennarar verða að fá þá aðstoð sem þeir
þurfa. Það þarf líka að hafa öfluga símenntun
á sviðinu því tæknin tekur örum framförum
og mikilvægt að fylgjast með nýjust stefnum
og straumum. Grunnskólar verða líka að
hafa aðgang að þeim tækjum og tólum sem
nýtast við kennsluna.
Niðurstaða
Forritunarkennsla ætti að vera hluti af námi
í grunnskólum. Hún eflir ýmsa mikilvæga
þætti hjá börnum sem eru nauðsynlegir í
nútíma samfélagi. Forritun og forritunarleg
hugsun eykur færni í að leysa vandamál,
rökhugsun og sköpunargáfu. Áætlað er að
árið 2020 muni vanta 800.000 manns með
tæknimenntun í Evrópu. Við verðum að
undirbúa börnin fyrir framtíðina.
Við getum ekki beðið lengur, við verðum að
byrja núna.
Höfundur er borgarfulltrúi í Reykjavík og
hugbúnaðarverkfræðingur.