Þjóðmál - 01.12.2018, Qupperneq 78

76 ÞJÓÐMÁL Vetur 2018
Hér er birt ávarp sem Höskuldur H. Ólafsson, bankastjóri Arion banka og
stjórnar formaður Samtaka fjármálafyrirtækja (SFF) flutti á hinum árlega
SFF-degi sem fram fór 4. desember 2018. Fundurinn í ár var helgaður þeim
breytingum sem hafa orðið á fjármálageiranum undanfarin áratug og sjónum
beint að þeim áskorunum og tækifærum sem hann stendur frammi fyrir við
dögun fjártæknibyltingarinnar.
Höskuldur H. Ólafsson
Hlutverk og samkeppnis-
umhverfi fjármálafyrirtækja
Fjármálafyrirtæki gegna mikilvægu og í raun
margþættu hlutverki í samfélaginu og eitt
af hlutverkum Samtaka fjármálafyrirtækja er
að stuðla að upplýstri umræðu um fjármála-
geirann og hlutverk hans í framþróun efna-
hagslífsins. Stuðla að umræðu um mikilvægi
ábyrgrar stjórnunar fjármála heimila, fyrir tækja
og samfélagsins alls. Þannig er það hlutverk
samtakanna að upplýsa og fræða viðskiptavini
fjármálafyrirtæja – fólkið í landinu.
Áhersla á fjármálafræðslu
Samtökin eru með fjölbreytt verkefni á sinni
könnu. Við erum sérlega stolt af verkefni sem
nefnist Fjármálavit og snýst um fjármála-
fræðslu ungmenna í grunnskólanum. Á
þeim fimm árum sem Fjármálavit hefur
verið starfrækt hafa ríflega 400 starfsmenn
aðildarfélaga SFF heimsótt um 14 þúsund
nemendur í grunnskólum um land allt og
leiðbeint þeim við úrlausn verkefna sem efla
fjármálalæsi þeirra.
Þetta er mikilvægt og vísast væri gott að gera
enn betur og draga fleiri að borðinu. Nýleg
frétt um Umboðsmann skuldara fjallaði um
að verkefni þeirra sem þar starfa snéru að
miklu leyti að því að leiðbeina og hjálpa
ungu fólki sem hefur lent í ógöngum við að
fóta sig með sín fjármál.
En það er ekki nóg að efla fjármálalæsi ungu
kynslóðarinnar. Við þurfum líka að tryggja
þekkingu starfsfólks fjármálafyrirtækja.
SFF hafa í samstarfi við hið opinbera og
háskólasamfélagið staðið að námi til vottunar
fjármálaráðgjafa og vátryggingaráðgjafa.
Markmið vottunarinnar er að samræma
þær kröfur sem eru gerðar til slíkra ráðgjafa
og tryggja að þeir búi yfir nauðsynlegri
þekkingu og færni í starfi. Verkefnið á sér
norska fyrirmynd en slík vottunarferli hefur
verið að ryðja sér til rúms í nágrannalöndum
okkar á undanförnum árum. Nú hefur náðst
sá árangur að nánast allir framlínustarfsmenn
í ráðgjöf til einstaklinga hafa hlotið slika
vottun.
Fjármálamarkaðir