Þjóðmál - 01.12.2018, Qupperneq 81

ÞJÓÐMÁL Vetur 2018 79
Það er með öllu óásættanlegt að önnur
fyrirtæki sem veita sambærilega þjónustu og
bankarnir búi við annarskonar skatta umhverfi.
Jafnréttismál í öndvegi
Jafnréttismál eru ofarlega á baugi í samfélag-
inu og innan fjármálgeirans. Fjármálageirinn
státar af því að nokkuð jöfn kynjaskipting
er innan stjórna og framkvæmdastjórna
bankanna og vátryggingafélaganna. En við
getum gert enn betur og þurfum hvert og
eitt að einsetja okkur að ná meiri árangri
innan okkar fyrirtækja hvað jafnrétti varðar –
og þá jafnrétti í sem víðustum skilningi.
Öryggismál og varnir gegn fjársvikum
Tölvuglæpir og netárásir eru nöturleg
staðreynd hins stafræna veruleika. Ísland
er ekki eyland í þessum efnum en nánast
öll bankaviðskipti hér á landi eru rafræn.
Þrátt fyrir að fyrirtæki geti varið sig gegn
slíkri ógn með öryggiskerfum þá halda þau
ekki vörnum gegn ákveðinni tegund slíkra
glæpa. Það eru svokölluð stjórnendasvik
en þau felast í því að fjársvikamenn villa á
sér heimildir og þykjast vera stjórnendur í
fyrirtækinu sem svikatilraunin beinist gegn
og senda trúverðug fyrirmæli á starfsfólk um
að millifæra fé með hraði.
Því miður þá millifærðu stjórnendur í
íslenskum fyrirtækjum umtalsverðar fjárhæðir
út af reikningum fyrirtækja sinna á síðustu
tólf mánuðum eftir að hafa fallið í gildrur
fjársvikamanna. Fjármálafyrirtækin geta
stundum endurheimt það sem millifært var –
en ekki alltaf.
SFF sinna samstarfi sérfræðinga aðildar-
félaganna í netöryggismálum og eiga í góðu
samstarfi við lögregluyfirvöld þegar kemur
að baráttunni gegn slíkum glæpum. Það má
segja að fjármálafyrirtæki séu í fremstu víglínu
þegar kemur að baráttunni gegn þessari vá.
Það sama er upp á teningnum þegar kemur
að vörnum gegn peningaþvætti. Þar eiga
aðildarfélög SFF í nánu samstarfi við stjórn-
völd. Aðilar á fjármálamarkaði sem og stjórn-
völd og alþjóðlegar stofnanir þurfa að vinna
þétt saman í þessum efnum.
Þetta varpar ljósi á mikilvæg og margþætt
hlutverk sem fjármálageirinn leikur í sam-
félaginu en sjaldan er talað um.
Hvetjandi samkeppnisumhverfi
Það er markmið allra aðiladarfélaga SFF að
þjóna sínum viðskiptavinum vel og með
ábyrgum og nútímalegum hætti. Til að svo
megi vera er mikilvægt að bæði fjármála-
fyrirtækin sjálf sem og stjórnvöld leggi sig
fram um að byggja hér á landi upp öflugan
fjármálamarkað og hvetjandi samkeppnis-
umhverfi.
Ávarp flutt á hinum árlega SFF-degi sem
fram fór 4. desember 2018.
Bankaskatturinn er skattur á markaðsfjármögnun banka um tugi prósenta.
Skattur sem að endingu leggst á kjör almennings og fyrirtækja – og kemur
líklega harðast niður á minni fyrirtækjum.