Heilsuvernd - 01.03.1994, Side 4

Efnisyfirlit
SKOKK bls. 6
Skokk er sá þáttur heilsuræktar sem á hvað
mestum vinsældum að fagna víða um lönd.
Hérlendis er einnig vaxandi Qöldi fólks sem
stundar skokk sér til ánægju og heilsubótar
en óbh'ð vetrarveðrátta verður þó til þess að
það nýtur minni vinsælda en ella. Sannleik-
urinn er hins vegar sá að það eru sárafáir
dagar á ári sem ekki er hægt að stunda
skokk hérlendis ef vilji og áhugi eru fyrir
hendi. I grein blaðsins um skokkíþróttina
eru gefin nokkur góð og heillavænleg ráð.
KYNLÍFSFÍKLAR bls. 13
í augum flestra eru ást og kynlíf tvær grein-
ar af sama meiði. En allstór hópur fólks á við
erfiðleika að stríða í kynlífinu. Hugsun þessa
fólks snýst fyrst og fremst um að komast
yfir sem flesta rekkjunauta og það á oft í
mikilli innri baráttu og tilfinningakreppu.
Fjallað er um eðli kynlífsfiknarinnar og ráð til
þess að losna undan henni.
KVEF bls. 21
Kvef er sá kvilli eða sjúkdómur sem flestir
eða allir íslendingar hafa kynnst af eigin raun
og fá jafnvel á hverju ári. Það eru til ýmis
góð ráð til þess að losna við kvef eða gera
sér það léttbærara og um það er fjallað í
grein í blaðinu.
ERMJÓLKGÓÐ? bls. 24
Ólafur Sigurðsson matvælafræðingur ritar
grein í blaðið um mjólk og mjólkurafurðir þar
sem m.a. kemur fram að þótt framboð hafi
aukist á plbreytilegum mat á íslandi halda
mjólkin og afurðir úr henni enn sama gildi og
áður og eru ómissandi þáttur í fæðukeðj-
unni.
NEYSLA FITURÍKRAR
FÆÐU bls. 28
Talið er að neysla mettaðrar fitu sé of mikil á
íslandi, rétt eins og í flestum öðrum velferð-
arþjóðfélögum. Vert er fyrir fólk að vera á
varðbergi og haga fæðuvali sínu þannig að
það dragi úr áhættunni á sjúkdómum sem
geta fylgt of mikilli fituneyslu.
FLUGHRÆÐSLA bls. 32
Fjölmargir hafa fundið til flughræðslu og
fyrir suma er tilhugsunin um að fara í flug-
ferð skelfileg og á meðan á flugferðirtni
stendur er þetta fólk oft algjörlega miður
sín. Minnsta hljóðbreyting í vélinni eða
ókyrrð í lofti verður til þess að flughræddir
telja sína síðustu stund vera að renna upp.
Það eru margar ástæður fyrir flughræðsl-
unni og það eru líka til mörg ágæt ráð til þess
að yfirvinna hana.
íþróttir hafa víðtæk
áhrif á unglingana
Birtar hafa verið niðurstöður úr umfangsmikilli könnun, sem unnin var á
vegum félagsvísindadeildar Háskóla íslands, þar sem kannað var hvaða áhrif
hreyfing og íþróttaiðkun hefðu á lífsviðhorf og ákveðið hegðunarmynstur
unglinga. Út af fyrir sig koma niðurstöður könnunarinnar ekki ýkja mikið á
óvart en þær eru athyglisverðar og staðfesta, svo ekki verður um villst, hversu
mikið það hefur að segja að ungt fólk tengist íþróttastarfinu á einn eða annan
hátt og hve jákvæð áhrif það hefur.
Meginkjarninn í niðurstöðum könnunarinnar er sá að íþróttaiðkun ung-
menna hefur víðtæk áhrif á þau. Sú staðreynd blasir við að unglingar, sem iðka
íþróttir, reykja, drekka eða nota vímuefni miklu síður en þeir sem ekki eru í
íþróttum. Sjálfsvirðing unglinganna vex með íþróttaiðkuninni og það, sem
kannski er hvað athyglisverðast, er að það tengist ekki því beint að keppnisár-
angur náist. Aukin sjálfsvirðing virðist aftur beina unglingunum inn á réttar
brautir og verður líka til þess að þau ná betri námsárangri. Það er því firra, sem
sumir halda fram, að unglingar, sem eru „á kafi í íþróttum", eyði of miklum
tíma frá náminu í íþróttirnar. Vitanlega kunna þar að vera undantekningar á
en meginreglan er sú að íþróttaiðkun verður til þess að betri námsárangur og
einbeiting í námi nást.
Stundum heyrist sú gagnrýni að allt of miklum peningum sé eytt til uppbygg-
ingar íþróttaaðstöðu og íþróttastarfs. Þeim, sem slíku halda fram, væri hollt að
kynna sér niðurstöður umræddrar könnunar. Þær benda, þvert á móti, til þess
að seint verði þar ofgert og að fáar fjárfestingar skili í raun betri arði en
íþróttamannvirki og fátt beri betri vexti en þeir fjármunir sem lagðir eru í
íþróttastarfið. Hafa ber í huga að það eru mikil þjóðfélagsleg verðmæti, sem
erfitt er að mæla í krónum og aurum, ef æska landsins nýtur aukins öryggis og
tekst að forðast þá þröskulda sem því miður of margir hrasa um.
Astæða er til þess að hrósa uppbyggingu íþróttastarfs á íslandi. Það hefur
eflst til muna á síðustu áratugum og nær nú til mun fleiri en áður. Margir hafa
lagt hönd á plóginn við þá uppbyggingu og má til fyrirmyndar teljast hvernig
sjálfboðaliðastarfi og opinberum stuðningi hefur verið háttað. En umrædd
könnun sýnir hins vegar að fyllsta ástæða sé til þess að gera enn betur. Það
þarf að beina enn fleiri ungmennum inn í íþróttastarfið, þeirra sjálfra vegna, og
beita til þess öllum tiltækum ráðum. Þannig væri unnið virkt forvamarstarf
sem ekki aðeins yrði til þess að þjóðin yrði heilsuhraustari og heilbrigðari
heldur líka til þess að fleirum liði betur og þá einkum unglingunum sem oft
eiga við margþátta vandamál að etja.
HEIISUVEMD
4. tbl. 1993 48. árg.
RITSTJÓRI:
SteinarJ. Lúðvíksson.
FULLTRÚI NLFÍ
í ritstjóm:
Gunnlaugur K. Jónsson.
FAGLEG RÁÐGJÖF:
Guðmundur Bjömsson yfirlæknir
AUGLÝSINGASTJÓRI:
Erla Harðar
STJÓRNARFORMAÐUR:
Magnús Hreggviðsson
FRAMKVÆMDASTJÓRI:
Halldóra Viktorsdóttir
VERÐ í ÁSKRIFT:
kr. 398,00 pr. eintak
Ef greitt er með greiðslukorti
kr. 358,00 pr. eintak.
VERÐ í LAUASÖLU:
Kr. 495,00 nWSK
Blaðið er unnið í
G. Ben. prentstofu hf.
ÚTGEFANDI: FORSÍÐUMYND:
FRÓÐI HF. í samvinnu Gunnar Gunnarsson.
við NLFÍ
4