Strandapósturinn - 01.06.2013, Blaðsíða 75

73
Úr eldhúsinu og fram í bæjardyrahúsið lá allbreiður gangur,
um fjögurra álna langur, með hurðum fyrir báðum endum. Frá
þessum gangi og að bæjarhlaði, milli stofu og bæjardyra, var upp-
haflega þykkur veggur sem var rofinn þegar foreldrar móður
minnar komu alkomnir til okkar, rétt fyrir aldamótin. Var þá
útbúið fyrir þau herbergi þarna með tveimur rúmum með fram
suðvesturhlið þess og inngöngudyrum frá bæjardyrahúsi en
glugga út að bæjarhlaði. Ris var á þessu húsi og loft undir sem
aldrei var notað enda enginn inngangur að því.
Bæjardyrahúsið var allstórt, náði frá bæjardyrum og um þrjár
álnir inn fyrir nefndan gang til baðstofuhúss en þá tók við hlóða-
eldhúsið, aðskilið frá bæjardyrahúsi með timburþili með dyrum á
miðju þili. Í því húsi var allrúmgott því að það var álíka breitt og
baðstofuhúsið. Var stundum dansað þar og farið í aðra leiki, eink-
um ef gestir voru á vetrum. Sex rúða gluggi var á framþili til vinstri
handar er út var gengið en bæjardyrnar til hægri og lágur gluggi
yfir þeim. Ris var yfir húsinu með torfþekju klæddri að innan
með skarsúð. Loftið undir risinu var kallað dyraloft. Þar voru
geymdir ýmislegir hlutir sem bæði tilheyrðu heimilinu og heim-
ilisfólkinu, koffort og kirnur og fleira. Gluggi var aðeins á fram-
þili en bakþil var efri hluti þilsins er skildi hlóðaeldhús og bæjar-
dyrahús. Stigi var upp á loftið og var hann innarlega við
norðausturhlið hússins, rétt við dyr er voru að gangi sem lá í
gegnum norðaustasta húsið er kallað var skemma. Í bæjardyra-
húsinu var hefilbekkur við þilið inn af glugganum og þar inn af,
með þilinu og inn undir stigann, var eldiviðnum hlaðið upp sem
var niðursagaður og klofinn rekaviður. Í horninu milli dyra til
baðstofu og hlóðaeldhússdyra var vatnstunna allstór og mjöl-
kvörnin en þá var kornið flutt inn ómalað. Var æði þungt að snúa
kvarnarsteininum og þóttist ég orðinn töluverður maður þegar
ég fór að geta það. Fuglsvængur var hafður til að sópa með mjöl-
inu úr kvarnarstokknum í mjölílátið. Ýmislegt fleira var í þessu
húsi, t.d. viðarhögg er eldiviðarkubbarnir voru klofnir á svo og
nokkurs konar timburgálgi er rekaviðarstaurarnir voru sagaðir
[á] niður í hæfilega langa búta fyrir eldavélina.
Í hlóðaeldhúsinu voru þrennar hlóðir á hlöðnum bálki um
hnéháum. Yfir húsinu var torfþak, framhald þess yfir dyralofti og
allvíðir tveir strompar í mæni. Þarna fór fram slátursuða á haustin