Múlaþing: byggðasögurit Austurlands - 01.01.2016, Qupperneq 86

Múlaþing
Hrafnkell Lárusson og Ólafur Asgeirsson þáverandi þjóðskjalavörður undirrita samning um þátttöku Héraðs-
skjalasafns Austfirðinga í verkefni við skráningu manntala. Vinna starfsmanna héraðsskjalasafnsins við verkefnið
hófst í mars 2008 enþví lauk í ársbyrjun 2011. Manntölin voru síðar gerð aðgengileg á vefnum www.manntal.is.
Eigandi myndar: Ljósmyndasafn Austurlands.
Sýningar og viðburðir
Fyrstu sýningar á vegum héraðsskjalasafnsins
er getið í starfsskýrslu þess fýrir árið 1982. Hún
var sett upp í tilefni heimsóknar sýslunefnda
Norður- og Suður-Múlasýslna og sýslumanna
í saínið og var megintilgangurinn að einfalda
kynningu á starfsemi safnsins. Sýnd vom skjöl
(bæði sýslu- og hreppaskjöl) auk ljósmynda og
bóka. Sýningin var sett upp í húsnæði safnsins
um vorið og var hún látin standa fram á haust.
Annars er lítið getið um sýningahald í starfs-
skýrslum safnsins fram til ársins 1996. Þó
tók safnið þátt í kynningardegi skjalasafna
árið 1992 og segir í starfsskýrslu þess árs
að sá viðburður hafi heppnast vel þrátt fyrir
erfíðleika við að taka á móti gestum vegna
þrengsla í húsakynnum safnsins. Þau vom
fyrir flutninga hinn takmarkandi þáttur þegar
kom að því að halda viðburði eða sýningar.
Eftir að héraðsskjalasafnið flutti í Safna-
húsið í Laufskógum árið 1996 hófst samstarf
þess og Minjasafns Austurlands og Bókasafns
Héraðsbúa um sýningahald og viðburði.
Árið 1998 var fyrsta bókavaka Safnahússins
haldin og sama ár stóðu söfnin sameiginlega
að mánaðarlegum viðburðum í húsinu. Þetta
samstarf festist í sessi og dafnaði næstu árin og
ól sambúð safnanna í húsinu af sér margvíslega
viðburði. Árið 2001 vart.d. mjög viðburðaríkt
í Safnahúsinu. Auk menningardags í apríl,
þar sem Sigmarsstofa var formlega opnuð,
var í maí haldin Ármannsvaka, til heiðurs
Ármanni Halldórssyni og rit- og fræðaferli
hans. Um sumarið var sett upp sýning til-
einkuð austfírskum íþróttamönnum í tilefni af
Landsmóti UMFI sem þá var haldið á Egils-
stöðum. I nóvember tók héraðsskjalasafnið
svo í fýrsta sinn þátt í Norræna skjaladeginum
og var einnig þátttakandi í Dögum myrkurs.
Síðan hefur héraðsskjalasafnið oftast verið
þátttakandi í báðum þessum árlegu viðburðum,
auk ýmissa annarra viðburða.
Starfsmenn héraðsskjalasafnsins hafa ekki
aðeins sett upp sýningar í Safnahúsinu heldur
hefur safnið einnig tekið þátt í sýningahaldi
annars staðar. Sú nýbreytni var tekin upp árið
84