Þjóðmál - 01.12.2018, Blaðsíða 79

ÞJÓÐMÁL Vetur 2018 77
Aukin samkeppni og
innreið fjártækninnar
Fjölmargir þátttakendur eru á íslenskum
fjármála- og lánamarkaði og þeim fer
fjölgandi. Lífeyrissjóðirnir eru umsvifamiklir
lánveitendur á fasteignamarkaði ásamt því
að vera fyrirferðarmiklir fjárfestar á verðbréfa-
mörkuðum. Erlendir bankar eru umsvifa miklir
í lánveitingum og ýmissi tengdri þjónustu til
stærri fyrirtækja og stofnana og keppa þar
við íslenska banka. Erlend trygginga félög
eru einnig með stóra hlutdeild á trygginga-
markaði.
Þá hefur innreið fjártækninnar galopnað
samkeppnismarkaðinn þegar kemur að
neytendalánum, greiðslumiðlun og annarri
fjármálaþjónustu. Á fundi sem SFF stóð fyrir
með Fjártækniklasanum um kortlagningu
íslenska fjártæknilandslagsins kom þetta
bersýnilega í ljós. Fjöldi fyrirtækja á fjármála-
markaðnum er meiri en umræðan gefur til
kynna. Umtalsverður fjöldi fyrirtækja starfar á
mörgum sviðum fjármálaþjónustu og keppa
þau sín á milli með beinum og óbeinum
hætti.
Þessum fyrirtækjum á eftir fjölga samhliða
framrás fjártækninnar og það á eflaust eftir
að leiða til þess að samkeppnin í fjármála-
þjónustu einstaklinga fari í vaxandi mæli
fram þvert á landamæri.
Stafræn þjónusta felur í sér hagræði
Aðildarfélög SFF sitja ekki með hendur skauti
þegar kemur að nýsköpun og fjártækni. Það
má segja að fjármálafyrirtækin sjálf hafi verið
í fararbroddi fjártækninnar hér á landi.
Í fjártækninni og stafrænni þjónustu felast
mikil tækifæri til að svara kalli viðskiptavina
um stöðugt betri og skilvirkari þjónustu.
Stafrænar lausnir hafa leitt til mikils hagræðis
á íslenskum fjármálamarkaði, bæði fyrir
viðskiptavini og fjármálafyrirtækin sjálf.
Nú geta viðskiptavinir sinnt nánast öllum
viðskiptum með stafrænum hætti. Þetta
hefur leitt til þess að útibúum hefur fækkað
mikið á undanförnum árum og sjálfvirkni og
sjálfsafgreiðsla færist í vöxt í þeim útibúum
sem enn eru til staðar.
Sú gagnrýni sem oft birtist í fjölmiðlum og
á samfélagsmiðlum þegar tilkynnt er um
slíkar hagræðingaaðgerðir endurspeglar
ágætlega þversagnakennda umræðu um
fjármálageirann. Á sama tíma og kostnaður
fjármálakerfisins er gagnrýndur þá er kvartað
yfir hagræðingaraðgerðum. Það er mikilvægt
að halda staðreyndum til haga í þessum
málum, ekki síst vegna þess að fyrirsjáanlegt
er að þróunin verði áfram í þessa átt og
fjármálaþjónusta verði í æ ríkari mæli
stafræn. Það er jafnframt mikilvægt að hafa
í huga að innreið stafrænna þjónustuleiða
samhliða fækkun útibúa hafa á heildina litið
falið í sér betri þjónustu fyrir viðskiptavini.
Höskuldur H. Ólafsson, bankastjóri
Arion banka og stjórnarformaður
Samtaka fjármálafyrirtækja (SFF).